• 瀏覽: 12,868
  • 回覆: 107
  • 追帖: 3
  • 分享: 4
大家好,我係女性 今年剛40出頭
童年發生了很多次不愉快既被虐案,
屈在心裡很久,雖然我今年40歲,有時回想起這些事,個心都會痛,有時會心震或流淚。
不如鼓起勇氣同大家講下童年往事.

小時候我地住公屋,有爸爸,媽媽 一個細我6年既細佬。家裡環境唔好,爸爸做工程既工,有時返日班有時返夜班,媽媽在家車衫。看似很正常是嗎?介紹下我媽,當她後生仍是30幾歲既時候,佢好大情大性,有野就講,有屁就放,故佢都較容易同人爭執,飲茶會同人嘈,買送又嘈·……介紹下我爸,老粗一名,超級易著火,超級冇腦,樣樣野都亂來,易發牌氣,易動手動腳,沈迷賭博及永遠只用發脾氣及暴力去解決問題。

童年的事太多,要分開寫,大家有興趣就睇下,冇既話都多謝你入過黎這版啊~

事件一:
在食晚飯時,因爸爸唔比我睇電視,要我背住個電視坐,我就用窗既倒影睇,我當時真係好想睇嘛,點解佢地就可以我就唔可以呢?之後佢鬧我:“你唔好以為我唔知你做緊咩呀下” 我:“我想睇電視”, 之後佢就開始發癲:“我吊你老母,一手推左我落地,在狂踢我,一路講住我吊你老母”, 我媽有冇扯住佢,唔記得,太多次,大概踢左20幾下,我訓在地下在哭,佢就收左聲入房訓覺。之後再冇人理我,我就哭天光,第二日腫哂咁返學。當時應該係2,3年級。。。

太多,下轉再寫

[ 本帖最後由 Bellbellbella 於 2023-9-3 11:43 編輯 ]



加油加油


平時爸爸的性格比較暴燥,一般來說,一句說話,一個動作,一個眼神都可以激嬲佢,而且激左唔知咩事,我地只要見到佢開始講粗口“我吊你老母湊西”, "我吊你老母湊西", 之後就會有暴力事件發生。

事件二: 今次是發生在我細佬身上,男仔緊會有d 遊戲機,到有次唔知咩事激嬲左爸爸,爸爸就拎起左細佬既任天堂,全部掉哂落地,中途包括粗口指駡,跌落地既聲音越大聲,我個人就越驚,因為我唔知佢會唔會癲起上來又打埋我。我記得佢掉完遊戲機後,都會打埋我細佬一獲,因可能遊戲機已被發洩左情緒,打我細佬果獲就冇咁甘。我當年應該係11,12歲,我細佬應該係6歲。而我在房,聽到的是boom boom 聲,粗口聲,我細佬嗌既聲“唔好呀” “唔好呀”, 而我在房整個震哂,非常之驚。

[ 本帖最後由 Bellbellbella 於 2023-9-3 11:45 編輯 ]



那一輩人,呢D事有邊個未經歷過?而家D人,見工都要阿媽陪,乜嘢教法先係正路?


[隱藏]
我都係
唔順意就發火打人


好大陰影



暴力真的為童年帶來很大的陰影,傷痛,和無奈,吾識教真的是吾好生


引用:
原帖由 Bellbellbella 於 2023-8-28 07:41 發表

平時爸爸的性格比較暴燥,一般來說,一句說話,一個動作,一個眼神都可以激嬲佢,而且激左唔見咩事,我地只要見到佢開始講粗口“我吊你老母湊西”, "我吊你老母湊西", 之後就會有暴力事件發生。

事件二: 今次是發生在我細佬身上,男仔緊會有d 遊戲機,到有次唔知咩事激左佢爸爸,爸爸就拎起左細佬既任天堂,全部掉哂落地,中途包括粗口指駡,跌落地既聲音越大聲,我個人就越驚,因為我唔知佢會唔會癲起上來又打埋我。 ...
你老豆痴線架,精神病,6歲甘細個,真係比佢打到有心理病



事件三及四

事件三:

有一次都係佢心情唔好既問題,激嬲左佢。佢突然好嬲,我就好驚就走入房鎖左度門,但佢在門外徒手搖左10幾下之後,門就拆欄左,就係為左入黎打我,我記得果日我比佢打到訓左係地下,佢用腳繼續踢,踢到我阿媽終於頂唔順出來阻止,佢收左手。果晚我在床上喊左好耐,到半夜,我阿媽攞支跌打酒來幫我捽個背,我繼續喊到好淒涼,直到訓著……

事件四:
有一次唔記得咩事,星期日來的,話一家人去下街woo,但出門口時佢同阿媽嘈左幾句,嘈到火紅火綠時佢就因為就手,就衝入房打我細佬,我在廳聽到入面傳來boom boom 聲同我細佬的喊聲,而我全個人在出面震哂,躲在枱底唔敢出來。場面十分恐怖。

這兩件事令我印象好深刻,一是拆房門,二是他的情緒發洩,從前佢通常都係打我,直到果次佢打我細佬,我在出門聽都同樣震撼。同埋唔明點解我阿媽唔阻止,有時我成日唸,我係咪佢地生的?

[ 本帖最後由 Bellbellbella 於 2023-8-29 18:48 編輯 ]



這麼恐怖,來生也不要再見。


[隱藏]
希望你同你細佬可以忘記呢啲咁唔開心嘅經歷


引用:
原帖由 Bellbellbella 於 2023-8-29 18:47 發表

事件三及四

事件三:

有一次都係佢心情唔好既問題,激嬲左佢。佢突然好嬲,我就好驚就走入房鎖左度門,但佢在門外徒手搖左10幾下之後,門就拆欄左,就係為左入黎打我,我記得果日我比佢打到訓左係地下,佢用腳繼續踢,踢到我阿媽終於頂唔順出來阻止,佢收左手。果晚我在床上喊左好耐,到半夜,我阿媽攞支跌打酒來幫我捽個背,我繼續喊到好淒涼,直到訓著……

事件四:
有一次唔記得咩事,星期日來的,話一家人去下街w ...
睇完你描述,我都心驚驚,希望你能擺脫陰影,加油。不過想問下你,大個後點樣對待你父母?



引用:
原帖由 中午地獄膠樽 於 2023-8-29 21:19 發表

睇完你描述,我都心驚驚,希望你能擺脫陰影,加油。不過想問下你,大個後點樣對待你父母?
我仲有個流血事件後,就講下大個了的經歷。由於事件太多,一次過打唔哂 ,所以要分批打。



要還手😀唔還手係你問題


引用:
原帖由 jimchoy 於 2023-8-29 22:29 發表

要還手😀唔還手係你問題
點解你認為一個由幾歲開始到10幾歲既細路,還手真係可以保護到自己?

你真係好笑,你就有問題



[隱藏]
引用:
原帖由 無色暴雨 於 2023-8-28 19:42 發表

那一輩人,呢D事有邊個未經歷過?而家D人,見工都要阿媽陪,乜嘢教法先係正路?
係唔係個個人都經歷過呢種事我就唔知,但我好相信唔係個個人都有同樣經歷。我亦希望大部分人都有個開心既童年,千祈唔好好似我咁遇上咁既事。



鍵盤翻頁
左右
[按此隱藏 Google 建議的相符內容]