• 瀏覽: 41,987
  • 回覆: 260
  • 追帖: 10
  • 分享: 16
+10
忍左十八年,我就快崩潰,每晚都流眼淚。

首先,我做倜自我介紹先。 我係男仔,今年十八歲,普通一個毒男,冇乜朋友,更加冇人會肯聽我傾訴,所以我先打上黎講。

點解我冇乜朋友呢? 咁就要由家庭背景講起。 我細個同啊公啊婆啊媽啊爸細佬一齊住,屋企思想比較傳統,管得我好嚴。
例如我細個個陣,屋企人怕我比人拐走,所以唔比我自己落街,啊媽啊爸要返工,平時好少帶我到遊樂場玩,所以我從來未試過落街同街童玩,細個個陣巳經冇社交。
我細個個陣屋企人好少開電視(我諗),身邊小學同學個個都傾動漫,eg. 數碼暴龍,寵物小精靈,但我根本就完全冇睇過,根本就同人冇話題。
加上屋企人淨係不斷逼我讀書,管得我好嚴,連跌枝鉛筆落地都可以鬧我半粒鐘,所以我又唔識踢波,唔識打籃球,唔識樂器,根本就同人冇話題,又冇才華,所以上到中學都冇乜朋友。

大家都知啦,上到中學,仲邊有純友誼丫,每段關係背後都一定有利益得失。 我個樣又醜,生得又矮,又同人冇話題,又冇才華,所以根本就冇朋友。 我知道呢啲係同父母有關,但我冇怪過佢地,亦冇提及過,因為我唔想佢地傷心。

去到我十五十六歲,我開始成日上網,因為一個興趣而識左一大班人(個興趣係好正經的),識耐左就一group人約出黎啦。 但我啊媽同啊婆成日怕我識壞人,乜都怕一餐,又成日唔比我出,但我已經解釋過好多。
又問長問短,問我去邊,問有幾多人去,問有咩人去。。。  有幾次我成功出到去聚會,啊媽又要我限一段時間whatsapp佢一次,又要我限我夜晚十一點半前返屋企。

真係好煩,每次去聚會之前都要比人審問,又要我定時whatsapp,又要我早走。 所以我最後都唔再去聚會,一來唔洗比人審問,二來我巳經同group啲人生疏晒。

讀左六年男女校,莫講女性朋友,連男性朋友都冇。Group project永遠都最後先入唔夠人既組,為左唔想比人知我冇朋友而入廁格食飯盒,你又試過未?

上年考完公開試,考得差,宜家失學失業。 間中落球場自學踢波,成日比人笑,比人怪責我踢得廢,呢啲都係小問題。

每次屋企人問我做咩唔約朋友,點解冇咩朋友,我個心都好難受。

去到宜家十八歲,屋企仲係管得我好嚴,講極都唔聽,例如 :

1. 著住條底褲響屋企行,我比啊爸狂鬧。 心諗,通街女仔夠著熱褲啦,又唔見你鬧?
2. 想搵件好睇少少既衫著,啊婆又話我麻煩又盛。 我本身巳經唔識打扮,咁多年黎未買過衫比自己。 我啲衫己經又少又唔靚,點解你仲要逼我著你揀啲衫?
3. 明明我覺得好熱,啊婆仲逼我著羽絨(佢捉住我,我唔想反抗整傷佢),每次出到街都冇手拎返件羽絨,著到全身汙。
4. 明明我覺得好飽,同左啊婆講煮少啲飯,佢仲煮好多飯,每次我都食唔晒,我自己都覺得好折墮。
5. 每次我同人傾電話,屋企人一定問長問短,煩到我都怕晒,所以我都好少再同人傾電話/ 約人出街。
6. 每次我約人出街,屋企人一定問長問短,問我去邊,問有幾多人去,問有咩人去。。。  又成日叫我唔好去,真係好煩

宜家我真係連一個朋友都冇,又雙失,又冇才華,我就快崩潰,每晚都流眼淚。 我真係好大壓力,又冇人會肯聽我傾訴。 我知你地出發點係好,但唔好再當我係小朋友,唔好再控制我,得唔得?



人這一生,開心也是過,傷心也要過
向前看,不要回頭望,願你有一個美好的明天



引用:
原帖由 優雅藍藍的帽子 於 2022-12-4 19:59 發表
忍左十八年,我就快崩潰,每晚都流眼淚。

首先,我做倜自我介紹先。 我係男仔,今年十八歲,普通一個毒男,冇乜朋友,更加冇人會肯聽我傾訴,所以我先打上黎講。

點解我冇乜朋友呢? 咁就要由家庭背景講起。 我細個同啊公啊婆啊媽啊爸細佬一齊住,屋企思想比較傳統,管得我好嚴。
例如我細個個陣,屋企人怕我比人拐走,所以唔比我自己落街,啊媽啊爸要返工,平時好少帶我到遊樂場玩,所以我從來未試過落街同街童玩,細個 ...
睇E生



引用:
原帖由 優雅藍藍的帽子 於 2022-12-4 19:59 發表
忍左十八年,我就快崩潰,每晚都流眼淚。

首先,我做倜自我介紹先。 我係男仔,今年十八歲,普通一個毒男,冇乜朋友,更加冇人會肯聽我傾訴,所以我先打上黎講。

點解我冇乜朋友呢? 咁就要由家庭背景講起。 我細個同啊公啊婆啊媽啊爸細佬一齊住,屋企思想比較傳統,管得我好嚴。
例如我細個個陣,屋企人怕我比人拐走,所以唔比我自己落街,啊媽啊爸要返工,平時好少帶我到遊樂場玩,所以我從來未試過落街同街童玩,細個 ...
你需要社工,去威記排精神科



[隱藏]
吊!我覺得你唔識反抗啫!即喺咁,電視、玩具呢家嘢可置諸腦後,也不需太在意。至於識朋友,學校生活,正常發揮。你唔撚喺衰仔,未必會教得壞。躲喺阿媽髀隙,亦未必會學得乖。在校時,我會搵老師、社工協助,搵埋屋人調解吓。將來有幾多知己,肯定是在求學時培植出來。


打扮、衣服鞋襪都要管?自己儲到錢照買,買完被吊一件事。總之,現在嘅喺有自己一套想法去生活,人大咗,回憶一片空白無撚用!



樓主咁有條理打咁大篇文 似派膠多過自閉仔


係咁迫你讀書,但成績吾好就要諗其他出路。試吓做㕑房又好,侍應又好,保安又好,一D入行要求吾高但係有得升既工,做好佢,總有出頭天。我細個處境同你差吾多,依家係酒店餐廳副經理。加油啦後生仔


離家自立吧!


自己咁撚廢就怪屋企人管住,返學識唔到fd都賴屋企


[隱藏]
引用:
原帖由 daniel_mk2 於 2022-12-4 22:15 發表
樓主咁有條理打咁大篇文 似派膠多過自閉仔
派你老毋膠



首先第一步,試下搵份兼職做下,擴闊自己的生活圈子先,順便識下朋友仔!到時壓力自然就會減半!


咁你家人有冇迫你做啲奇怪嘅事


引用:
原帖由 優雅藍藍的帽子 於 2022-12-4 19:59 發表
忍左十八年,我就快崩潰,每晚都流眼淚。

首先,我做倜自我介紹先。 我係男仔,今年十八歲,普通一個毒男,冇乜朋友,更加冇人會肯聽我傾訴,所以我先打上黎講。

點解我冇乜朋友呢? 咁就要由家庭背景講起。 我細個同啊公啊婆啊媽啊爸細佬一齊住,屋企思想比較傳統,管得我好嚴。
例如我細個個陣,屋企人怕我比人拐走,所以唔比我自己落街,啊媽啊爸要返工,平時好少帶我到遊樂場玩,所以我從來未試過落街同街童玩,細個 ...
如果你父母咁傳統,不妨大佢地一句唔俾你出街識女仔既話你就去攪基,呢個藉口相信邊個做父母既都會驚😅



0-8碎:唔識感恩,廢物一個!
9-12碎:開始有意識思想,交唔到朋友怨天怨地怨父母,廢物一個!
13-18碎:獨立思想開始萌芽時候,書讀不成,孤獨精,無興趣無理想,不是廢物又是什麼!

結論:一個X物



[隱藏]
引用:
原帖由 daniel_mk2 於 2022-12-4 22:15 發表
樓主咁有條理打咁大篇文 似派膠多過自閉仔
仲係冇乜錯字,不過唔代表膠。



鍵盤翻頁
左右
[按此隱藏 Google 建議的相符內容]