• 瀏覽: 8,345
  • 回覆: 11
識咗十幾年嘅朋友,以前都客客氣氣,而家唔好講細路定大人都無禮貌,又老馮,因為我小朋友要去學跳舞,朋友個小朋友都係一齊去上堂,平時我老公揸車,每次都會接埋佢,以前小朋友見到都會叫聲Hello,其實我都覺得冇禮貌,而家直頭叫都唔叫自己上車坐,我真係有啲嬲,同埋佢已經當我老公係司機,因為已經太耐好難推佢。

[ 本帖最後由 阿菇BB 於 2022-12-2 22:07 編輯 ]



引用:
原帖由 不知所位 於 2022-12-2 13:08 發表

你朋友間唔中係要請食飯,禮尚往來。
成日靠人終會被嫌棄🤷‍♂️
點解要請食飯?你咁奇怪嘅



見你咁答,個人應該都幾奇怪,不過算啦,反正我有時間一齊傾下,我覺得做朋友係唔需要回禮,就你所講,莫非你坐人車要送禮?同時你也錯重點,現在講梗無禮貌,雖然小朋友只不過得5,6歲剛上小一,可能疫情關係返學都少咗,但其實都要教囉,因為仲要同同學相處,你話係咪!


引用:
原帖由 不知所位 於 2022-12-2 15:42 發表

佢唔係坐一兩次,
而係次次,好多次,
請食餐飯有幾奇怪,
你亦無須反覆強調我好奇怪。
另外,小朋友都要教,我未講啫,明眼人都睇出啦,
留畀其他人講🤷‍♂️
咁就緊係坐好多次啦廢話,一早講重點咪得囉,咁咪唔會話你奇怪囉,不過附近總有依種人算啦,我都見唔少。



[隱藏]
引用:
原帖由 fwho 於 2022-12-2 15:47 發表
咁呢個好易處理,將自己小朋友上堂既時間,轉左佢就得啦。
再絕D轉架細車,只坐到4個人,大條道理唔車其他人啦。
好,可以考慮轉上堂時間👍🏼上埋今個月先



引用:
原帖由 chail 於 2022-12-2 17:30 發表

唔係咩送禮回禮……係一種禮儀,有朋友去完旅行送左份禮物比我,佢一反心意,又唔肯收反錢,我咪買左份禮物送比佢個囝囝,道理一樣,只係大家一種心意,大家又開心,做朋友同伴侶一樣,相輔相成
依點我認同,但主題唔係講依樣,同埋上面樓主有提議比我,我會考慮轉上堂時間。多謝你解答



引用:
原帖由 tommwins 於 2022-12-2 19:03 發表
又跳舞又渣車 應該係中產吧?呢類人搵到錢但又特別小器自以為是 純粹細路仔無禮貌就打破了10幾年的友誼?咁都好兒戲下 如果你朋友係醒的 見你轉堂轉時間應該知咩事 無你呢個朋友反而好事 表面上客氣 暗地裡小器計較到死
又跳舞又揸車,咁就叫中產,通街都係啦,好多家庭都係咁㗎啦,啲小朋友唔係學跳舞就學彈琴或者學游水等等,我相信你如果係父母的話你都會係咁,唔係話十年嘅朋友,梗係經歷過啲嘢先咁講,我相信每個人身邊嘅朋友都唔係個個可以交心囉



引用:
原帖由 cydervinegar 於 2022-12-2 19:47 發表

會唔會係你本身, 都表現出不用同人講嘢有禮貌, 所以對方也不覺得要注重禮貌?

你係到俾我的感覺係咁!
我係會睇返人哋點回應我,我先會咁樣回應佢,令你有錯覺,真的不好意思。



引用:
原帖由 lelefung 於 2022-12-3 14:55 發表
樓主,上車時,你又會主動同小朋友打招呼嗎…

小朋友其實好敏感,大人鍾唔鍾意佢,一個眼神一個動作就會感受到。如你表現太Cool,小朋友都可能會怕。
一定會,我都教我小朋友一定要有禮貌,無論對屋企人還是對朋友,同學或老師都要。



[隱藏]
引用:
原帖由 aizhu 於 2022-12-4 17:57 發表

坐得多佢已經變咗老馮,係冇禮貌嘅行為唔好學佢。
所以我一定要小朋友有禮貌,我自己都會身教,但我朋友同佢個小朋友都係咁,接埋佢真係唔緊要,我亦唔需要人家送禮物或請食飯,我只是出心返正去同一個地方,我尊重你,你應該要尊重返我就係咁簡單。



引用:
原帖由 openopen 於 2022-12-10 04:21 發表
車得多變咗奉旨
係呀,來回都車佢



引用:
原帖由 openopen 於 2022-12-10 11:20 發表

對方唔識做你好難搞架