2016年同前男朋友係酒吧認識 初初一齊男朋友夜晚反學日頭反工 ，日頭個份13k 我做sale 18k之前拍拖多數AA制，去餐廳都唔敢嗌貴嘢食，多數邊個便食邊個，其實屋企人唔同意我同呢個男仔拍拖因當時男30歲覺得男仔無咩前途，30歲都仲咁樣，我個時25歲，不過我覺得佢返學又返工都係一個好努力既人，有份穩定工作就得，有上進心就可以，我又無咩所謂
佢媽媽係保險經紀,我之前係佢媽度買咗幾份保險，當時我自願嘅我本身都無保障，同佢屋企人關係好好特別係佢媽媽，係2019.6月我裸辭份sales 跟咗Auntie 做保險，其實辭職專做保險我當時唔係好意願，我都有同佢哋「前男同前男媽」講，我話我可以pat time做保險先，等經濟穩定 我再轉做full-time 我平時要交，我同媽咪既保險仲要俾家用我媽，平時籌好少錢，但佢哋唔聽我嘅想法，auntie 就話到時我俾單你跟反正之後都係一家人無所謂la ，有我做你後盾你 ，放心
其實都十五十六 個時Auntie 當正我係新袍仔，去到邊都介紹佢俾親戚朋友知係新抱仔
都買埋戒指 真係好開心
到咗2019年頭佢屋企人都買咗層樓念住俾我哋結婚住，年尾平安夜 我哋搬咗去新屋住 ，
一齊住之後我負責買屋企既柴米油鹽 同佢媽一齊反工然後收工買餸煮飯 個時保險業績一般般都唔夠平時開銷 ，有同前男朋友講當時嘅困難，佢冇理過我 ，仲話我唔俾心機返工，當時可以買保險朋友好多都買咗，我又唔會逼人買野，真心係希望朋友有份保障，好記得仲叫我俾管理費，話我都有份住㗎，佢要供樓 ，「當時佢人工係6萬」咁我當時都覺得佢有道理嘅，不過真係冇錢俾佢，我連平時開銷都唔夠 邊有可能再有$2000俾佢交管理費啊，然後我喺銀行借咗六萬蚊 分期還返俾銀行 ，男朋友只係講咗句你搞得掂就得啦。
到咗過年 ，我返咗大陸過年個時係（COVID-19）剛開始 我2020我2月1返來香港要自我隔離 我就係我哋一齊住度隔離 ，前男友就返咗佢媽咪度住幾日「佢哋租係大埔圍頭村」
當時由於工作原因我用前男友電腦整野,佢個WhatsApp 未登出 我見到佢同個女仔嘅對話內容好曖昧 約去開房 返大陸 太多好嘔心內容 真係顛覆我嘅世界 我睇咗15分鐘左右 仲睇緊既時候佢打電話俾我，我無同佢講見到既野 我想去了解多啲 同唔相信佢係咁嘅人 然後佢知道我用電腦好快就登出咗
我嗰時唔知點算 ，感覺好唔現實 心好痛 好驚
當時我因COVID係度自我隔離 7日 崩潰咗7日 念返我哋嘅過去. 我都就來30歲 同佢一齊4年，當時情況已經係買咗戒指 plan緊結婚 身邊朋友都知 ，同埋我又跟佢媽做保險 ，感情好好 ，存款因返保險入不敷出用曬 仲差銀行錢 ，雖然佢對我唔係話好好，但都唔係差，我習慣咗依家生活
我慢慢麻醉自己 係自己睇錯，唔會嘅，應該無事，我選擇唔踢爆佢，仲相信有以後，因為呢件事我心好唔舒服但盡量去壓抑自己 同說服自己 佢想同我「同房」我會好唔鍾意，每次都話自己攰拒絕咗佢之後兩個就無性生活 久而久之慢慢兩個相處模式唔同咗
我一有機會就去想睇下佢有無同個女仔聯絡 ,我知道好辛苦
呢啲模式差唔多一年 到咗2021過年 好記得2月25號我電話壞咗 ，過咗幾日3月3號頂唔順先call上門取機維修，取機地點係我公司 「我個時揾太少，返保險之外都揾咗份part time 」咁我就無手機用 我無提前同佢講，當日佢7點起身去返工我先同佢講 ，叫佢拎之前用個部機俾我，「其實部手機都係我嘅，只不過俾咗佢用 咁啱佢個時換新機iPhone ，個部無用就放咗係屋企」
佢拎咗部機我 ，俾咗密碼我
我再一次見到佢同個女仔對話 部電話紀錄從2018到2021年 再之前我就唔知
我同佢2016年4月頭一齊到2021年 3.月原來佢好多時候都呃我 ，真係好假 ，我終於見到佢同個女仔嘅手機既全部內容 ，個心好難受 感覺唔知點形容 同時又好似真實大白 ，我睇既同時佢就send咗個WhatsApp俾我 ，大概意思就話佢無性生活 經過冷靜思考 大家可能唔夾吖
然後我就覆咗個（好）字
成個人鬆曬一年既煎熬終於結束 我真係忍唔住 一收工就喊出來 無理路人眼光 一路喊一路打咗俾佢媽咪 ，因為我真係好辛苦，係呢一年我無向任何人講起我擔心受怕靜雞雞check 手機經歷 自己一個人去承受，知道係自己揀 ，打俾佢媽咪話我哋分咗手 然後佢媽咪個語氣都係唔相信自己個仔係咁嘅人，仲話我自己睇錯 手機信息唔係佢個仔send ，一定係人哋用佢手機send 仲一直話我念太多
我估唔到我自以為一直錫我Auntie 居然咁講嘢，不過都明白呢個係佢個仔，幫佢個仔講嘢都正常
從個日開始前男友無返來。。。
我都有照常同佢媽咪一齊返保險 返到去大家了解咗成件事我拎咗手機俾吖媽睇 點知佢吖媽俾返個手機佢，佢刪左裡面d野 叫佢媽俾返我，我真係好嬲，佢吖媽仲話個手機係佢架😭有次同佢媽食飯佢吖媽都喊咗，話唔捨得我，但後面補咗句點算啊 我同我身邊親戚朋友全部講咗你哋今年結婚 我依架唔知點同佢哋講呢件事，我個心真係流緊血
唉。。。。。。
一直以來我對佢屋企人自問都好好，問心無愧 自己真係好無知，好蠢，真係全世界大白痴
我好迷茫唔知可以點做 又照常同佢媽一齊返保險，保險公司同事完全唔知我哋發生嘅事，Auntie 又話一齊返工唔會有咩影響，同我講佢會同佢個仔講氹返我，希望我哋又一齊返，我即刻就拒絕咗佢，話無可能，一定唔會
發生呢件事之後，瞓唔到，導致胃痛去咗浸會醫院照胃鏡 時間係3月8號 發生件事係3月3號
一直都係Auntie 陪我 ，係醫院一晚出院時Auntie 知道我無錢 佢主動幫我碌咗3萬幾
當時我係同佢講慢慢還俾佢
身邊嘅朋友一個一個知道我既事就話Auntie 只不過覺得佢個仔對我唔住先主動話幫你俾住先
氹我喳，唔想你話俾其他同事知佢哋之前做「大埔圍頭村個度係1萬蚊租架 唔係買架 「佢哋好虛榮同個個講係買既」點解會買到大圍成樓係因為Auntie 之前有cancer claim 保險先有首期喳 」
見過佢哋嘅朋友都覺得佢成家人成日當我係啊四咁用 去到佢屋企成日買送煮飯，洗碗都係我，依架只不過驚你係保險同事面前亂講嘢 所以先對你咁嘅喳 ，叫我無咁傻la
但我令朋友失望了，我話唔會架嘛，Auntie 其實無咁衰 ，佢都好關心我，叫佢哋唔曬擔心
又要交保險又要還借反來既錢時 因為真係搞唔定 我打電話同佢講 真係搞唔定d錢，我差你媽個3萬幾你還返俾你媽咪la
一開始係話佢幫我還一半，話叫我還一半，然後我就話我到今時今日咁樣，又差人錢，邊個叫我全職做保險，邊個氹我話有吖媽係度唔曬擔心，邊個又同我講有媽咪睇住慢慢來，以後我哋生活輕鬆D， 你話一人一半既意思係今時今日我咁樣係我問題 ，你去偷食幾年，我唔同你搞野又係我問題
當然我咁樣講真係無辦法啦，平時同佢相處真係咩都聽佢話，我生活返工，收工，買送錢我俾，我仲煮飯，洗碗 ，洗衫咩家務都係我做
佢就成個大爺咁成日洗我腦就話佢要供樓，佢又要還卡數出街食飯錢 「其實我想講我同佢出街食真係得星期六，日1.兩餐」平時星期一至五我最少煮4日飯，再問多次叫佢俾曬佢媽咪 你一個月咁高人工，然後佢係應承我嘅 話得啦得啦
第二日，見到佢吖媽，我就即刻同佢媽咪講，Auntie 你幫我碌既個d錢你個仔話會俾返你，當時Auntie 個反應話俾我知佢唔相信，因為佢個仔平時一毛不拔 ，佢個時已經有5.6萬人工叫佢請屋企人飲茶，佢都話黐線點解我要請？家用又唔俾成日喺度嗌窮，我同Auntie 講多次你個仔講咗會俾反你，你反屋企問下佢la ，Auntie 個時都有話好
2021.3月16之後都有同Auntie 出來食飯傾偈 當然唔會好似之前咁成日見，我都有反保險 ，又反full-time 同佢個仔大家各自有拍拖
期間大家無再提起錢嘅事。
至今年2023.4月我保險成績唔好，Auntie 話要4月開始要打卡反工，話一定要反來開會，咁我有另一份全職真係請唔到假反來開會，仲話要每日打卡，跟住Auntie 就問我，咁樣情況你不如辭職啦 ，費事唔反會罰錢 ，會係人工度扣。
念咗幾日5月時就同Auntie 講咁辭職啦 ，
咁啱我講完辭職 未來得及俾信Auntie ，我個客人就入院要claim保險 ，咁我就覺得做人好來好去搞完個客claim 保險先俾信Auntie
件事都有同Auntie 講，然後去醫院送Claim 方俾個客，又去個客屋企拎反來，然後去公司扱印仔反來屋企先再雞手鴨腳 遞上公司Claim 「因為第一次有客人搞Claim 」Auntie 仲教我點做
過咗幾日Auntie 好似唔記得我啱啱幫個客遞完claim 上公司 話我，又話辭職嘅到而家都見唔到你封信你快啲俾我啦我6月頭要去雲南旅行吖
搞到我一頭霧水 ，然後就話Auntie咁講嘢令我好費解 明明全部過程係你教我去做，個客戶個錢都未賠出嚟 你咁心急做咩？唔通我唔辭職？我係你下線又無生意你會扣錢。？當然佢無覆我。
又隔咗幾日個客人個claim賠左落嚟，但係無預期咁多，我覆完個客人 ，好記得覆完客已經零晨1點幾，問咗客人有冇其他問題，我第二日先搵同事俾辭職信俾Auntie，我都有同Auntie 講
佢都有覆我ok
2023.5.31我約同事轉交辭職信俾Auntie ，同個同事傾偈，八卦問起我點解會同前男友分手，我一五一十同佢講咗，點知佢同我講返保險公司D同事係度傳我有病 ，生唔到小朋友 佢個仔先飛咗我🙄️，晴天霹靂 咩世界 心諗點解Auntie 會由得人咁樣講我，我其實真係好唔開心
然後大家就無聯絡
直至2023.7.15 喺Facebook見到佢個仔結婚
其實見到就見到 無感覺又唔關我事
至2023.7.17佢個仔無拉拉WhatsApp 我.話我之前差佢吖媽錢碌卡錢叫我還反一半俾佢吖媽🙄️我無理佢吖 ，我過幾日去旅行真係費事睬佢，真係有病 初初應承咗還晒比佢阿媽，而家啱啱結婚 係埋覺得後悔當初應承既事，又結咗婚 就同我講叫我還一半俾佢阿媽🙄️🙄️🙄️ 我無覆佢，咩玩法，簡直人渣
然後我就去咗旅行啦 佢吖媽打電話來 2023.7.25打咗幾日話揾唔到我，要報警，仲揾咗我個朋友揾我😫😫唉你咁心急又話報警又成
到底想點嘛 ，同埋咩年代你不嬲都知我會反大陸la你有我WeChat 同埋係咩事揾我咁急去到報警咁大件事「當然呢個係我既念法」
用咗WeChat揾我，我即刻就覆咗佢
我遲咗職我d客就係俾咗上線Auntie 去跟
關於轉Agent 事8月1號Auntie 同我朋友食飯先我朋友同我食飯8.10號
話Auntie 咁心急揾我，係因為佢個仔結婚，怕我做傻事🙄️🙄️我聽完what The heck
咩邏輯我FB IG 不嬲都有po 我同我男朋友嘅野 ，我同我男朋友都好好吖。佢問起我同我男朋友嘅野，我都有同佢講，我FD 話佢係埋有妄想症🙄️佢個仔有咩好呢🙄️係我心目中除咗人渣只識得蝦d 弱勢族群，佢仲有咩好
我返屋企念念下，係埋因為我阿姨同我媽咪d單都係佢名下，佢唔想約佢哋出嚟 想氹我幫我屋企人轉Agent 但無理由吖 轉唔轉佢應該無咩好處
到前幾日2023.8.14夜晚Auntie 打來同佢傾咗成個鐘 ，但完全無提過錢既事
然後2023.8.15佢個仔姐係前男友打來 ，虛寒文暖開場白令人做嘔 當然唔知佢呢啲小人會唔會錄音
我轉人正題同佢講你初初應承舊錢還俾你媽咪，點解依架無拉拉又send 話叫我還一半佢吖媽，佢無答我
我話件事就係，你2020.3.14個日你應承咗我之後第二日我已經同你媽講咗，仲叫你吖媽返去問下你
跟住佢話佢吖媽無問佢，咁無問你，你埋還返錢俾佢就得🙄️ 中間個D 係你哋溝通問題
主要係你應承我還錢俾你媽🙄️🙄️ 到依架2023.8.16你反悔
當然都知欠人錢 還錢是應當
但依加搞到我好唔開心
[ 本帖最後由 可觀消毒的電腦 於 2023-8-17 10:28 編輯 ]
/https://img.discuss.com.hk/d/attachments/day_231204/20231204_070a3005caddbb93c6a58cgothj0yak0.jpg)
/https://img.discuss.com.hk/d/attachments/day_230308/230308_da3c66dcf556e9a97ea02UpF0BRQnRLA.png)
/https://img.discuss.com.hk/d/attachments/day_190702/20190702_28334608b03b4a2c28d174c68ce1b136jpeg)
