• 瀏覽: 24,693
  • 回覆: 328
  • 分享: 8
同男朋友都就嚟打算結婚。男朋友前排買左樓畀左首期,層樓冇我名因為我冇份畀首期。雖然冇我名,但我都應該婚後會同佢一齊供樓。
 
佢最近同我講,不如我地結婚唔好擺酒啦,留番啲錢供樓仲好。
 
男朋友本身都係啲唔係好高調,唔鍾意應酬嘅人,唔想擺酒都明白。但係我覺得結婚一生人一次,就算自己唔想擺,父母都會想要我地擺酒啦。
仲要同佢慳埋擺酒嘅錢用嚟供一層無我名嘅樓,真係覺得有啲唔抵。
 
男朋友又真係唔係好想擺,但我就想擺,同男朋友都講過,佢就一味拖字訣,話遲啲要講。
遲啲遲啲...要遲到幾時呀

[ 本帖最後由 MANDELING 於 2023-4-21 13:31 編輯 ]



冇你名供黎做乜,不如供養返你父母啦!
結婚成件事好似搵你笨咁。
大家結婚都係第一次,有唔同意見都好,點都擺一次,貴有貴平有平擺。首期你冇俾唔緊要,結得婚做得兩公婆唔洗計到咁盡,你一齊供就落埋你名,你唔供就唔好落啦,反正百年歸老都係俾仔女。
純粹個人諗法,不喜勿插。



無論有何結果,兩人有共識就好。若果已盡力都無共識,不如趁尚未結婚前分手。


咁冇共識結左都會離...不如分手算啦...對一世喎


[隱藏]
引用:
原帖由 MANDELING 於 2023-4-20 12:04 發表

同男朋友都就嚟打算結婚。男朋友前排買左樓畀左首期,層樓冇我名因為我冇份畀首期。雖然冇我名,但我都應該左佢婚後會同佢一齊供樓。
 
佢最近同我講,不如我地結婚唔好擺酒啦,留番啲錢供樓仲好。
 
男朋友本身都係啲唔係好高調,唔鍾意應酬嘅人,唔想擺酒都明白。但係我覺得結婚一生人一次,就算自己唔想擺,父母都會想要我地擺酒啦。
仲要同佢慳埋擺酒嘅錢用嚟供一層無我名嘅樓,真係覺得有啲唔抵。
 
...
既然層樓冇你名但係有份住的話,你唔駛幫手供,淨係比管理費及水電煤氣費用,可能咁樣分配比較好,因為如果你冇名又供樓供埋一份可能會覺得比人搵笨(大部份人或者你屋企人朋友都會有呢個諗法,驚你比人搵著數,雖然兩公婆一齊唔應該計到咁足)


擺酒方面有時好難避免,就算你兩公婆冇乜所謂,但係父母或長輩比較傳統觀念,一定要擺,都係冇得避



引用:
原帖由 MANDELING 於 2023-4-20 12:04 發表

同男朋友都就嚟打算結婚。男朋友前排買左樓畀左首期,層樓冇我名因為我冇份畀首期。雖然冇我名,但我都應該左佢婚後會同佢一齊供樓。
 
佢最近同我講,不如我地結婚唔好擺酒啦,留番啲錢供樓仲好。
 
男朋友本身都係啲唔係好高調,唔鍾意應酬嘅人,唔想擺酒都明白。但係我覺得結婚一生人一次,就算自己唔想擺,父母都會想要我地擺酒啦。
仲要同佢慳埋擺酒嘅錢用嚟供一層無我名嘅樓,真係覺得有啲唔抵。
 
...
1. 樓主想擺酒, 男方唔想, 你要清楚自己手上的籌碼, 議價能力有多少, 佢覺得你值既話, 俾條命你都得, 不然....
2. 層樓無你名, 但你要供, 賴硬野! 你供之前必須絕對一定無論如何要請教專業人士, 怎樣保障你利益
3. 擺酒確實有點浪費金錢, 銀兩有限, 呢個時勢, 都係面對現實好, 什麼一生人得一次是廢話, 幾十年流流長, 仲有大把野值得紀念
成熟D啦, 結婚不是情情愛愛, 係貼地生活!



引用:
原帖由 持久男 於 2023-4-20 12:47 發表

咁冇共識結左都會離...不如分手算啦...對一世喎
x2



供樓冇自己名反而唔係好大問題,最緊要留返每個月幫手供樓嘅記錄,一個唔好聽離婚一樣可以分返半層樓,反而擺酒可以少少地擺幾圍淨係請最好嘅朋友同親戚,其實一個唔覺意根本唔使出錢.


擺酒幾錢先?
係唔係你要求酒店擺 貴得制
同埋你係唔係擺好多圍?



[隱藏]
一世人得一次著住婚紗及裙褂被濟濟一堂一衆親朋戚友祝福見證金錢買唔到!即使打後發咗達補擺酒己物是人非不能比!唔好後悔.


層樓無你名做乜要供除非加返你名


婚前買定系婚后買的。。。婚后有無名都無所謂。。但婚前就on9咯。
供就一起供,但個物業同你一d關係都無。萬一以後離婚都分唔好。
如果婚前的,要一起供米加你名咯。保障一下自己。



正常結婚後你已經有一半業權?


引用:
原帖由 樂天率直的ME 於 2023-4-20 12:30 發表

冇你名供黎做乜,不如供養返你父母啦!
結婚成件事好似搵你笨咁。
大家結婚都係第一次,有唔同意見都好,點都擺一次,貴有貴平有平擺。首期你冇俾唔緊要,結得婚做得兩公婆唔洗計到咁盡,你一齊供就落埋你名,你唔供就唔好落啦,反正百年歸老都係俾仔女。
純粹個人諗法,不喜勿插。
佢話我之後都有份住,叫我當交租咁供



[隱藏]
引用:
原帖由 ichthys2 於 2023-4-20 12:39 發表

無論有何結果,兩人有共識就好。若果已盡力都無共識,不如趁尚未結婚前分手。
行到結婚尼部先嚟分手好唔抵



鍵盤翻頁
左右
[按此隱藏 Google 建議的相符內容]