交代背景先：我有個17歲嘅女係同前夫生嘅，咁但係因為同前夫出現咗啲問題離咗婚，同左而家現任老公一齊都生咗個仔，而家個老公唔俾我同前夫有來往同埋唔知我以前有個女。
入正題：因為我前夫成日問個女借錢成日喺屋企都迫到個女唔開心，又成日半夜三間叫個女落去過數俾佢，搞到個女成日出街都無啦啦周圍搵櫃員機過數，又成日抄我個女間房啲嘢，總之好大壓力。之前都有搬過出去同我阿媽住，咁但係後尾個女唔想同老人家住又搬返返去，同埋我阿媽屋企距離佢返學同社交圈子都好遠，始終唔係咁方便，個女本身自己都有儲開錢我阿媽阿爸同埋啲親戚都有俾錢佢，都有10萬左右，佢有同我講過話搬來我度住咁但係始終我屋企唔係好方便，同埋佢自己都偏向想搬出去自己一個住，講真佢而家喺屋企都係自己照顧自己我前夫成日都唔返屋企，所以佢話搬出去住起碼唔使成日擔心佢會抄自己啲嘢，同埋迫自己借錢俾佢，咁佢自己都有睇過啲租盤大概八千幾蚊一個月都新淨唔錯，咁但係問題黎啦，離婚嘅時候佢係跟老竇所以監護人唔係我，我唔可以幫佢簽合約租屋，咁佢老竇亦都唔會俾佢搬出去，因為佢仲要靠個女去申請房屋署半租同埋啲社會援助咁樣，佢唔會放個女走，有問過啲社工呢個情況應該點算，因為之前我個女都有試過抑鬱到入醫院幾日，所以家庭服務中心都有幫手，咁但係始終未夠18歲好多嘢唔可以自己話事，同埋好多嘢都要監護人同意，即是話告老竇疏忽照顧但係個女又唔想搞咁多嘢同埋搞一搞到已經18歲，都冇乜用唔可以解決燃眉之急，有問過社工可唔可以告佢虐兒，但係啲社工話呢個詞語好廣泛始終唔係實體傷害同埋打個女，只係心靈上嘅威迫所以好難告得入同埋又係要搞好耐，同埋我個女又唔想去住嗰啲青年宿舍對住嗰班污煙漳氣嘅人，始終入得去呢啲宿舍住嘅一係就阿爸阿媽唔要佢，一係就壞到冇人有，其實我個女都好乖好識為自己諗佢唔係嗰啲人所以佢自己都唔想入去，咁佢老竇又唔肯見社工又唔肯見學校啲班主任，人哋想幫佢都幫唔到。
問題：其實滿17歲未到18歲可唔可以自己一個租樓，如果唔可以咁有冇一啲方法係唔使監護人同意租樓而且係可以即時搬出去，又唔會犯法唔使通知監護人，或者唔係監護人可唔可以幫佢簽約即係佢婆婆。麻煩晒
/https://imgs.gotrip.hk/wp-content/uploads/2021/12/%E5%A4%A7%E5%8F%94%E7%9A%84%E6%84%9B_2_130305786461a7001ddb25f.jpeg)
/https://img.discuss.com.hk/d/attachments/day_190702/20190702_28334608b03b4a2c28d174c68ce1b136jpeg)
/https://www.zhangfeihotpot.com/cdn/shop/products/82d74f8d9b833c19236f4d599bbcba80_1024x1024.jpg?v=1585285006)
