• 瀏覽: 750
唔知依家仲有無,銅鑼灣近Hyson戈邊之前有啲Booth係度,會截住人做問卷,跟住開始Sell美容。一開始覺得ok既,平平地體驗下,都俾人截過好幾次。

佢地一開始就講到好美好,買左Package就終身既,即係你有拖延症都唔洗驚。終身之餘就係你去邊間分店做都可以,最緊要係你就腳。聽落好似原本$980一次既打半價仲可以周圍去都幾抵。(依家我知打半價都仲貴到死,想刮自己兩巴,但係唔緊要,呢個我自己認衰)。重點係:每次淨係可以Book一個Booking。你買左兩個項目,就算你想Book戈個日期淨係可以焗住做一個項目,你都係淨係可以book一個Booking。咩料.... 你又唔係會優先幫我安排做曬兩樣,明明見住唔止一個美容師但就一個格仔一個Booking滿左

跟住講美容本身,每次做唔同美容師其實我唔係太介意,但係每個人個手法都係會唔一樣。連鎖成咁基本既培訓唔係應該會統一先係架咩?仲有佢個針清,係我試過最痛針清,每次都痛到我流眼淚,每次都紅兩日先散。做戈個咩胸部AL磁,最後都係比佢水黎買左(唉),都唔緊要既,佢基本做之前test下個磁強度都唔識,一黎開到最強,強度高到我手都震埋....每一次美容師都嗶哩吧啦係咁Sell,每次講同一樣野但就唔同原價

跟住再講下做到依家,事因我就快飛,唔知幾時再翻香港,問下係咪可以將淨低既次數改其他野,佢話可以,我就心諗,都好wor。咁我就諗住問下佢地係有無咩catalogue比我睇下,佢WhatsApp就話無,但係有Plan Book。咁我去做既時候就問啦,可唔可以俾我自己睇下先。佢係都要係我做緊Facial既時候黎介紹唔緊要,你話你有好多項目可以做,都唔緊要。我想Overall望下有啲咩,佢話:「咁你有排睇wor,同埋你睇左都睇唔明,咪又係逐個同你介紹」我有興趣我就會指住問架啦,講到佢一輪嘴講左咁多佢講得好清楚咁.....

唔知有無絲打可以過兩招俾我搞掂件事....

但係衷心奉勸各位唔好幫襯呢間野.....黑Sell到嘔.......廣傳Thanks....



[按此隱藏 Google 建議的相符內容]