• 瀏覽: 2,826
  • 分享: 1
+6
唔知大家平時喺邊度買衫多?我曾經好鍾意上網買衫,尤其因為貪平所以成日淘寶,但發現好多時候,買返嚟啲衫質地都唔係幾好,著咗幾次就唔想再著。所以近年都少咗買衫,反而開始多咗用唔同嘅配飾襯衫,我發覺即使只係一件普通白TEE,只要配搭唔同嘅飾品,都可以好特別,所以過去一年,其中一樣我鍾意嘅配飾就係絲巾/圍巾仔,綁喺頸度,復古又得,文青又得,係一個好好嘅點綴。(類似呢個圖咁簡單打結)


最早時,我就係喺鋪頭買啲幾十蚊平平地襯下衫,但後來發覺好多中古款絲巾都好靚,於是就搵下邊度有得買啦,或者多啲款式睇下啦。除咗IG中古店外,我發覺原來可以透過funbid網站買到yahoo japan拍賣。又俾我搵到一條粉紅色celine絲巾,好鍾意,好靚。記得好多年前,我都曾經會係香港yahoo拍賣網買嘢,但已經好耐冇試過拍賣,今次試下bid,最後俾我用1511yen bid到,大約港幣90左右,未計其他雜費運費等,但加埋我都覺得好值,同埋因為最近日元真係跌咗好多,日本網購都抵咗好多,喺冇得飛日本之前,都算可以頂下癮。


呢條圍巾仔係中古款,但有盒包裝,而且仲係全新,買咗佢真係好開心,我覺得好靚呀,不過仲未捨得用住,可能到天氣冇咁熱嘅時候就開嚟用啦。

有興趣可用我的推薦碼加入 yebe1UfKDE ,會有獎金

[ 本帖最後由 秋意橢圓小蒼蘭 於 2022-7-21 20:10 編輯 ]



[按此隱藏 Google 建議的相符內容]