想半退休但擔心通脹
十年前我三十幾歲有一些積蓄和考了大量牌照，
諗住搵份輕輕鬆鬆丶人工唔會低過學徒就算，
一年去兩次旅行，最後做了辦公室送文件做咗幾年，
因為公司實際係幫客戶洗黑錢，有同事被警察拘捕，
出糧用支票，強積金同埋出糧用嘅支票的公司名轉咗兩次，
古古怪怪唔想做。 咁啱朋友介紹我去清潔, 每日需要去唔同地方 ，
清潔公司願意等我一個月離職，輕輕鬆鬆，每年跟通脹加人工，
咁就做咗好多年。 後來因為客戶唔續約，老闆要我去其他地方清潔 ，
第一個地盤 舊人玩新人，好多辭職唔做，老闆問起我就話壓力大，
佢就調我去第二個地盤，第二個地盤喺偏遠地區。
去到先話每日要幫手做大型維修，又要番兩更同埋追更。
客戶經常捉我哋去幫手搞破壞，半夜 兩三點打電話嚟問嘢，
好多人辭職唔做。咁我話辭職唔做先冇再叫我做維修，
但係要追更，冇嘢做冇地方坐。要踎喺客戶廁所。
我想走返去做辦公室送文件 或者綠色小巴司機， 但因為通脹等環境原因，
人工比學徒還低，又擔心通脹係咁升，我的積蓄將來唔夠用。
而且而家份工 原來有幾千蚊津貼( 老闆冇講，去到先知有)
同事又夾得開心。而家真係唔知點樣選擇
