• 瀏覽: 1,444
  • 回覆: 2
借老公acc一用




比較詳細,因為想用剛剛發生的個人經歷,提醒下各位姐妹。
事緣本人上星期6去左尖沙咀寶勒巷萬事昌廣場17樓到,去洗眼線。
間野就係carousell到搵既。咁個女仔就提議幫我無痛洗眼線,預期一次或二次可洗清,其間完全沒有提及其存在風險,令我以為是一般美容療程。結果幫我洗了二次眼線,逐次收費,十分疼痛之餘洗完如同無洗過一樣。在第二次在進行洗眼線時(姐係上星期6),一做完當時其實左眼已經矇左一撻(當時大概7點左右),但由於麻醉藥未過,都未開始痛。過多1個鐘左右開始痛,痛感不斷增加,隻眼直頭好似俾刀割一樣咁痛(成世女未試過痛成咁),聯絡個女仔,佢就一味話正常架,只叫我用冰敷。到左晚上(大約9點左右),頂唔順我衝去急症,經診斷左眼角膜受損。當時急症醫生要立即出緊急轉介信轉介我去睇專科醫生,因為後果可以好嚴重,當時我真係好驚,點解自己咁蠢,搵個咁既人洗眼線,仲搞到自己可能盲。仲要果晚係星期6,星期日個個醫生都唔開工,最快都要星期一,我當時又痛又心急,唔知可以點算。




好彩後來搵到間星期日開的眼科專科(在旺角),佢地一開門立即衝去俾專科醫生睇,醫生診斷後証實左眼角膜受到化學物灼傷,好大機會就係洗眼線時做成了。咁不幸中之大幸就係灼傷不是激光做成,而且傷口比較淺層,未算最嚴重的case。但係會不會影響視力就要睇傷口的癒合情況了。


當時我都立即通知果個女仔情況係咁樣,佢都仲有回覆,並說好抱歉,希望我快d好返,之後睇下再點同我follow up。我亦都同佢講左待我情況穩定後會同佢提出和解方案。




咁我星期3再覆診後,再次聯絡呢個女仔。並提出賠償方案(退回洗眼線費用及索賠2次醫生診費及3次交通費),我並無追加任何額外什麼不合理的賠償,我只要求拿返個公道。佢就開始玩失蹤了。Whatsapp有上線,Msg睇左唔覆。到現在呢刻都仲係潛緊水。




想請問下各位姐妹有咩方法可以追討佢呢~成世女未試過咁痛,我想攞返個公道。




間野在尖沙咀漆咸道南83號金德大廈一樓

尖沙咀寶勒巷萬事昌廣場17樓
都有舖頭,不過我估係借人地方做既,門面算乾淨既,如果唔係,我唔會中招。



引用:
原帖由 屎廸仔 於 2023-6-8 16:20 發表

借老公acc一用




比較詳細,因為想用剛剛發生的個人經歷,提醒下各位姐妹。
事緣本人上星期6去左尖沙咀寶勒巷萬事昌廣場17樓到,去洗眼線。
間野就係carousell到搵既。咁個女仔就提議幫我無痛洗眼線,預期一次或二次可洗清,其間完全沒有提及其存在風險,令我以為是一般美容療程。結果幫我洗了二次眼線,逐次收費,十分疼痛之餘洗完如同無洗過一樣。在第二次在進行洗眼線時(姐係上星期6) ...
佢用藥水洗定機洗



激光洗呀~
但唔知係咪敷麻醉藥時整左落隻眼到。。。


我有咩可以做呢?報警差人又唔做野。。



[按此隱藏 Google 建議的相符內容]