• 瀏覽: 14,925
  • 回覆: 105
  • 追帖: 1
  • 分享: 2
我同我老公拍拖同居個陣我人工已經高過佢,我一個月搵四萬,佢揾二萬,每個月佢俾一萬我,我就負責哂交租、水電煤、買餸外賣、保險、俾2邊屋企人家用,每個月一蚊都無淨。佢不嬲都冇積蓄,所以結婚緍禮十幾萬使費都係我出,亦無比過我屋企禮金,搬屋租樓俾按金、買傢俬又係我出,佢一蚊都無出過,我哋係外國買層平平哋嘅樓收租首期都係我俾,寫兩個人名。佢仲成日叫我同香港銀行借錢俾第二層首期。我個心其實都有啲唔服,因為我老公覺得我有啲錢所以我出係完全無問題,但我覺得男人係咪應該有啲負任感。

到依家我大肚真係心都淡,我係啱啱轉新工兩個星期,就發現有咗6 weeks,本來都計劃懷孕,試咗就嚟一年,但冇諗過啱啱轉工就bingo,每日都嘔5-6次,仲要全日反胃好辛苦,我有暗示過老公我好辛苦想喺屋企安胎,雖然我知冇可能,但我都想睇吓佢有咩反應,點知佢答我,你一定唔可以唔返,你唔返我哋點交租食飯,咁其實我都知道我唔可能返,不過佢完全冇考慮我感受令我好失望。

前幾日我10weeks 通知老闆我有咗,加上嘔得好犀利請咗一日病假,點知今日就叫我唔使返,因為未過試用期炒我都係合法,點知老公仲埋怨我,話我個日唔應該請病假,我話我就嚟胃都嘔出嚟,佢就話要保住份工就唔可以請假,雖然佢係講得啱,但我個心真係好唔舒服,佢依家似當我係搵錢機器人咁,我係人都會唔舒服,依家我要再揾工,都唔知揾唔揾到,搵到又唔知唔講大肚好,但唔講遲啲都會知,唔知係我荷爾蒙影響但我真係心淡,有時我唸其實係咪我問題唔係我老公問題,或者我真係唔應該請個日假,我老公咁現實先係正常?我媽就成日話我蠢,個男人咁無承擔都嫁

[ 本帖最後由 sa588 於 2022-9-2 01:23 編輯 ]



我情況都類似..唔可以唔做嘢..
日子越耐你會好厭倦…
點解自己咁辛苦..點解佢做多啲..?



1. 從拍拖到結婚都知個男人係咁,點解要結婚呢
2. 通知左公司你有左而又炒你既話,可以去告間公司



引用:
原帖由 笨豬傻咪 於 2022-9-2 13:04 發表
1. 從拍拖到結婚都知個男人係咁,點解要結婚呢
2. 通知左公司你有左而又炒你既話,可以去告間公司
要結婚唔問題

佢哋講的係經濟能力

冇經濟能力點解搞大個肚?



[隱藏]
陰公~ 有左BB果陣的確係會因為荷爾蒙影響, 情緒會有D唔穩定~
如果你都想要個BB, 暫時唔好諗咁多啦, 好好休息, 返唔返工呢個問題係其次.


男人係咁架啦, 有承擔既男人少之又少, 就算搵到個男人搵錢多過自己, 日子耐左咩感情都會淡~ 人呀, 最愛都係自己同自己D錢~


依家冇左收入, 暫時慳得就慳啦, 遲下BB出左世睇下父母可唔可以幫忙照顧, 否則又要請姐姐~ 


唔開心就上黎呻下啦, 唔好屈埋, 對身體唔好~



依家呢個年代男女平等,好多能力強既女性收入都唔低。


既然結婚組織家庭亦都唔應該太計較,你老公既現實程度確實有點離譜。



明顯你既另一半將你既付出視作理所當然,甚至覺得你為家庭犧牲係應份。


期待你十項全能——又搵到錢又湊到仔又可以照顧雙方父母又應付到兩邊既親戚又服侍到老公......每個人一日都係得24小時,有咩可能?



如果你地係自由戀愛,你老公應該係中意你先會結婚,我唔明白點解佢可以咁不近人情。


呢段關係入面可以話大部分都係你付出緊,佢享受緊;佢習以為常之後,早就忘記對你既愛。



有人講過,生bb既時候就會知道你嫁既係人定係鬼,依家你未生就已經知道。


你媽咁講係因為佢係過來人;知道你搵個自私&能力低既老公,你將來既路會好難行。



[ 本帖最後由 w0800454 於 2022-9-2 17:23 編輯 ]



引用:
原帖由 sa588 於 2022-9-1 23:53 發表
我同我老公拍拖同居個陣我人工已經高過佢,我一個月搵四萬,佢揾二萬,每個月佢俾一萬我,我就負責哂交租、水電煤、買餸外賣、保險、俾2邊屋企人家用,每個月一蚊都無淨。佢不嬲都冇積蓄,所以結婚緍禮十幾萬使費都係我出,亦無比過我屋企禮金,搬屋租樓俾按金、買傢俬又係我出,佢一蚊都無出過,我哋係外國買層平平哋嘅樓收租首期都係我俾,寫兩個人名。佢仲成日叫我同香港銀行借錢俾第二層首期。我個心其實都有啲唔服,因為我老 ...
夠竟妳在家庭裡排第幾位?

第一位, 係妳的錢
第二位, 妳啲物業
第三位, 一個可以讓自己四圍炫耀的老婆(唔係妳真身)
第四位 將出世的BB
第五位, 我就快是老豆
第六位 可以有孫比老豆老母抱
第七位 無第七位



你呢個老公真係好差,你有咗小朋友完全都好似冇再體貼你,唔敢想像你以後唔返工嘅日子,其實你可以完全唔需要佢,留佢係身邊棧更加篤眼篤鼻,你哋以後夫妻關係會更加差


咁點算呀?


[隱藏]
引用:
原帖由 笨豬傻咪 於 2022-9-2 13:04 發表
1. 從拍拖到結婚都知個男人係咁,點解要結婚呢
2. 通知左公司你有左而又炒你既話,可以去告間公司
係喎勞工法例佢唔啱喎



引用:
原帖由 auceo 於 2022-9-2 13:42 發表

要結婚唔問題

佢哋講的係經濟能力

冇經濟能力點解搞大個肚?
應該失咗預算,佢自己都預計唔到。



引用:
原帖由 sa588 於 2022-9-1 23:53 發表
我同我老公拍拖同居個陣我人工已經高過佢,我一個月搵四萬,佢揾二萬,每個月佢俾一萬我,我就負責哂交租、水電煤、買餸外賣、保險、俾2邊屋企人家用,每個月一蚊都無淨。佢不嬲都冇積蓄,所以結婚緍禮十幾萬使費都係我出,亦無比過我屋企禮金,搬屋租樓俾按金、買傢俬又係我出,佢一蚊都無出過,我哋係外國買層平平哋嘅樓收租首期都係我俾,寫兩個人名。佢仲成日叫我同香港銀行借錢俾第二層首期。我個心其實都有啲唔服,因為我老 ...
為咗個BB, 佢都要出分力。



引用:
原帖由 w0800454 於 2022-9-2 17:19 發表
依家呢個年代男女平等,好多能力強既女性收入都唔低。
既然結婚組織家庭亦都唔應該太計較,你老公既現實程度確實有點離譜。

明顯你既另一半將你既付出視作理所當然,甚至覺得你為家庭犧牲係應份。
期待你十項全能——又搵到錢又湊到仔又可以照顧雙方父母又應付到兩邊既親戚又服侍到老公......每個人一日都係得24小時,有咩可能?

如果你地係自由戀愛,你老公應該係中意你先會結婚,我唔明白點解佢可以 ...
佢老公真係衰人



引用:
原帖由 我唔係壞人 於 2022-9-2 22:59 發表

夠竟妳在家庭裡排第幾位?

第一位, 係妳的錢
第二位, 妳啲物業
第三位, 一個可以讓自己四圍炫耀的老婆(唔係妳真身)
第四位 將出世的BB
第五位, 我就快是老豆
第六位 可以有孫比老豆老母抱
第七位 無第七位
唔知佢仲邊幾樣



[隱藏]
引用:
原帖由 童顏姐姐 於 2022-9-3 07:01 發表
你呢個老公真係好差,你有咗小朋友完全都好似冇再體貼你,唔敢想像你以後唔返工嘅日子,其實你可以完全唔需要佢,留佢係身邊棧更加篤眼篤鼻,你哋以後夫妻關係會更加差
日後條路應該好難行佢會好辛苦



鍵盤翻頁
左右
[按此隱藏 Google 建議的相符內容]