• 瀏覽: 18,853
  • 回覆: 84
  • 追帖: 3
  • 分享: 2
首先,老公係一直都想有小朋友,佢比我更想。

我一直冇特別想生,但呢一兩年,過咗35,可能真係女人天性+進入高齡的倒數,就會周不時會有生仔嘅意欲,驚而家唔生,將來會後悔... 有認真同老公傾過,e.g. 如果生仔後我兼顧唔到工作,收入減少甚至零收入的話,佢就要畀家用/零用錢我... 亦有同佢講即使我自己湊仔,但佢都唔可以旨意我一個人湊晒+做晒所有家務(而家99%家務都係我做),我已經講明到時佢唔可以仲成日掛住打機,或者當BB半夜喊時佢仲繼續大覺訓,然後叫佢幫手時就埋怨話自己返工已經好辛苦+要早起身etc,然後覺得我喺屋企好得閒仲攤大手板問佢攞錢,所以我冇資格對佢有任何要求/投訴... 因為搵到錢嗰個永遠講嘢都大聲D架喇,到時佢覺得自己一個人養全家辛苦過我,我又要靠佢養我嘅話,咁我都只可以硬食架啫... (所以我始終都係希望自己可以兼顧到工作)... 呢D都係我foresee會發生嘅情況,但佢就拍心口話佢一定唔會咁樣,話一定會幫手湊仔同做家務...

都好想相信佢,呢半年我哋都開始備孕... 我都會憧憬同佢一家三口組織家庭,但on and off我又會覺得佢會係豬隊友,如果生咗仔我會好慘... 好似之前試過一次,我買左一袋口罩,用背心膠袋裝住放咗喺檯面,然後嗰晚我哋食完晚飯,我因為好攰想抖陣先,所以未去洗碗同倒垃圾(呢D嘢平時都係我做),之後佢好難得地主動去倒垃圾,我都真係心感安慰架,但點知到第二朝我發現檯面袋口罩唔見咗,原來佢尋晚當垃圾掉埋... 我嗰刻係真係唔知點解好嬲,雖然係小事嚟(所以我都冇鬧佢),但我個心係覺得佢個人做屋企嘅嘢時就係咁樣囉,永遠咪埋眼咁做,冇用腦冇用心嘅,一袋嘢係咪垃圾都分唔到... 叫你湊仔嘅話你會唔會餵咗奶又以為未餵,未換片又以為換咗etc.?

最近佢放大假,又係日日夜夜掛住打機,有一晚我6:30PM左右喺廚房醃肉、洗菜、洗米,但佢打打吓機抽起條筋就用手機叫外賣,冇問過我想食咩之餘仲唔知我喺廚房煮緊飯。其實平時佢叫外賣都會問我想食乜嘅,但可能嗰日我唔喺佢視線範圍,而佢個屎忽又唔可以離開張梳化,佢視線亦唔可以離開部PS5,所以冇問我都照買,亦完全冇諗過我唔喺廳係去咗邊做緊乜,又可以完全聽唔到廚房有聲... 因為佢太專心打機,肯停一陣分心去叫外賣其實我要多謝佢添喇係咪?但嗰朝我先同佢講話雪櫃有D菜放咗好耐,嗰晚要煮嚟食... 即係佢又唔記得或者冇聽喇根本... 佢叫完外賣冇耐,終於行過嚟廚房發現我煮緊飯,話死喇叫咗外賣添!之後佢又返去打機喇,好似冇事發生過咁... 咁我已經覺得佢又係幫倒忙喇,但冇嘅,咁D外賣咪留返第日食囉,大佬我D肉又解晒凍醃晒,D菜同米又洗晒,都要煮架喇,唔通倒咗佢咩...

之後D外賣送到嚟(又係我煮緊飯都要出去開門喇,因為佢打緊機呀嘛),我就拎咗兩隻大碗放喺D外賣隔籬,諗住陣間將D外賣轉落碗度,包好保鮮紙放入雪櫃留返下餐喇係咪?之後我返去繼續煮飯,佢打完機走去拆外賣,然後我見佢開始食D外賣,我真係火都嚟,大佬你有冇望一眼睇下廚房發生緊咩事?大佬你覺得我仲喺廚房入面係做緊乜架呢?我就大聲嗌出去話D外賣唔食架喇,叫佢轉碗放入雪櫃,但佢都仲覺得好不可思議咁嘅,我真係唔明佢個腦諗乜... 之後佢走入嚟廚房想攞碗,但唔知D碗擺邊... 我真係好火滾,同佢講檯面咪有兩隻碗囉!佢見我發脾氣,佢又發返我脾氣,話我唔係煮緊飯咩?咁檯面嗰兩隻碗唔係用嚟裝飯咩?!我想話嗰兩隻大碗唔係我哋平時裝飯的飯碗嚟架,佢食咗咁多年飯都仲未知個喎,真係好嘢...

佢將D外賣轉咗碗之後,就將D外賣盒掉入廚房嗰個已經滿左嘅垃圾袋度,而我明明已經開咗一個新嘅垃圾袋喺旁邊... 我就發脾氣話佢點解有個新嘅垃圾袋唔用,係都要塞入去個滿左嘅垃圾袋度個喎,之後佢發返我脾氣話都一樣裝到,有咩問題!但佢一放手,個垃圾袋就冧咗,D外賣盒同D汁瀉晒出嚟... 我只係覺得,你有用個心用對眼去睇吓諗吓,做嘢就唔會咁求其... 係,你塞爆舊嗰個垃圾袋係得,但有個新嘅喺隔籬你又睇唔到嘅?用新嗰個唔係好D咩?唔係你覺得我開個新嘅垃圾袋出嚟係做乜?裝飾?我就係知舊嗰個再塞就會冧囉... 咁你又唔知,又唔覺得,又睇唔到... 同你講,你又話我迫你跟我嗰套去做嘢,又唔諗下我會有一套既定做嘢方式,係因為我做咗咁多年知道點樣做會好D... 你唔聽我講,D垃圾冧晒出嚟,然後你繼續發脾氣走咗去,又係我執。

我成餐飯嬲到冇出過聲,嗰日係我哋結婚周年,我都唔想為咁小事嘈,但我個心就諗,呢個人真係適合做爸爸咩?食完飯佢有話佢洗碗,想氹返我,但我冇理佢。其實我都唔係嬲,係好失望,我覺得佢唔適合做爸爸。好多嘢係見微知著,呢兩件事都只係最近發生我先攞出嚟講,但其實好多時都會有D事係睇落好小事,但會令我覺得佢唔適合做爸爸,或者令我覺得如果有咗小朋友我會好無助好miserable... 其實我而家呢個年紀,已經冇空間去嘥時間同猶豫,而且有時D嘢都唔係話你想生就即刻有,但而家我真係唔知究竟仲試唔試好。

[ 本帖最後由 TheAcneFighter 於 2022-12-1 20:46 編輯 ]



講真,唔好生。生咗你要湊2件。。。。。😅


唔生,你可能後悔
生咗,你必定後悔



比我會唔敢生!佢連自己都照顧唔到,點照顧你哋


[隱藏]
有病就睇醫生啦


引用:
原帖由 TheAcneFighter 於 2022-12-1 20:31 發表
首先,老公係一直都想有小朋友,佢比我更想。

我一直冇特別想生,但呢一兩年,過咗35,可能真係女人天性+進入高齡的倒數,就會周不時會有生仔嘅意欲,驚而家唔生,將來會後悔... 有認真同老公傾過,e.g. 如果生仔後我兼顧唔到工作,收入減少甚至零收入的話,佢就要畀家用/零用錢我... 亦有同佢講即使我自己湊仔,但佢都唔可以旨意我一個人湊晒+做晒所有家務(而家99%家務都係我做),我已經講明到時佢 ...
做父母前,真係應該要先考牌



我自己打機都明白嫁老公千其唔好揀個打機怪


出面同其他男人生law,橫掂你主要怨自己老公廢姐


同佢生仔搵自己笨啦,仲要照顧埋佢,到時bb出現只會令佢發更大皮氣


[隱藏]
引用:
原帖由 TheAcneFighter 於 2022-12-1 20:31 發表
首先,老公係一直都想有小朋友,佢比我更想。

我一直冇特別想生,但呢一兩年,過咗35,可能真係女人天性+進入高齡的倒數,就會周不時會有生仔嘅意欲,驚而家唔生,將來會後悔... 有認真同老公傾過,e.g. 如果生仔後我兼顧唔到工作,收入減少甚至零收入的話,佢就要畀家用/零用錢我... 亦有同佢講即使我自己湊仔,但佢都唔可以旨意我一個人湊晒+做晒所有家務(而家99%家務都係我做),我已經講明到時佢 ...
明白女性到左某個年齡,會好想體驗同bb仔既親子關係。
但豬隊友可以將媽媽逼到精神病,而細路仔向咁既家庭環境成長未必幸福,生左亦有機會令兩公婆感情惡化。
考慮清楚,功德無量



呢D男人又廢又蠢,直頭離婚,好彩冇生


女人多狗如


如果長老無俾壓力,勸你唔生好過!


其實不如大家坐低一齊傾 妳老公都唔知妳顧慮嘅原因 當時佢眼中淨係覺得被發脾氣


[隱藏]
引用:
原帖由 TheAcneFighter 於 2022-12-1 20:31 發表
首先,老公係一直都想有小朋友,佢比我更想。

我一直冇特別想生,但呢一兩年,過咗35,可能真係女人天性+進入高齡的倒數,就會周不時會有生仔嘅意欲,驚而家唔生,將來會後悔... 有認真同老公傾過,e.g. 如果生仔後我兼顧唔到工作,收入減少甚至零收入的話,佢就要畀家用/零用錢我... 亦有同佢講即使我自己湊仔,但佢都唔可以旨意我一個人湊晒+做晒所有家務(而家99%家務都係我做),我已經講明到時佢 ...
夫妻工作,請工人幫手,你負責訓練工人,減夫妻磨擦,老公負責工人所有開支,變相你不用攤大手板問佢加家用。



鍵盤翻頁
左右
[按此隱藏 Google 建議的相符內容]