我同我老婆結婚5年，生左個女，但係我真係頂佢唔順
依幾年我做生意，都算過得去，老婆做政府工，收入都好好。一向我家庭大部份都係我出，而佢每個月交一萬家用，但係大部份即使係買小小野，除左返工開支基本上都係係阿公到出。
我老豆今年入左醫院，做左大手術，而家手術後好多後遺症。我地已經做私家做，花左好多錢。
亦因為老豆病左，所以我請左個工人。由工人未泥已經話擔心工人借錢，做雞。我同佢講要都管唔到，之後又喊話我唔企係佢果邊。
之後我地有一個聯名戶口，入面都有一個不錯既儲蓄係入面，請工人要比佣金，要比雜費其中一個月開支大左。結果佢一哭二鬧三上吊，要我加家用。我話聯名戶口有禁多錢入面，點會無錢比? 之後我老豆果陣仲要個個星期睇醫生，之後嘈要錢，發曬脾氣。之後我最後每個月比多$5000。
但係在這之前，佢其中有幾個月，以為我唔知，結果偷偷地幾個月唔入家用。
到個女報幼稚園，我同佢講希望個女讀書唔好禁大壓力，開開心心成長，想報國際學校。之後由報名，面試全部都係我老婆去搞。結果學校收左個女，我同佢講國際學校係一個好長既承諾，如果有一日我無錢，你肯唔肯頂? 同埋你可否每個月比多少少錢出泥，減輕下個女讀書壓力。
一講到要佢比錢，即時話個女唔應該要讀國際學校，無必要讀，讀國際學校中文唔好，點解唔同佢商議。我話當初你去填表，你去面試係你簽名，係你填表。而且佢面試完都大讚間學校個女好鐘意，好開心。其實講到尾都係要佢比錢，佢即時唔肯。如果我比，幾多錢讀什麼都OK。
坦白講，即使佢一個人比曬，基本上佢收入完全無問題。我依家都唔係叫佢一個人比曬，叫佢一個月比多少少幫輕一下。就發曬脾氣。之後日日掛係嘴邊幾錫個女，我問左佢幾次，如果我真係無曬D錢，你個女會唔會飯都無得開?
之後有一日聖誕前，我比左200蚊個姐姐話叫佢新年買份禮物比自己D仔女，點知我老婆知道左，又嘈。話佢已經高人工，新年又會比。點解仲要再比，我話你對人好，人對你好。
之後搬屋兩房轉左間三房，又再嘈，我同工人姐姐已經係禁搬同汁野，不同指指點點，我已經不停汁緊。大佬到夜晚11點仲話要點汁，我同佢講你明天才搞好嗎?
結果果晚訓教，一路訓一路鬧，話我唔同佢溝通，唔同佢商量，之後喊。又話人地其他人既老公唔係禁，人地佢同事老公好好。我頂唔順出廳訓。結果佢打比社工，之後話佢好慘。話叫社工打比我老豆阿媽傾下。我老豆依家手術後身體唔好，仲要搞到佢老人家。我聽到依到我真係好嬲。如果我老豆有什麼事，我會嬲佢一世。
坦白講，我老豆出出入入醫院一年，佢嘈足一年。依個人我愈來愈討厭........
[ 本帖最後由 gc13d63178e4a 於 2022-12-7 16:39 編輯 ]
/https://storage.inewsdb.com/68ff47e00280d07bb2dba03dc38c2543.jpg)
/https://cdn.hk01.com/di/media/images/dw/20221223/682969334884077568927315.jpeg/ul0kZJmtlslfJQtZ6vWYbRFNC2I_j4tWJDnpTiQ56U4?v=w1920)
/https://storage.inewsdb.com/875317f2b2361c9126fd57e4844a8c2a.jpg)
/https://storage.inewsdb.com/8889fd8d332fca85dc387d2c526a1848.jpg)