• 瀏覽: 6,203
  • 回覆: 47
  • 追帖: 3
  • 分享: 2
本主題由 幸福是遇上你 於 2024-6-17 05:24 使用 提升卡
同大家分享下我嘅故事

年幾前同一個男生拍拖, 未開始時對佢印象都唔錯, 講野陰聲細氣, 有禮貌, 又肯助人, 誰知佢係雙面人, 對出面嘅人一個樣, 對住女友又係另一個樣.

我諗到咩就寫, 可能有啲亂.

4月頭佢未有同我交代分手事宜, 就玩失蹤,  失聯, 5月中才揾到佢, 原來佢已同個大陸女人一齊, 我在不知情下被分手, 仲要你已經拖住第二個, 真係好傷.

佢係唔會同同事講自己拍緊拖, 因為佢要繼續揾target, 同埋想人介紹女仔俾佢.  佢而家呢個大陸女人都係人地介紹俾佢. 

你以為好傷, 原來係未夠呀, 佢無恥到借錢唔還, 既然分開了, 咁我就叫佢還返拍拖時借我嘅錢同埋卡算數錢 ($17xxx), 俾了一個期限佢還, 無理我, 我同佢講, 欠債還錢, 天經地義, 再問佢幾時會還錢, 佢就叫我唔好再煩佢, 再煩佢就block左我, 之後當然有繼續追, 佢一樣無理我, 直至有一日佢whatsapp話要我計返條數點欠我, 咁我print哂啲statement, highlight邊日禁過錢俾佢, 佢用我信用卡簽過嘅帳項, 過了多日, 都係無還, 之後日日追, 都係無回應, 最後whatsapps問佢幾時會還錢? 係咪諗住唔還? 仍然都係無回應.

佢响地盤返工, 月入4萬, 唔煙唔酒唔賭錢, 但就好鍾意買期指, 佢差不多每個月都會問我借錢, 佢2月份換車啲錢都係我借俾佢, 有時舊數未清, 又問借錢, 唔借就會發脾氣, 就算借了, 一樣要受氣, 最後一次問借錢(3月分), 只是想佢講句唔該 (其實佢之前次次都無講), 就係咁簡單, 呢啲係基本禮貌, 佢都可以發返你脾氣, 話: 我而家有難有須要先會問你借, 你仲好意思煩我要我講唔該, 你係咪想我合十雙手拜你講唔該呀. 佢對出面啲人就好客氣, 唔該前唔該後, 但對住女友就呼呼渴渴, 一發脾氣就會用粗口狂鬧你.

出街食飯, 搭車, 成日望女仔, 知佢脾氣差, 無謂同佢嘈, 會忍, 有次真係望得好過份, 由坐低已經望, 望完左一枱, 再望右一枱, 不停望, 完全當女友透明, 已經好客氣問佢, 隔離有咩好望, 你已望了好耐, 不出所料, 佢又發脾氣發爛渣鬧返你, 還要嬲你成個星期.

拍拖咁耐, 就聽足咁耐話車你返屋企啲油錢同隧道費好貴, 其實最多只是星期六日出完街車返屋企, 去程都係搭車去搵佢, 星期一至五係唔見, 真係唔知油錢同隧道費有幾貴, 但係佢就好樂意日日車女同事返工放工.

有次在茶餐廳唔小心把雨傘拍低左, 整到隔離枱個阿媽隻腳, 已經勁講對唔住, 對方仲要妙, 黑哂面, 仲話我有無攪錯, 整到人, 當刻真係好唔開心, 但佢可以若無其事地睇餐牌, 開到口話好唔開心, 想你安慰下我, 佢話咁小事, 做咩要咁唔開心,  而家係你整到人阿媽, 人地緊張阿媽鬧你都好正常, 你係抵鬧, 有咩要安慰, 最後仲要俾佢趕走, 叫我返屋企.

有次信用卡出了問題, 都未開口叫佢陪我去銀行, 佢已經話自己好忙好多野做, 你嘅事就自己解決, 唔好煩佢.

有次做完婦科手術, 佢完全零關心之後覆診怎樣, 只關心幾時可以有性行為.

佢每日放工都會去某地方攞食物, 嚴格黎講係執餐廳嘅廚餘, 然後拎上山餵馬騮, 野豬, 每次同佢出街, 其中一個環節就係陪佢攞食物, 女友嘅作用就係同佢看車, 唔使俾人抄牌.

佢個人好唔腳踏實地, 成日覺得股票市場可以令佢發達, 我曾經講過, 如果股市可以令人發達, 呢個世界就無窮人, 結果當然俾佢鬧到pk, 因為同佢唱反調, 佢成日叫我開個富途牛牛戶口, 擺幾萬入去, 聽佢指示買期指, 我真係唔想, 一來我唔識呢啲野, 二來唔係實賺, 聽講上落好大, 輸左又要補倉, 我真心唔恨賺呢啲錢, 拒絕佢開戶口, 佢就發哂脾氣話出面個個唔支持佢都算, 你係我女友, 叫你拎幾萬開個戶口o者, 咪當係支持下我囉, 完全係情緒勒索. 

其實有次就係聽佢老點, 我手上有一隻股票, 佢就專家上身話呢隻好唔掂叫我立即放, 我話而家放會蝕3萬幾, 況且我都擺了幾年, 咪由得擺响度, 唔想蝕放, 佢不斷轟炸叫我放, 我又好on居真係放了, 最不幸係唔夠一個月就上返我買個位(仲有賺添), 唔係聽佢講, 我就唔使白白蝕了3萬幾, 佢事後仲講, 有咩咁大不了, 蝕左咪低啲再買返囉, 一啲唔好意思累你蝕錢都無, 我心諗, 啲錢唔係你, 你跟本就唔會肉赤, 相反自己輸錢就無故發脾氣揾我出氣.

事後佢又專家上身叫我買返同一隻股票, 無啦啦又話睇好呢隻, 不久之後實升, 我話唔買, 佢又發哂脾氣話我做咩唔信佢, 最後話我無本錢買, 你當係借俾我, 如果月尾係蝕嘅, 我俾返個差額你, 咁佢話當借俾佢, 咪信佢囉, 到月尾真係蝕了, 佢當然無俾返個差額我啦, 仲話咪由得擺响度囉, 遲早實會升返, 我無啦啦要窄住一筆錢, 佢講野係唔會認數.

所以我唔想同佢响股票上再有咩金錢瓜葛, 前前後後已叫過我3次開戶入錢俾佢買期指, 拒絕了, 又發脾氣話我唔支持佢, 仲要嬲足成個星期唔彩我, 到後期, 佢直情係問我攞十萬買期指, 唔係借, 佢話而家香港地十萬都唔係咩錢, 人人都拎出黎, 唔明點解我唔肯拎錢出黎俾佢錢揾錢, 本大先可以賺多啲, 我話唔一定係賺, 佢話睇好個股市, 就算蝕, 咪由得佢擺响度. 佢好癡線, 你有本事咪用自己錢買囉, 成日用我錢來賭自己眼光, 輸嘅唔係佢錢, 佢完全唔使成本亦唔會肉赤.

同呢個人拍拖, 簡直癲覆左對拍拖嘅定義, 拍拖唔講電話, 你住邊唔知, 從來無送過你上屋企, 車返屋企都係放低附近條街, 方便佢回程條路, 生日無慶祝, 無禮物, 連一個紙包蛋糕都無. 未食過一餐自助餐, 放題, 連一餐食超過$500都無 (唔係人頭計, 係兩人計), 未去過主題樂園, 所有野唔係話無興趣, 就話好遠, 好貴, 停車場好貴, 佢完全係零付出, 無論感情, 時間, 金錢全部都無, 就算每日哂幾分鐘同你講個電話都話自己好忙, 唔會為你做, 其實講個電話有幾哂時間, 係零成本, 佢係唔想做就唔會做.

呢個人脾氣極差, 極度主觀, 偏激, 自私, 心胸狹窄, 記仇, 輸股票發你脾氣, 自稱工作壓力大又發你脾氣, 身體唔舒服又揾你出氣, 懷疑佢有燥狂症, 只要一句唔啱聽, 就會即著, 發哂癲鬧人, 有時只是講出自己睇法, 只要佢係唔認同, 就會發癲鬧人, 同佢係唔可以平心靜氣傾計, 佢講什麼, 你都要認同, 唔可以發表其他意見, 每次發脾氣用粗口鬧完人, 從來唔會為此道歉, 佢永遠覺得自己是對的, 錯嘅一定係人地.

佢工作態度都好有問題, 工作大部分時間係睇股市, 長週唔會返工, 因為唔使簽到.

講唔到咁多, 實在太多.

純粹分享, 如果大家有咩追債方法, 可以教教, 謝謝!

[ 本帖最後由 BigMcbb 於 2024-6-7 11:26 編輯 ]



唉,長文,賤男總有市場,愈衰愈多人愛。
銀碼唔大,無可能找收數公司做,唯有向工作地方埋手,煩到去人事部,睇下有無機會,但自己都可能有影響。
借咗出去,叫人還錢,難度9.9999,10分滿分。
 
Good luck.



引用:
原帖由 BigMcbb 於 2024-6-7 11:24 發表

同大家分享下我嘅故事

年幾前同一個男生拍拖, 未開始時對佢印象都唔錯, 講野陰聲細氣, 有禮貌, 又肯助人, 誰知佢係雙面人, 對出面嘅人一個樣, 對住女友又係另一個樣.

我諗到咩就寫, 可能有啲亂.

4月頭佢未有同我交代分手事宜, 就玩失蹤,  失聯, 5月中才揾到佢, 原來佢已同個大陸女人一齊, 我在不知情下被分手, 仲要你已經拖住第二個, 真係好傷.

佢係唔會同同事講 ...
點解咁賤骨頭?,同呢啲人一齊

你冇腳嘅咩?



其實你數得佢越多罪,
就顯得你越low.
佢差到咁,都唔要你。
你200磅/ 35+歲?



[隱藏]
賤男非常有market!我都學習緊做賤男!


引用:
原帖由 BigMcbb 於 2024-6-7 11:24 發表

同大家分享下我嘅故事

年幾前同一個男生拍拖, 未開始時對佢印象都唔錯, 講野陰聲細氣, 有禮貌, 又肯助人, 誰知佢係雙面人, 對出面嘅人一個樣, 對住女友又係另一個樣.

我諗到咩就寫, 可能有啲亂.

4月頭佢未有同我交代分手事宜, 就玩失蹤,  失聯, 5月中才揾到佢, 原來佢已同個大陸女人一齊, 我在不知情下被分手, 仲要你已經拖住第二個, 真係好傷.

佢係唔會同同事講 ...
錢別追⋯當是用來買起對方人格⋯

看新聞有多少案件債仔對債主下毒手?
不是說對錯,而是人要保護自己。
欠債還錢是天經地義,但因追債而自身受傷害,更不值!



引用:
原帖由 不知所位 於 2024-6-7 14:27 發表

其實你數得佢越多罪,
就顯得你越low.
佢差到咁,都唔要你。
你200磅/ 35+歲?
Good points, but ages and weights are not relevant.
 
愛情令人盲目啫,都唔關肥或醜事。



原來大陸妹先係最有市場


長文,無睇,最緊要有冇比人中岀?😏


[隱藏]
引用:
原帖由 地平綫嘅盡頭 於 2024-6-7 15:35 發表

長文,無睇,最緊要有冇比人中岀?😏
Sure la, haha.
No dom dom, nice.



凣事有因果,毋須同情!


世途險惡,帶眼識人。。。


引用:
原帖由 BigMcbb 於 2024-6-7 11:24 發表

同大家分享下我嘅故事

年幾前同一個男生拍拖, 未開始時對佢印象都唔錯, 講野陰聲細氣, 有禮貌, 又肯助人, 誰知佢係雙面人, 對出面嘅人一個樣, 對住女友又係另一個樣.

我諗到咩就寫, 可能有啲亂.

4月頭佢未有同我交代分手事宜, 就玩失蹤,  失聯, 5月中才揾到佢, 原來佢已同個大陸女人一齊, 我在不知情下被分手, 仲要你已經拖住第二個, 真係好傷.

佢係唔會同同事講 ...
同呢度d男人提議男人應點對女人非常吻合,你前男友跟足


去小額錢債告佢囉



引用:
原帖由 BigMcbb 於 2024-6-7 11:24 發表

同大家分享下我嘅故事

年幾前同一個男生拍拖, 未開始時對佢印象都唔錯, 講野陰聲細氣, 有禮貌, 又肯助人, 誰知佢係雙面人, 對出面嘅人一個樣, 對住女友又係另一個樣.

我諗到咩就寫, 可能有啲亂.

4月頭佢未有同我交代分手事宜, 就玩失蹤,  失聯, 5月中才揾到佢, 原來佢已同個大陸女人一齊, 我在不知情下被分手, 仲要你已經拖住第二個, 真係好傷.

佢係唔會同同事講 ...
總數欠你幾多錢?



[隱藏]
引用:
原帖由 IronmanXX 於 2024-6-7 11:40 發表

唉,長文,賤男總有市場,愈衰愈多人愛。
銀碼唔大,無可能找收數公司做,唯有向工作地方埋手,煩到去人事部,睇下有無機會,但自己都可能有影響。
借咗出去,叫人還錢,難度9.9999,10分滿分。
 
Good luck.
啲錢好難收返啦,分咗手算啦。



鍵盤翻頁
左右