• 瀏覽: 8,461
  • 回覆: 35
有一個auntie佢對我地屋企人都幾好,今年阿媽想提早拜山,於是本身就約哂所有姊妹提早星期日去左拜。呢個阿姨佢地成家由細細個開始已經信左教,一家四口仲會個個星期日都去返教會,阿媽另外仲有一個妹,佢因為咩教都冇信,所以佢年年都會同阿媽去拜親戚。本身阿媽知另一個妹佢信教,就算叫左佢去佢都唔會去拜佢既親戚,但係去拜果個係大家既老豆。  
 
阿媽因為呢件事其實年年都好在意,佢都唔敢出聲話佢,因為知佢係真心信教同埋好抗拒去呢啲地方,但係阿媽真係好想佢係咁意去裝返一注香都好,盡返佢做女既責任。本身自問真係唔知信左教之後,係米真係連拜神同拜山呢啲野都唔做得,但係如果要去拜既人係你既親生家人,好似老豆咁,係米應該都去拜下做下自己仔女既責任好啲??



sorry可能有啲長 :

我已經脫離咗宗教一段時間, 但係其實我記得聖經中好似其實係唔鼓勵人哋去拜, 尤其是如果真係虔誠、敬畏、認真地去拜就更加唔應該。 而且拜先人係冇任何位可以迎合到聖經, 本來聖經裏面就已經成日講話唔好去拜其他神/宗教( 即係咩菩薩,土地公,孫悟空, 佛祖,媽祖都唔應該拜, 風水、星座都唔可以當真)。 其實講真如果上山拜祖宗,拜亡魂係盡子女嘅責任, 咁你已經係承認咗人死之後係會成為呢一啲嘅超自然存在。 聖經裏面的確有天堂有地獄, 但係唔會有鼓勵阿爸死咗然後阿仔去拜佢盡孝心呢一啲環節(宗教形式的拜), 因為死咗之後應該係會可能接受審判(好像), 而唔係變成地縛靈, 喺自己嘅墳墓隔離飄嚟飄去, 所以拜山如果係用宗教嘅形式去進行嘅話,係同聖經裏面一啲嘅內容會有呢啲嘢衝突。 如果一定要拜山先至係盡仔女嘅責任, 代表你已經承認呢一種宗教, 你希望你嘅auntie去拜山同埋你 auntie 唔希望你地哋逼佢去拜山其實一樣。

不過anyway啦, 悼念一個人, 係冇乜問題, 如果你真係想嘅話咁你咪叫你 阿媽每逢呢一啲節日就同你auntie 一齊打開相簿, 把以前和先人的合照,一幅幅地去重溫囉。

ps: 唔建議將宗教問題上升到道德問題, 你嘅 auntie 因為信基督教所以唔去拜山定唔代表不孝

[ 本帖最後由 正在加載名字... 於 2023-4-3 21:39 編輯 ]



可能你親戚唔知道,其實信基督教或天主教是可以去拜山,只是不可以裝香,可以買紥花去拜山


同埋我再補充, 我諗就算你是但搵一個教會, 或者佢哋會因為知道本地嘅文化所以唔正面反對拜祭先人, 但係絕對唔會支持。 你見到就算真係出現啲咩大地震, 全世界嘅教會最多都係一齊祈下禱, 最多點下蠟燭送下鮮花,營造一種嘅氣氛, 唔會迎合其他宗教嘅習俗去悼念先人


[隱藏]
身邊親朋信教的,家族清明重陽去拜山都會去。

會幫頭幫尾,但不拜祭,只獻花悼念先人。

無抵觸。先溝通,再諗諗。互諒。



基督教好過,特別拜山先人,買束花仔搞掂,又慳皮,又吾使煩。 


引用:
原帖由 fit過辣椒 於 2023-4-3 17:58 發表

有一個auntie佢對我地屋企人都幾好,今年阿媽想提早拜山,於是本身就約哂所有姊妹提早星期日去左拜。呢個阿姨佢地成家由細細個開始已經信左教,一家四口仲會個個星期日都去返教會,阿媽另外仲有一個妹,佢因為咩教都冇信,所以佢年年都會同阿媽去拜親戚。本身阿媽知另一個妹佢信教,就算叫左佢去佢都唔會去拜佢既親戚,但係去拜果個係大家既老豆。  
 
阿媽因為呢件事其實年年都好在意 ...
根本係借口,邊個話基督徒唔可以掃墓架?唔裝香唔燒衣便可,都係悼念先人的方式之一,如果唔可以,使咩有基督教墳場呀?



引用:
原帖由 爛地一堆 於 2023-4-3 21:50 發表

可能你親戚唔知道,其實信基督教或天主教是可以去拜山,只是不可以裝香,可以買紥花去拜山
對呀



引用:
原帖由 fit過辣椒 於 3-4-2023 17:58 發表

有一個auntie佢對我地屋企人都幾好,今年阿媽想提早拜山,於是本身就約哂所有姊妹提早星期日去左拜。呢個阿姨佢地成家由細細個開始已經信左教,一家四口仲會個個星期日都去返教會,阿媽另外仲有一個妹,佢因為咩教都冇信,所以佢年年都會同阿媽去拜親戚。本身阿媽知另一個妹佢信教,就算叫左佢去佢都唔會去拜佢既親戚,但係去拜果個係大家既老豆。  
 
阿媽因為呢件事其實年年都好在意 ...
拜山其實一個表達心意既形式黎啫! 如果你阿姨心中係記掛住外公,其實佢係無錯既! 講開中國人拜山要搞好多嘢,又要燒衣紙、燒元寶蠟燭香,如果生前對佢唔好既,佢死後都只係對住道牆「做戲」,佢都係收唔到架啦!



[隱藏]
教會墳場都人山人海拜山喎!


啲人根本係藉口,咩宗教都唔會反對拜祭先人。我自己對啲督教人士無咩好感。我自細讀基督教學校。佢地好多人偽善。


引用:
原帖由 加多尼奧 於 2023-4-5 13:51 發表

啲人根本係藉口,咩宗教都唔會反對拜祭先人。我自己對啲督教人士無咩好感。我自細讀基督教學校。佢地好多人偽善。
唔系呀,除咗基督教,佛教都唔會拜㗎
不過唔拜歸唔拜,就好少出聲啫



引用:
原帖由 fit過辣椒 於 2023-4-3 17:58 發表

有一個auntie佢對我地屋企人都幾好,今年阿媽想提早拜山,於是本身就約哂所有姊妹提早星期日去左拜。呢個阿姨佢地成家由細細個開始已經信左教,一家四口仲會個個星期日都去返教會,阿媽另外仲有一個妹,佢因為咩教都冇信,所以佢年年都會同阿媽去拜親戚。本身阿媽知另一個妹佢信教,就算叫左佢去佢都唔會去拜佢既親戚,但係去拜果個係大家既老豆。  
 
阿媽因為呢件事其實年年都好在意 ...
你親戚唔去咪有得佢唔去囉



引用:
原帖由 正在加載名字... 於 2023-4-3 21:33 發表

sorry可能有啲長 :

我已經脫離咗宗教一段時間, 但係其實我記得聖經中好似其實係唔鼓勵人哋去拜, 尤其是如果真係虔誠、敬畏、認真地去拜就更加唔應該。 而且拜先人係冇任何位可以迎合到聖經, 本來聖經裏面就已經成日講話唔好去拜其他神/宗教( 即係咩菩薩,土地公,孫悟空, 佛祖,媽祖都唔應該拜, 風水、星座都唔可以當真)。 其實講真如果上山拜祖宗,拜亡魂係盡子女嘅責任, 咁你已經係承認咗人死之後係 ...
原來嗰啲宗教,入咗又可以脫離嘅。



[隱藏]
引用:
原帖由 dlive 於 2023-4-6 00:28 發表

原來嗰啲宗教,入咗又可以脫離嘅。
呢一點係睇個人嘅啫,基督教又唔係邪教



鍵盤翻頁
左右
[按此隱藏 Google 建議的相符內容]