呢個post 可能會比人鬧但都想呻下兼聽下大家諗法。先講講自己父母，佢地屬於鍾意打麻雀躝街嘅父母，我大約小學開始就多數自己一個响屋企自己顧自己，自己煮食，中學開始做兼職自己幫補自己零用錢及書簿學費，間中剩到少少錢就比埋阿媽當家用。中五出嚟做嘢每個月開始比家用，另外自己交埋兼讀大專嘅學費，比到最近1年結咗婚打算全職湊b就停左，只係過時過節：兩老生日、母親節、中秋、端午節、新年先比錢佢地。但佢地就成日有意無意對住我呻話我比得少錢佢地唔夠孝順。我有時又諗，佢地從來冇盡到父母責任，但我自己巳經盡量做好兒女嘅責任，咁我巳經冇工作，平時出嚟食飯飲茶都一定係我比，過時過節一定比d錢佢地買嘢食，仲想點？成日提住我孝順父母好重要，但佢地又冇盡過父母應該盡嘅責任....
