• 瀏覽: 10,928
  • 回覆: 50
  • 追帖: 1
我同我老公都算火爆,爆完可能會冇事,
又可能要隔幾日,先冇事。

但我唔太擅長將件事再重新攤開黎講,因為每次都只係你有你講,我有我講,互相不讓步,又會再吵一場。所以雪球越滾越大。

我老公擅長say sorry,但響我角度,say 完sorry ,傷痛都已造成,點解唔去盡量避免?
響佢角度,我永遠唔認錯,執著佢做嘅錯。執著邊個出口傷人先。

我地之間冇咩大問題,純粹係性格不合,多數都係火爆問題。我知好多人眼中,已經唔算咩難關。但呢個火爆,可能導致我終有一日會出事,因為會有肢體衝突。

早幾日我地爭執,口齒上我冇讓步,令佢越來越興,最後打左我塊面三巴(推撞同禁住我,都算,我唔當係打)。我好唔想有呢種家庭關係。直到姐姐好擔心衝出房阻止。本身留響房嘅仔都出黎望到爸爸撞推我。

打完我之後,佢又要我立即攤番開件事來拆解點解要去到呢步。原因係我明知佢會爆發,都唔肯讓步。佢摑完我,我照樣挺直,同佢講,記清楚你今日做左乜。然後再一巴,我再講多一次,再一巴。

我想唔通,點解佢每次都要我因為佢會跳掣而讓步?咁幾時先到我真正講出內心感受?
成日話兩個人要溝通,我已經造成慣性忍受嘅性格,生活細節上照顧周到,我只係唔想經常俾人呼呼喝喝。你乜都唔照顧我,亦唔需要物資,我冇投訴,因為我會照顧自己。我只係希望我遷就你,你遷就我,生活已經夠忙,在外搵食大家都唔容易。點解番屋企要咁?

我地唔嘈交係好好的。所以我好難話,打我就離婚。而主要我唔想個仔因此而痛苦。



我有好多好多講唔出嘅難受。
我唔敢同屋企人講,唔敢同朋友講,我怕人地會認為我老公佢賤男人。我唔想其他人對佢印象唔好,因為佢份人本身都唔係太容易令人理解,我更加想保護佢形象。

佢亦教育我,家事同婚姻關係唔好同人講,我知佢有佢道理,但我鬱結難解。



婚姻唔係1+1=2
而係0.5+0.5=1



我當然明白。
我有改變性格,盡量唔會抱怨。
不過好confused,究竟咁樣係會改善問題定惡化問題



[隱藏]
引用:
原帖由 Wefade 於 2022-12-1 10:24 發表
我同我老公都算火爆,爆完可能會冇事,
又可能要隔幾日,先冇事。

但我唔太擅長將件事再重新攤開黎講,因為每次都只係你有你講,我有我講,互相不讓步,又會再吵一場。所以雪球越滾越大。

我老公擅長say sorry,但響我角度,say 完sorry ,傷痛都已造成,點解唔去盡量避免?
響佢角度,我永遠唔認錯,執著佢做嘅錯。執著邊個出口傷人先。

我地之間冇咩大問題,純粹係性格不合,多數 ...
你哋咩年紀,結婚幾耐?但男人出手打女人,就一定唔啱,大家成年人,傾掂佢,比D小朋友睇到爸媽打架就吾好la



我3x,小朋友幾歲,未懂事,不過有能力理解咁係爭執,會驚

我都心痛個仔

傾,對於我黎講好困難。我已經驚左,驚再爆衝突。佢打我唔係出盡力打,所以係理智情況下打,我消化唔到



佢打完,都只係想話我知,係我嘅錯,係我令佢打我佢要我認錯。
我真係好難受。佢係讀書人。我以前同粗魯嘅人拍好多年拖,都冇上演過。



引用:
原帖由 Wefade 於 2022-12-1 10:24 發表
我同我老公都算火爆,爆完可能會冇事,
又可能要隔幾日,先冇事。

但我唔太擅長將件事再重新攤開黎講,因為每次都只係你有你講,我有我講,互相不讓步,又會再吵一場。所以雪球越滾越大。

我老公擅長say sorry,但響我角度,say 完sorry ,傷痛都已造成,點解唔去盡量避免?
響佢角度,我永遠唔認錯,執著佢做嘅錯。執著邊個出口傷人先。

我地之間冇咩大問題,純粹係性格不合,多數 ...
可唔可以在大爆發前大家收聲冷靜一下先?再冷靜討論一下件事?



引用:
原帖由 Wefade 於 2022-12-1 13:05 發表
佢打完,都只係想話我知,係我嘅錯,係我令佢打我佢要我認錯。
我真係好難受。佢係讀書人。我以前同粗魯嘅人拍好多年拖,都冇上演過。
打人不分讀書多與少。在於暴力傾向



[隱藏]
引用:
原帖由 Wefade 於 2022-12-1 13:05 發表
佢打完,都只係想話我知,係我嘅錯,係我令佢打我佢要我認錯。
我真係好難受。佢係讀書人。我以前同粗魯嘅人拍好多年拖,都冇上演過。
做錯咩事要打女人😰,咩道理?如果錯得好嚴重係咪要殺頭



正正係我想表達嘅野
粗人唔一定會打女人,飽讀詩書都可以理橫折曲

我係有嬲到離開,但佢死要我傾,我一傾,佢就頂唔順果種你有你道理我有我道理嘅局面,然後會暴跳如雷

佢係當左婚姻係用道理響邊邊黎維繫
我就希望有人顧我感受,睇到我嘅付出



一頭家,要用心經營,係有好多好多濕碎野要跟,我唔會交哂俾姐姐做,
放工番到屋企一樣係忙到一頭煙。切埋水果盤服侍個大帝。
佢亦有付出勞力,去支撐頭家,為左我同個仔而努力忍受工作。我明
但佢忍受嘅野,令佢好大脾氣,我要包容,我都明。
我係唔係三從四德,我都明。



引用:
原帖由 Wefade 於 2022-12-1 13:55 發表
一頭家,要用心經營,係有好多好多濕碎野要跟,我唔會交哂俾姐姐做,
放工番到屋企一樣係忙到一頭煙。切埋水果盤服侍個大帝。
佢亦有付出勞力,去支撐頭家,為左我同個仔而努力忍受工作。我明
但佢忍受嘅野,令佢好大脾氣,我要包容,我都明。
我係唔係三從四德,我都明。
就算覺得有幾大道理都唔應動粗。
始終大家要坐低冷靜溝通。
其實當時為咩事衝突?



因為佢聽到我同姐姐討論一d小朋友活動日子,
佢可能聽到有個活動日子同佢記憶中嘅唔同,
本身一直冇參與討論,個仔叫佢佢都係用電話傾公事。而一開口,就好似鬧我咁話我冇講清楚日子。

反正就係好似佢同我嘅溝通習慣就係聽到唔順意嘅就會呼喝左先,唔能夠好好講。

累積落黎,我就會指出錯處。
佢唔認,咁咪爭持不下。講講下我都會勞氣。就變左佢話我態度差。除非我忍讓。唔講。
但我唔想個仔同姐姐學左佢,認為唔洗尊重我

其實個根源係好小事,但因為佢係好易著嘅人,佢唔耐煩我唔耐煩,佢會變左另一個人一樣,好似想食左我咁



[隱藏]
散硬,為了大家好,為了唔攪出人命。


鍵盤翻頁
左右
[按此隱藏 Google 建議的相符內容]