男朋友一向都好廢,冇咩上進心。早排同佢去睇黃子華套賀歲片,睇完之後,佢好似好大感觸咁,仲話律師呢個職業真係好有意義,可以幫人同守護公義。話自己都想轉行去做律師。
我以為佢都係講下笑,點知過左幾日佢同我講佢同公司辭左職,諗住去讀law。年紀都唔細啦,仲學人重返校園? 律師你估咁易做咩?仲好難讀,覺得男朋友可能讀到一半就堅持唔到要放棄。本身仲諗住大家都工作穩定,可以開始諗結婚。而家男朋友咁樣裸辭,真係對我地嘅將來覺得好迷茫。
作為女朋友係唔係應該支持男朋友嘅決定?但以我對佢嘅熟悉,真係唔可以怪我睇死佢...