• 瀏覽: 4,514
  • 回覆: 17
話說三月時有一晚,我老竇無啦啦whatsapp我,問我借一萬或者萬五蚊,我第一時間就問佢做乜要咁多錢,佢話俾人盜用個人資料去咗虛擬銀行借咗錢,俾人追佢「還」三萬蚊,莫講佢係一個七十歲既老人家,我都唔識呢啲虛擬銀行既嘢,淨係知開戶只係個apps度搞無銀行職員做嘢既,當時我無諗咁多嘢,結果就同細佬一人一半,用咗兩個月清咗條數,原本以為告一段落,點知上星期六佢又打俾我,話又收到一個陌生whatsapp要「還」九萬蚊,我今次係電話度問到好詳細,當時太亂唔知可以點幫佢,由於結婚後搬咗出去住,我當日就即刻飛奔去同佢商量對策,我返到去時唔見佢,得返阿媽係度喊晒口話班賊叫佢當日六點前要入五千蚊去一個渣打戶口,我即刻再跑落去截住佢唔好入錢,問咗佢好多嘢、同佢冷靜分析後就知道係一場恐嚇勒索老人家既把戲,因為佢地曾經收過一張字條叫佢「還錢」,但我老竇從無爭人錢既,但佢就俾張字條嚇窒咗,即係班賊真係踩過上門,我拉住佢唔好入錢,但佢堅持要入,話再唔入就會死人架啦,我拗佢唔贏就同佢妥協,施捨完班乞兒後就拉住佢去報警,而家報咗案班差佬都做唔到嘢架啦,全部都係文字,連幅相都無係拉唔到人,唯一可以自救既就係佢地自己,班賊唔知我係邊個,我可以做復仇者,不過都要考慮佢兩老同細佬既人身安全,只要企硬唔驚呢班乞兒就可以擊退,不過老人家怕事又唔想俾其他鄰居知道家醜,真係縛手縛腳,但無理由乜都唔做坐係度等死,而家只諗到係裝CCTV同埋電子防盜眼,起碼佢地上黎都可以錄到個賊樣然後俾差佬通緝佢地,希望快啲拉到呢班仆街冚家鏟啦,唉........


點解唔報警?


三月果次就唔應該比,比得一次做🐷咁順攤d 賊就梗係再嚟揾你喇!

警察點解做唔到嘢?班賊好明顯响香港,又有渣打戶口,要查邊有得走

[ 本帖最後由 大寶二寶 於 2023-5-30 08:21 編輯 ]



引用:
原帖由 大雀躍的作業 於 2023-5-30 08:06 發表

點解唔報警?
身有屎。



[隱藏]
呢d死乞E 我都遇過  要企硬對付佢地 唔好怕事


睇吓升降機個閉路電視有冇影到可疑人物


引用:
原帖由 大雀躍的作業 於 30-5-2023 08:06 發表

點解唔報警?
警一早報咗啦,但現階段都只係叫做備案,全部都只係文字恐嚇,就已經嚇怕兩個老人家啦! 三月時我係俾佢誤導,以為爭既係銀行,諗住還晒就完結,如果當初佢肯向我坦白晒成件事來龍去脈,就唔會搞成咁! 不過佢既性格就係咁,對街外人就做「順得人」,但家人既勸告永遠都當耳邊風,出咗事先黎求救,而家我已經知道晒成個畫面,就唔會由得班死乞兒亂黎,佢地搞我家人仲嚇親我阿媽,就唔會俾班死乞兒有好日子過,聽細佬講之前佢地夠膽踩上黎,又send啲內臟相黎嚇佢地,我就諗到裝電子貓眼,佢地再敢上黎既話,就死都唔開門之餘仲影低佢地副賊樣,起碼有幅圖都可以俾多啲料差佬去做嘢! 對付呢啲死乞兒,其實只要狠下心腸夠惡就解決到件事,但老人家既怕事更怕俾人知家醜,唯有被動防守啦



引用:
原帖由 大寶二寶 於 30-5-2023 08:13 發表

三月果次就唔應該比,比得一次做🐷咁順攤d 賊就梗係再嚟揾你喇!

警察點解做唔到嘢?班賊好明顯响香港,又有渣打戶口,要查邊有得走
三月嗰次係俾傻老竇誤導,阿媽又不停叫我唔好問,話唔好令老竇難過,咁我亦無追問,而家搞到咁大鑊就無得再瞞住我啦! 其實防騙第一步就係便宜莫貪,錢唔會無啦啦送上門,否則世上就再無窮人



引用:
原帖由 gc88e5de423a6 於 30-5-2023 23:05 發表

睇吓升降機個閉路電視有冇影到可疑人物
而家只能自救架咋



[隱藏]
大陸發生過 提款機俾人做手腳偷密碼 嘅事件, 
基本上,除非發生咁嘅事,否則我唔會俾到人 有機可乘。



引用:
原帖由 變幻才是永恒 於 2023-5-30 07:13 發表

話說三月時有一晚,我老竇無啦啦whatsapp我,問我借一萬或者萬五蚊,我第一時間就問佢做乜要咁多錢,佢話俾人盜用個人資料去咗虛擬銀行借咗錢,俾人追佢「還」三萬蚊,莫講佢係一個七十歲既老人家,我都唔識呢啲虛擬銀行既嘢,淨係知開戶只係個apps度搞無銀行職員做嘢既,當時我無諗咁多嘢,結果就同細佬一人一半,用咗兩個月清咗條數,原本以為告一段落,點知上星期六佢又打俾我,話又收到一個陌生whatsapp要 ...
第一次已經唔應該比錢。
真假都好,實係先報警。
老人認知能力就係差。


復仇?
請問你扮演咩角色?
美隊?定鋼俠?綠巨?



引用:
原帖由 工廠男 於 31-5-2023 15:26 發表

第一次已經唔應該比錢。
真假都好,實係先報警。
老人認知能力就係差。


復仇?
請問你扮演咩角色?
美隊?定鋼俠?綠巨?
第一次都有報警,只係好多嘢佢都隱瞞同俾佢誤導啫! 至於我講既復仇,就唔係你諗既復仇啫,最起碼係止蝕,唔會再施捨俾班死乞兒,同埋係不停向兩老洗腦: 我地從來都無爭人錢,只係被乞兒勒索,唔好俾班死乞兒牽著鼻子走,咁先可以令佢地企硬而唔係一味得個驚字



引用:
原帖由 變幻才是永恒 於 2023-5-31 20:51 發表

第一次都有報警,只係好多嘢佢都隱瞞同俾佢誤導啫! 至於我講既復仇,就唔係你諗既復仇啫,最起碼係止蝕,唔會再施捨俾班死乞兒,同埋係不停向兩老洗腦: 我地從來都無爭人錢,只係被乞兒勒索,唔好俾班死乞兒牽著鼻子走,咁先可以令佢地企硬而唔係一味得個驚字
邪不勝正。
祝你成功。



引用:
原帖由 工廠男 於 31-5-2023 22:10 發表

邪不勝正。
祝你成功。
有時「免費」既嘢先係最貴,啲騙徒無啦啦埋你身,又話填表登記有獎抽,其實就係要偷你既個人資料,然後用你啲資料去借錢,錢一到手即刻消失,銀行同財仔有晒你電話、住址,只會追你債,但你真係「磨菇」架嘛



[隱藏]
引用:
原帖由 變幻才是永恒 於 2023-5-30 07:13 發表

話說三月時有一晚,我老竇無啦啦whatsapp我,問我借一萬或者萬五蚊,我第一時間就問佢做乜要咁多錢,佢話俾人盜用個人資料去咗虛擬銀行借咗錢,俾人追佢「還」三萬蚊,莫講佢係一個七十歲既老人家,我都唔識呢啲虛擬銀行既嘢,淨係知開戶只係個apps度搞無銀行職員做嘢既,當時我無諗咁多嘢,結果就同細佬一人一半,用咗兩個月清咗條數,原本以為告一段落,點知上星期六佢又打俾我,話又收到一個陌生whatsapp要 ...
你條友
9唔搭8



鍵盤翻頁
左右
[按此隱藏 Google 建議的相符內容]