• 瀏覽: 1,288
費事長篇大論,搞到個個冇心機睇落去
結束左13年嗰段感情,我一個人靠自己去照顧兩個小朋友,承擔所有生活開支。每日工作同照顧小孩及家頭細務都好像24小時也不足夠。幸好收入可觀也是每日努力嘅動力。尤其係興趣班閒閒哋跳舞半年學費都5000幾啦,又話去呢度迪士尼去嗰度海洋公園。喺呢段時間要自己習慣沒有佢嘅生活,我都同咗起碼兩年時間先真正放低,甚至喺離開咗一年之後我遇到另一個他。我更加一到覺得自己終於幸福了。亦都可能太耐沒有被愛感覺所以又再沉溺。
相識左幾個月每日都一齊生活慢慢大家提出,不如生個屬於我哋嘅小朋友。佢本身收入每個月200,000到,所以其實絕對冇問題,如果照顧我哋全家人。
我亦真係懷孕了,其實結識去到懷孕,只有半年時間,我真係天真到今日我都懷疑自己智商。
個肚越來越大,就慢慢開始發現原來佢隱瞞嘅嘢,更加喺五個月頭嘅時候佢話要。講一大篇大倫嘢就話都係為大家着想,又話遲啲先要。就係咁佢慢慢開始幾日返嚟一次更加開始成日唔聽電話。更加已經唔再比任何錢。佢更加賤格到周圍唱話個肚唔係佢嘅。直到生前兩個月佢消失咗。直頭原本WhatsApp封鎖再去用email溝通都已經冇再回覆了。
嗰刻其實講真我崩潰了,甚至一到想剃光自己所有頭髮去發洩,大住肚唔想飲罐啤酒鬆下冇可能。
一夜之間更加頭髮有幾個大窿,所謂俗稱嘅鬼剃頭
我望住快鏡,見到自己搞到唔似人難吾似鬼個樣嘅時候,我就開始下定決心生過BB出嚟,好好生存
為咗支撐承擔小朋友出世的準備,將自己一直以來心愛嘅所有手袋所有首飾短時間內轉售出去。
到嗰刻我先知道原來我以為唔可以失去嘅,其實都係死物,明白人本來無一物。
下集再續⋯⋯



[按此隱藏 Google 建議的相符內容]