• 瀏覽: 8,519
  • 分享: 5
我真係唔知同邊個講好,因為係件好on9嘅事!結婚當日收場時99冇問過我直接收走我金器!後尾通過C6開口先要返!咁我度都冇安全地方擺又唔想去租夾萬因爲全部金器值十五咁上下唔算好多,咁咪比62幫手保管。前年10月C6表妹(大陸)結婚話唔想買金器所以6299開口話借比距,咁當時咁多人我都好難開口話拒絕!咪借佐比距!咁婚結完仔又生埋到e+都未還返金器比我!期間都已叫C6去追過幾次距地次次都話疫情冇返去拎唔到乜乜乜,其實期間都有親戚返過去嘅!好!算數!咁前排99同阿姨返佐去啦!又冇帶返金器返黎??我心中十萬個WhyWHyWhy???同C6講起呢件事距竟然同我嘈?話咪搞得好似距地特登唔還比我咁。ha?有心還嘅結完婚好心就諗辦法還返比我啦!又唔係好多!一個大金豬3對鐲幾個戒指!分3、4次都帶返比我啦!當時我都好激動咁頂返距!我真係以為你地特登唔還返比我架!仔都就黎一歲了!
前幾日99又同我講話另一個表妹結婚,可唔可以將金器借比果個表妹⋯請問我可以say no嗎???
講真,d金器我陪嫁一件大金豬鏈+一對大鐲,距地家送一對大鐲一對細鐲+3、4個細戒指。我都直接同C6講你地家送嘅金器我唔要了,麻煩我陪嫁嘅比返我,果d係我屋企人嘅心意!但嘈來嘈去都係不了了之~
我真係好無奈!看唔開!我都有直接同62講過件事,距好無所謂咁講:最多比返錢你。果一刻我真係好頹!件事我變得成個壞人咁!好心你地唔好本未倒置好嗎???借人野唔主動還返仲咁惡!但我份人又唔鐘意搞大件事唔識嗌交嘅人~哎 真係好煩好頹覺的自己野自己作唔到主!自己嘅金器何時何月先返到自己手?我都就黎唔記得自己嘅金器咩樣了!只記得大豬仔下面連住好幾隻細豬仔堆成個金字塔~



[按此隱藏 Google 建議的相符內容]