有點長的內容，純粹分享吓個人經歷
一個女人經歷過生兒育女，經歷過被出軌家暴經歷。最青春嘅時候講浪漫講轟烈追求激情唔理家人勸喻未結婚底下就學人生娃娃，本身仲讀緊書中五讀完就生個娃娃。點知對方行差踏錯坐監，大住肚就話應該好快出返嚟。去到生咗出嚟先話時間喺至少四年。乜Q都唔識仲係覺得好好浪漫好愛。一個人湊住個B B，唯一嘅只能靠政府養。
老母就係咁見親都話自己係抵死攞嚟賤講咗幾年都好似聽落去都唔再有感覺，唱歌一樣😅
好啦⋯終於四年啦，原來見返感覺唔係想像中咁激動，淨係覺得對方老咗好多⋯⋯始終年紀相隔15年
好啦，大家都覺得可以享受吓家庭樂啦，然而你發現佢竟然不斷在外邊同女人唔清唔楚更加開始唔返屋企，嗌交開始慢慢變成郁手郁腳，我亦慢慢成身都係傷痕。為咗追蹤佢嘅事搞到自己成個癲婆咁，
精神分裂咁，不斷左check又check，跟住又再個男人犯法要坐監，我就日日都要去探訪山長水遠，一朝早去，最慘係每次突然離開咗佢都係冇留任何金錢去給我們生活。來來回回每次佢話會改變⋯一直糾纏已經13年，我更加相隔七年為他生第二胎。
