唔知大家通常一齊左幾耐先會介紹另一半畀屋企人知呢?同女朋友一齊左差唔多一年啦,但係女朋友都冇介紹過我畀佢屋企人認識,甚至佢阿爸阿媽都唔知道佢拍緊拖。女朋友都有介紹我畀佢身邊嘅朋友知,起碼佢身邊嘅朋友都知道佢有男朋友。
我成日都係到諗點解女朋友唔介紹我畀佢屋企人識,係唔係因為佢冇諗過同我嘅將來?都有問過女朋友呢個問題,佢話覺得太快,所以唔想畀佢屋企人知住,想去到就嚟結婚果一步先再介紹我畀佢屋企人識。
但係一日未見過佢屋企人,我就點決定同唔同佢結婚呢?話晒結婚都係兩家人嘅事呀!
唔知大家通常一齊幾耐先會見家長?