• 瀏覽: 11,374
  • 回覆: 4
  • 追帖: 6
  • 分享: 2
引用:
原帖由 泰式炒飯 於 2022-8-16 15:59 發表

錯,呢3項能力對每個女人吸引力亦不一樣,不能一概而論。
我近日第二次就溝女唔一定要有錢嘅標題喺本版留言,都係嗰句,有錢就有女冇錢就冇女喺香討(唔係喺現實世界)係金科玉律,任何人提出反建議,即使苦口婆心,講出事實,呢度都唔會有人聽,只會比人寸。



引用:
原帖由 泰式炒飯 於 2022-8-16 13:39 發表
如果話有錢就溝到女既男人,通常都係無錢之餘,無樣亦懶惰,既唔肯通過後天健身改變外型,把口亦唔得。

我唔想得罪任何人,你可以撫心問下自己係唔係咁?
唔會咁積極的,溝唔到女,啲人就會將所有野推去有冇錢到。


我曾經問過,覺得自己溝唔到女係因為冇錢嘅人,係咪覺得自己除左冇錢外,冇其他缺點?

係咪自己本身雖然冇錢,但已經好叻同女性溝通,平時好多女性朋友(做普通朋友唔使有錢卦?)



但冇人認真答我,只係一味錄音機咁不停講有錢就有女


曾經有樓主煞有介事咁喺愛情版列出要溝到女嘅條件,佢列出左好多點,當然第一點就係有錢,跟住靚仔、身高、運動叻等等好多樣,但冇提到溝通技巧,原來有啲人心目中,人與人建立關係,係唔需要溝通技巧,而佢當日嗰post冇乜人質疑(除左我),即本版好多人都覺得溝女同溝通技巧係冇關,總之有錢就得,最多加埋靚仔。



引用:
原帖由 泰式炒飯 於 2022-8-16 17:00 發表

我成日見啲人話有錢就有女鐘意,其實係大錯!而且講得出呢句既,多數係無自身能力改變經濟狀況既人!

假設如果一個繼承百憶遺產既唐氏綜合症病人,會唔會有女人對佢死心塌地,愛到死去活來?絕對不可能!

真正能夠激發女人對男人產生愛情既,係一個男人本身既能力值,包括搵錢能力,外形,溝通技巧等等,錢只係一張成積表。
冇自身改變經濟能力嘅人好多,尤其喺呢個經濟環境下,但有一樣其實係比改善經濟能力理論上較容易改變嘅,就係改善自己同女性嘅溝通技巧。


但容易改變只係理論上,現實中好多人同人相處嘅方式係定左型,要佢哋改變慘過去死。


你叫佢哋比心機搵錢佢地或許可以有個picture,做唔做到另一回事,但要佢哋改變同女性相處嘅技巧,佢哋係連點樣入手都冇idea,所以根本唔會從呢個方向去增值自己。



引用:
原帖由 kenny0919 於 2022-8-16 18:22 發表

咁可以點做
我唔敢話教人,我只係講我點做,至少我覺得係work。


多啲同身邊嘅女性例如女同事傾多啲閒偈,當你習慣左後,你嘅社交圈會多左好多女性朋友。女性好重視溝通,當佢發覺你同佢啱傾,佢會肯同你分享好多佢嘅嘢,只要你想,好容易由普通同事/同學變成好朋友。

當然去到呢步仍然同愛情無關,但已經係好好嘅基礎。


試下去婚介或speed dating,然後約嗰度啲女member出街,嗰度啲人會比較肯同男member約會,即使未必真係中意你。


然後利用呢啲機會學習下點樣同女性單獨相處,點樣handle一次約會,呢啲嘢要練的,要累積經驗。


有左少少經驗後,去返你平時社交圈嘅朋友中,搵一個你覺得同佢特別夾嘅,你覺得佢會啱你嘅,約佢去街。再強調,夾唔夾係好重要,我當日追一個女同事,佢冇乜嘢特別野吸引我(雖然佢個樣唔差),最吸引我嘅係我同佢特別好傾,我覺得同佢一齊會開心,而且我覺得佢會比較易追到(難度都係要考慮的),之後真係好快就追到。


一直相處到而家,同佢都好開心。而且當日我刻意地同身邊嘅女性傾多啲偈後(主要係女同事),係多左好多真係friend嘅女性朋友,入面至少仲有兩三個只要我要追都會追到(因為入面有一個暗示過有一個明示過想同我一齊),只係我揀左追我而家個女朋友。

當然以上講嘅只係前期工作,到真係去追,約會嘅節目要點安排(約會嘅節目排到密密麻麻係好蠢的),表白時要點表白(時機同地點嘅掌握),同埋如果被拒絕後,點樣反敗為勝等。

我冇刻意鑽研一套理論,只係當我實際追求時,見步行步咁發現到原來咁做會work啲。

[ 本帖最後由 一人行 於 2022-8-16 20:15 編輯 ]



[隱藏]
引用:
原帖由 tkkay623MK2 於 2022-8-16 20:55 發表
靠有錢果啲唔係叫溝女,係叫叫雞溝女最高境界,係冇樣冇錢冇事業都溝到女,仲係條女養佢咪話我亂噏,真係見過有這種人!令人吐血㗎
同意,一定有咁嘅人,否則點解有咁多女人會被電騙嘅假男友呃錢。


其實如果識捉女性心理,唔好話叫佢養返你,至少金錢上各有各都唔係太難,話晒香港嘅職場環境,有唔少女性有一定搵錢能力,根本唔使男人養,問題你得唔得到佢個心。


男女相處其實講白啲就係心理遊戲,睇你識唔識玩呢個遊戲。一對男女拍拖好少真係平等,一定有一方係強勢啲,可以食住對方,問題作為男人嘅你,係你食住佢,定比女人食住你?



[按此隱藏 Google 建議的相符內容]