話說我男朋友由細比佢呀嫲湊大，到佢大個仔左30幾歲都係同呀嫲住。 呢點我覺得佢幾好同孝順，係個乖仔～
咁本身有個工人姐姐幫手睇住呀嫲（90幾歲），但個工人姐姐最近因健康問題而要回鄉休養，新工人姐姐要兩三個月後先黎到。 我同男朋友都住我遠，雙方返工距離又遠… 基本上要假期先見到🥹 所以一放假夾到時間我就會去佢屋企，倆最多行下附近d商場或超市就算， 因為想去長洲過一晚夜都難😣
而我男朋友本身一日都要工作12個鐘，所以有時住係同一座大廈既同事個老婆會好好咁落嚟探下佢，搞到老人家唔太好意思，仲話唔想麻煩到外人。
問題黎喇… 我男朋友家族本身都幾多人（擺到5-7圍酒😂）～ 但係講到要等新工人姐姐咁耐既時候，個個潛晒水去北大西洋🚢。 男友d姑媽大部分都唔洗返工，屋企大，都唔明點解唔幫手暫托一排，因為基本上準備好三餐同埋有時佢出入洗手間望一望都冇咩特別
我成日都覺得佢d親戚好自私：
一. 有次個工人姐姐回鄉探親，我男朋友車呀嫲去左其中一個佢姑媽度住幾日，走戈時男友表弟送呀嫲落黎。 之後我男友車返佢返屋企。我都唔明點解佢表弟同兩個表姐/妹有車識揸車都唔幫手送呀嫲返屋企，人佢左一步你又一步好難？ 係懶定被動呀？ 佢表姐細個都係比呀嫲湊大
二. 平時飲茶識夾錢，但每年新年我男友買成萬蚊餸係自己屋企煮都冇人夾返錢
三. 呀嫲有個新婦係大陸住（但呀嫲唔太鐘意），男友d親戚都唔知醜提議話叫佢落黎幫手睇呀嫲😅
四. 比既家用又唔比得多 但又要成日插手指點，請咩工人姐姐又要多多意見
總言之 係好多層面就覺得男友d親戚就將照顧呀嫲既責任落晒係佢身上
[ 本帖最後由 Libertygal 於 2023-5-9 09:53 編輯 ]
