• 瀏覽: 29,198
  • 回覆: 99
  • 追帖: 1
  • 分享: 1
每個婚姻階段都有唔同需求,以前覺得錢同物質最重要,依家年紀開始大,覺得陪伴先係最重要,同老公結婚20年,由唔開心到開心再到唔開心。
最近5年左右,佢迷上養魚養珊瑚,係沉迷到每日收工放假只對住個魚缸,同我冇其他活動冇家庭日,每日製造垃圾從來唔執屋,大魚缸經常要換水同開水冷機,夜晚瞓覺有噪音,最大問題係,晚晚要我催佢沖涼瞓覺,1-2點,甚至3點先瞓,係晚晚,而我又想早瞓,經常半夜被吵醒,大家第二日都要返工,冇精神又會影響返工。我開始頂唔順呢啲唔同嘅生活方式了,想離婚,但離婚又要考慮好多問題,人又開始年紀大,再搵個半路夫妻都未必有真感情,香港居住麻煩,開支又大,離婚一定會比依家嘅生活辛苦,但係已經5年,試過好多方法,都改變唔到佢,試過講道理溫柔勸佢,試過離家出走去住酒店,試過一個人返大陸住一排,試過打交,尼5年來我老咗好多,我唔想以後嘅日子,每日因為沖涼瞓覺而嗌交,會經常唔開心,我只是想大家可以有時間一起去食下野,做下運動,買餸煮下嘢食,出去旅行下,但係冇。我應該點處理,好似依家一樣,勉強一起,當大家冇感情合租,當對方透明,自己做自己野,定離婚搵個可以相互陪伴的人



学会接受,学会忍耐,学会微笑,学会乐观
係有問題.... 


樓主:
你唔好諗離婚,按你環境.,你會輪晒。
你應在外多識朋友,將自己寄託於
友情而唔係婚姻。

考慮你哋有一子、你年紀、及經濟條
件,所以要三思而後先行。
我曾提及夫妻出軌,卻俾人揷到我反
晒唇,甚至列我入黑名單。
以你目前情況,在外識多一兩個異性
已婚同病相憐朋友,大家訴吓婚姻不
和之苦,咁....你會開心啲。
現代生活,男女已經唔係一輩子只可
愛一個人。當你真係遇到另一個異
性知心朋友,你就明白同知道點做。
男人寶貴之處係佢有領導才能、經濟能力同埋係一個負責任嘅一家之主。
知識廣博丶人生經驗豐富、有憐憫愛心。希望樓主你能早日遇到。
https://www.youtube.com/watch?v=7GaZkxh5VOg

[ 本帖最後由 RV356484 於 2023-6-16 05:06 編輯 ]



附件

is it yr Life Story .jpg(72.87 KB)

2023-6-16 04:31

is it yr Life Story .jpg

男女間感情,唔一定係夫妻 ;
相反,夫妻之情亦未必好到
終。



[隱藏]
當係合租先,試下係出面識下其他人。搵到岩既先走,無辦法 現實就係咁,每個有第三者既人都有原因,不論男女,人生就係為左開開心心,唔好怕老左會點會點,怕下怕下就一世。你忍唔忍受到多廿年呢D生活先?


你應該40+歲,
離婚後好大機會孤獨終老。
要問:
是否孤獨終老好過現在?
以我例子,我43歲單身,
我唔會搵個40+女人,
無拉拉預幫人守住50年衰老狀態(40-90歲)。
冇曬青春, 乜都得唔到。
所以你最好搵大你十年男人,你接受到?



最緊要跟隨自己心意同開心,加油


搵輔導吧
佢咁沉迷要搵人鬧醒佢



how old both of you?


[隱藏]
仲有,咁大年紀要提防,
有啲男人只係想玩幾年,然後分手。
因為,始終你只係畀咗一副衰老的身軀,沒有多少恩惠,
所以不會怎樣愛惜老去的你。
所以,離婚真係會孤獨終老的



引用:
原帖由 RV356484 於 2023-6-16 04:35 發表

男女間感情,唔一定係夫妻 ;
相反,夫妻之情亦未必好到
終。
你又講得幾有道理,有時將伴侶降le 做朋友反而相處得舒服d 



引用:
原帖由 不知所位 於 2023-6-16 09:05 發表

你應該40+歲,
離婚後好大機會孤獨終老。
要問:
是否孤獨終老好過現在?
以我例子,我43歲單身,
我唔會搵個40+女人,
無拉拉預幫人守住50年衰老狀態(40-90歲)。
冇曬青春, 乜都得唔到。
所以你最好搵大你十年男人,你接受到?
搵大十年男人有咩問題?如果係我,搵大我廿年我都ok, 最緊要錫我。


樓主仲有仔要養就算啦,順其自然,有好嘅就走,冇好嘅就當俾個仔一個完整的家。



樓主同老公10年前都已經有問題出現
小朋友都大過
隨自己心態去做
唔好諗將來有無伴
就算自己一個生活都可以好開心



引用:
原帖由 sowina 於 2023-6-16 10:07 發表

搵大十年男人有咩問題?如果係我,搵大我廿年我都ok, 最緊要錫我。


樓主仲有仔要養就算啦,順其自然,有好嘅就走,冇好嘅就當俾個仔一個完整的家。
你接受到大廿年,唔代表樓主接受到。
如果50歲條件好的男人,會優先選擇35歲女。
條件冇咁好先會揀40歲女。
5年相差好大的



[隱藏]
婚姻耐咗就會產生問題,樓主已經嘗試解決,但都唔成功。將心機放喺工作及社交生活,真係可以考慮識多幾個朋友⋯離婚對40+女士,需要好大勇氣,真的唔容易!
好彩就搵到適合伴侶,否則就有單身生活的預備



鍵盤翻頁
左右
[按此隱藏 Google 建議的相符內容]