• 瀏覽: 1,167
  • 回覆: 2
我係所謂良心企業銀袋夫婦嘅員工,我由對呢間公司好有歸屬感,覺得佢兩公婆好有人情味,直到e家心灰意冷決定離開呢間公司 
e家管理層已變咗質,只會洗盡各部門同事,不斷cut人手,加重各部同事工作量,令員工自動流失,又唔再請人
三年前由社會運動到疫情開始,大家都明白,封關冇內地遊客,公司要蝕錢,所以公司要求員工放6-12日無薪假,減20-50%薪酬,和公司共渡難關,大家都一直堅守崗位,真心希望能和公司捱過這段艱難時期,e家公司生意好返D,又唔見佢地有任何表示,佢地只會變本加厲,不斷欺壓員工
直至現在仍然都不斷話要cut各部人手,搞到人心惶惶,又點會有心機做嘢,如果公司真係無錢賺,維持唔到,大可以裁員,跟足勞工法例補錢給員工,唔係為求達到目的.用卑鄙手段,迫員工辭職,其實佢地都唔使搞咁多小動作啦,嚟緊都大把人會辭職,到時真係有生意都冇人做,不過其實依家好多舖頭有客入去,都唔夠人手招呼,唔知啲高層巡舖有冇睇到呢樣呢
最近公司嚟咗2個無腦高層,一個肥頭耷耳UFO,一個蠻不講理女魔頭
佢哋所做嘅行為根本完全唔會幫到間公司,只會加快令呢間公司執笠
-個UFO每星期六,日都會去唔同店鋪影相,影低邊間店鋪貨架唔整齊,又問同事貨架點解有窿位,好心佢用吓個腦啦,唔通佢想D貨品擺喺度個冇人買呀,定係以為店鋪有條Team專門負責補貨
以前大家最緊張係服務同生意,宜家大家最緊張係有無補齊貨,因為大家唔知幾時會比UFO偷襲,舖頭又點會有生意
-巡鋪偷影員工,幾個同事企埋一齊又有問題,我地唔可以係舖頭講公事㗎,宜家我地只可以用walkie溝通,費事又俾人偷影到,之後有大做文章
-個女魔頭,仲恐怖,只係識加大店舖targrt,你估加大就做到咩,搞到大家冇晒士氣,仲邊有心機同你跑數
-約主管見面,表面上就話想認識佢地,實際上咪係點佢地相,睇吓遲啲可以炒邊D,喺旺季嘅時候先嚟搞呢啲,咪即係搞死間公司
-店舖唔見貨,要收警告信,人手唔夠,啲貨有時俾人偷咗都好正常喎,宜家搞到我哋每星期都要對點自己D貨,睇吓有冇唔見貨,樣樣都話出警告信,其實咪又係想借D意炒人

1)無OT錢

~幾年前已經下令所有員工唔可以有超時工作的薪金,話要開源節流,其實你自己用腦個諗吓,收銀埋數要時間,收舖前仲會有客,唔通趕D客走咩,又要補貨,又要清潔,15分鐘內根本冇辦法完成,話就話OT可以補返鐘,店舖根本就嚴重人手不足,每日都唔夠時間做晒D嘢,又點收工呢,走咗之後D嘢又邊個做呢,即係又係搵員工笨

2)不停cut人手,增加各職級的workload

~成日話店舖唔需要咁多人手,需要減低支出,但係每日就一樣咁多嘢做,人就少咗好多,變相增加我哋嘅工作量,超時又無錢,明白打份工梗係要做,但係佢哋有冇諗過,我地一個人要做幾個部門嘅工作,我哋係咪真係可以應付得到呢?宜家喺舖頭,只係得一個話題就係辭職同搵工

3)各職級苦況

~嗰D經理都好辛苦,想盡辦法幫睇吓可以點樣幫到生意,係呢間公司幾十年,將最寶貴青春都奉獻晒俾呢間公司,有啲仲要慘到俾佢迫退休,每星期開會仲要俾老細鬧,個個頭耷耷眼濕濕都唔敢出聲,出聲仲要死快啲,如果人哋唔係同你有感情,早就走咗啦,仲同你喺度搏

~主管其實就係一個打雜員,每日要收錢,補貨,執貨埸,跟文件,仲要追生意,如果舖頭無文員,無男同事仲慘,搬搬抬抬自己點貨散貨,仲要入房慢慢做文件同牌仔,跑唔到數仲要解釋呢樣解釋個樣,人工好似仲要得萬幾二萬蚊

-美容顧問唔止要做生意,仲要做埋收銀員,有時仲要幫手屋企門口,每星期最少有幾個推廣要交數,仲要無佣金,新產品又要賣,近期貨又要賣,突然之間又整幾日快閃又話有targrt,e家仲要自己收埋錢,部收銀機又複雜,你估個個都識用啊,有時D客等得耐,仲要走埋添,大佬人哋底薪得幾千蚊咋,今個月大數仲要天文數字,做唔到又冇獎金,變相咪又係減人工

-大姐姐仲慘,又要幫手開門閂門,主管放假仲要頂收銀員食飯,有推廣又要幫手跟擺位,要跟文件,不如接咗間鋪佢啦,反正都冇人做生意

-收銀員唔單止收錢咁簡單,又要管貨,補貨,企門口,仲要做附加推銷,依家唔夠人,仲要幫手sale埋客,如果識就唔使做收銀啦,介紹錯咗又驚比D客投訴,部收銀機仲要複雜宜家部收銀機仲要人人都要幫手收錢,埋數唔啱又入佢地數,人工萬二蚊低過超市同麵包舖,服裝店收銀都有萬六七啦!

~男同事仲慘,每日返工都做到隻狗,喺倉入面就搬嘢散貨搬到隻狗咁,又要企門口做門口狗,又要做埋文員既嘢,打單落貨做牌仔,返9個鐘企門口都企咗4,5個鐘,如果嗰日返貨,點貨散都要幾笠鐘啦,根本就冇時間可以即刻補貨,人工萬六七,惠康嘅理貨員/樓下嘅看更阿伯都多過佢哋呀!

~文員每日不停咁做牌仔,每日都咁多改價,淨係做牌都要幾個鐘,每日仲要有9百幾個email跟,唔夠人手時仲要收埋貨同搬搬抬抬。有時其他店舖無文員,仲要一個文員走幾間舖,每間舖嘅工作量都積埋成個星期先做,想做死人咩,e家仲話要炒晒D文員,睇吓到時啲嘢邊個做

我已經可以離開呢個地獄啦!其他同事都奉勸你地都早D搵定工,如果你哋有朋友想入嚟做,真係要諗清諗楚先好呀!其實出邊有好多工都俾呢度好,根本唔使喺度俾人當廢物,我終於知道點解呢度禁多同事有情緒病啦!如果唔想有病,就快走人啦!



邊間?


Sasa?


[按此隱藏 Google 建議的相符內容]