• 瀏覽: 17,560
  • 回覆: 45
  • 分享: 2
是咁的,父母自小離異,我同老母,細妹三個人住,細妹去咗外國讀書好幾年,咁得番我同老母一齊住,咁細妹未去外國之前(細妹去外國嘅時候會久唔久番香港,類似要續期之類),咁我哋成日都會鬧交,三日一小吵,五日一大吵,我同佢哋其中一個嘈,佢哋就會自成一角咁幫住對方,佢哋兩個同我一齊嘈,老母同細妹會WhatsApp,老母就會不斷講我唔好嘅嘢,而細妹唔理三七二十一咁話我唔啱,老母會一味向細妹數説我嘅不是,而老母唔啱嘅時候,佢好自然地唔會講俾人知
住咗公屋差唔多廿年,老母好聽啲係好識照顧人,但係難聽啲係發姣,我老母同我老豆離婚兩,三年就識咗個男人,帶埋番屋企訓,點知過咗三年左右,佢哋鬧交,之後聽老母嘅朋友講,原來個男人有老婆,姐係我老母做咗小三,當時我小學緊,之後過咗一,兩年左右,我老母喺附近酒樓識咗個男人,當時我上咗中學,因為當時同屋企人不合,我老母叫我入咗宿舍住,而我發現嘅時候,我老母同呢個男人嘅下落已不了了知,又過咗兩,三年左右,我差唔多過多一,兩年就番屋企住,喺某一日我老母又識咗一個台灣男人,我亦都唔知點識,我老母亦都去過台灣兩,三次,點知冇幾耐就遇上肺炎,就係因為呢個肺炎,我老母同呢個台灣男人嘅關係開始疏離,其間養咗隻貓貓,之後就識咗目前呢個男人,我唔清楚我老母係無縫接軌,定其他因素,我番工期間佢久唔久就叫啲朋友上黎,我都有同我老母講”唔好成日叫啲人上黎,而家啲病毒咁勁,人中咗都算,萬一隻貓貓有咩事,啲醫藥費都好貴”之後有幾次我番到屋企,俾我發現佢仲有帶朋友上黎,當然包括埋個男人,個男人又係做裝修定地盤啲工,我見個男人的杉褲有啲污漬,我同老母講過好幾次都仲係帶人上黎,咁我講咗句”又上黎”,因為當日原本諗住去屋企附近食啲嘢,之後我同我老母講我唔去,費事嘈,之後我老母就發脾氣,話我唔俾面佢啲朋友,搞到佢啲朋友唔敢上黎
其實我唔係話唔俾我老母識朋友,或者識男人,只不過唔好帶番屋企就得,如果個台灣男人喺香港,我諗我老母都想帶番屋企,我老母住公屋就周圍炫耀,連地址都可以借俾佢啲朋友做住址證明
想食飯我都可以出去一齊食,但咁嘅時期上黎屋企,我就真係可免則免,個男人仲要見過幾次,就話想認我做女,有次個男人喺屋企食飯,開飯嘅時候叫咗一聲”阿女,食飯啦”,其實我同你見過幾次,我同你唔係好熟,點解無啦啦就要做你個女?我老母鐘意我同佢一齊出去食嘅時候,就叫埋個男人,其實我嘅立場係我同你兩個人食,如果你想叫其他人,你禮貌上,係咪要問下對方”我可唔可以叫埋XX人?”
我老母鐘意叫埋個男人,應該都係想好似一家人咁食飯,但係我見得三,四次,最多五次,我實在過唔到自己個關,由細到大,我教會(已冇番)有對夫婦,老母都識,個男人睇住我大,當我係半邊女,呢個教會男人都未叫我做女,難聽講句,佢憑咩叫我做女
我會覺得你哋感情升溫,你哋嘅事,唔好搞到我

[ 本帖最後由 沙田野性的廁紙 於 2022-8-2 09:10 編輯 ]



活著受罪但是又離不開🤷🏼‍♂️


引用:
原帖由 電梯冰凍的高峰 於 2022-8-1 08:58 發表

搬啦!
儲錢,諗住移民



引用:
原帖由 風流盲俠花滿樓 於 2022-8-1 07:09 發表
活著受罪但是又離不開🤷🏼‍♂️
好想搬,只好努力儲錢,然後移民



[隱藏]
引用:
原帖由 沙田野性的廁紙 於 2022-8-1 09:50 發表

好想搬,只好努力儲錢,然後移民
移民未必好🤷🏼‍♂️睇定啲先啦🤷🏼‍♂️



引用:
原帖由 風流盲俠花滿樓 於 2022-8-1 10:25 發表

移民未必好🤷🏼‍♂️睇定啲先啦🤷🏼‍♂️
其實由我18歲開始就想移民,就差$$



妳阿媽都有本事搵到幾個男人 咁妳都搵個男朋友搬出去住啦 儲錢搬出去仲實際過 移民


引用:
原帖由 tommwins 於 2022-8-1 11:15 發表
妳阿媽都有本事搵到幾個男人 咁妳都搵個男朋友搬出去住啦 儲錢搬出去仲實際過 移民
我覺得移民好過留香港

[ 本帖最後由 沙田野性的廁紙 於 2022-8-1 18:59 編輯 ]



引用:
原帖由 半夏善良的黑頭 於 2022-8-1 13:25 發表
中學有宿舍住咁好邊間?
宿舍唔關中學事



[隱藏]
引用:
原帖由 沙田野性的廁紙 於 2022-8-1 03:23 發表
是咁的,父母自小離異,我同老母,細妹三個人住,細妹去咗外國讀書好幾年,咁得番我同老母一齊住,咁細妹未去外國之前(細妹去外國嘅時候會久唔久番香港,類似要續期之類),咁我哋成日都會鬧交,三日一小吵,五日一大吵,我同佢哋其中一個嘈,佢哋就會自成一角咁幫住對方,佢哋兩個同我一齊嘈,老母同細妹會WhatsApp,老母就會不斷講我唔好嘅嘢,而細妹唔理三七二十一咁話我唔啱,老母會一味向細妹數説我嘅不是,而老母唔 ...
家家有本難念的經



提示: 作者被禁止或刪除 內容自動屏蔽
引用:
原帖由 半夏善良的黑頭 於 2022-8-1 13:30 發表

我有閱讀障礙
你冇睇錯,係唔關事喎



搬出去住啦!


我想補充樣嘢,上黎嘅係女性都算,個係我老母上黎係異性嘅,其實都好尷尬,成屋女人,佢一個男嘅上黎


[隱藏]
你阿媽生左你兩個出黎, 得佢一個養大你地, 而你地都會有離開屋企既一日, 咁佢搵個伴, 好正常~ 冇人想自己老來得自己一個~


你可能好難接受佢成日帶D男人返屋企, 但係屋企始終佢都有份, 而且佢仲係家主~
唔通你叫佢去時鐘酒店咩?


睇開D啦, 佢養你育你, 雖然未必叫做好盡左阿媽責任, 但你阿媽都有佢自己既人生~
D男人見過你幾次叫你"阿女", 其實都係想示好啫 ... 試下放低偏見, 慶幸自己阿媽仲有機會可以尋找自己既幸福仲好啦~



鍵盤翻頁
左右
[按此隱藏 Google 建議的相符內容]