• 瀏覽: 2,294
同老婆拍拖到結婚都過咗20年啦,有兩個小朋友,最近同老婆婚姻出現危機,我同我老婆一齊打機都好開心,唔知之前係咪兩個小朋友激親老婆,所以老婆出咗去搵朋友,咁啱打機d新朋友又多訊息搵我老婆,我就開始有啲唔信任,就係因為咁樣而開始嗌交,因為平時佢返工都係part-time唔使收咁夜,自從嗌交開始佢就晚晚做到12點或1點先返屋企,仲試過唔返嚟瞓,其實同佢咁耐我都係好就佢,出糧所有錢俾晒佢,佢又唔使煮飯,家務又唔使佢做都係我做,就算買日用品都係我買,不過我唔介意呢啲嘢係我做,唔係佢都有洗衫晾衫,好似平時佢想食嘅嘢我會買定喺屋企想飲嘅嘢我都會買定,就算係連性生活我想話要,佢話一直都唔鍾意,所以基本上都冇性生活,我仲要係一個唔賭錢唔飲酒放完工即刻返屋企嘅人,對佢啲屋企人都好好,但係自從果次嗌交開始,佢就話唔愛我嫌我煩,咁啱個女確診咗,佢就話唔返嚟瞓,順便想冷靜吓,但係上次個大女都確診咗都係話冷靜吓,果次都沒返嚟瞓,其實我覺得好辛苦,因為所有嘢都好似得我一個人去理咁,跟住大女好返,佢翻返嚟瞓,我問佢唔返嚟瞓去咗邊度瞓,佢同我講同事,跟住有日我睇佢鎖匙包,見到入邊有條鎖匙,跟住我又嬲啦,因為我同我最好嘅朋友都唔會有佢嘅鎖匙,其實我都信佢,跟住我哋好反少少,點知有一日夜晚12點幾,佢話佢同事打俾佢冇帶鎖匙,所以佢而家拎返條鎖匙俾佢,佢話好快返,跟住我都係好,到我再打俾佢,佢就同我講食緊糖水,跟住我話你又話好快返嘅,跟住又開始唔聽我電話,到佢返嚟嗰陣時我問佢你還返條鎖匙俾人未,佢同我講冇,佢話個同事好大頭蝦成日唔記得帶鎖匙,所以叫佢袋住,跟住我就開始發脾氣,我就問佢咁佢冇俾鎖匙你之前咁佢點生活,跟住就開始嗌交啦,上邊講咗咁啱細女確診咗,所以佢話唔返嚟瞓冷靜吓,所以我而家都唔知點做好


[按此隱藏 Google 建議的相符內容]