眼見自己快37週了，還有兩個星期就快生產了，但因忙於工作也無暇上一些育嬰體驗班。猶記起初初到將軍澳產檢的某天，助產士在大堂推薦由基督教聯合醫院舉辦的「自然分娩體驗班」，適合35週至40週的孕婦上堂，內容仲包括講生產要點、同BB沖涼、換片及換衣、喂奶、同陪產者講注意事項等。
一聽有可以學同BB沖涼的學習，已經好想學了，畢竟一個從未同bb沖過涼的新手媽媽，真的好擔心點抱住一舊「綿花」沖涼，仲要單手做咁多「高難度」動作。2月22日星期三填妥表格後，星期五就接獲電話通知星期一可以上堂，而且最好同老公一齊到。姑娘有兩段時間會俾你選擇，我就揀左2時30分至4時30分，果日只需早半小時帶社區核酸結果證明同張身份證，然後按佢電話教既指示去登記就ok!
到左星期一，按指示去地下S入院，然後有人陪上2樓。當日上堂得兩PAIR人對兩個姑娘教學，先是問一D之前填左問卷同睇片既問題，例如非藥物減輕陣痛的方法有D咩等!然後俾你睇VR、試坐波波、教先生用油按摩助媽媽練習呼吸法；又叫你上床體驗下生仔的不同姿勢。
然後PART2就是學沖涼，AR…我覺得好多手勢同轉來轉去@@第一次做的我，根本就是雞手鴨腳，不過個體驗淨係得一個人試，爸爸基本上都是睇!我覺得爸爸都可以試埋就好，然後有教一D泵奶、掃風既手法等。總括黎講195蚊都好實用。
我有問過坊間既一D課程，一個人都要600幾至千元一堂，真係幾貴!所以公立醫院依個平價二人餐都OK!
