事源係咁：
我同我另一半已經差唔多一年
途中經歷過唔少野
去到年頭返新工 就開始多拗叫
再加我好蠢 （咁老實講我自問都算係一個on9）
有一段時間差唔多都被佢罵 （咁我係冇嬲ge因為我的確有做錯位）
咁我個段時間返工好悶 開左個識人ac 類似香討個d（咁呢個絕對係我問題）咁都有同網上個人傾過 但之後見到勢色唔對 我就blk左佢 之後冇再開個網站
去到六月個時 我同另一半有一個月冷靜期（因為我太幼稚做野唔成熟）個段時間十分煎熬 去到大約第兩三個星期左右佢打比 話可以比機會我 但佢有坦白同我講「個段時間有做錯事」我聽完好心痛 又嬲 不過之後我當乜都冇聽過 因為真係愛佢 咁因為呢件事我靈機一觸 拿拿林 開返網上討論區 搵返對方 但我連個密碼係咩都唔記得都係靠撞 最後開返 我係想blk佢contact
之後上個月 朝早佢拍醒我 問我有張cap對話相佢係咩人？ 叫我開咁我老實所有野佢知 佢個反應好冷靜要分手 我有求佢比次機會我 佢話唔可以 之後離開佢屋企 佢叫我唔好咁 比佢諗清楚仲可以一齊
去到當晚 我諗住打比佢再講返呢件事
佢話唔可以信任我 話我包裝得自己好好
佢有一句說話我到今日仲記得 佢話「就算一齊返對我個只會越來越少」我個心好痛
咁個朝早我都有講好傷害佢說話「因為佢滿足唔到我」但呢句說話我係冇呢個諗法去講
收線前佢要一個月冷靜期 至於分定唔分個決定權係佢到
呢段時間我每日每夜都諗返個朝早畫面 再諗返講個句說話 我真係好心痛 日日喊住收工 返屋企直接沖涼上床喊到攰就訓 我真係好憎自己點解我要咁做 唔知佢而加點 不過我都有企佢角度諗 其實一直以泥 佢好似湊仔咁湊我一定好辛苦 但我呢段時間反覆諗自己個過錯 我覺得如果分開左 佢舒服 放下心頭大石 ge話 咁我唯有尊重佢決定 因為我都唔想做佢負累 但我唔想咁就分手 不過冇ge 今次真係只可以怪自己on9
