阿妹大學畢業兩年, 上年年中搵到第一份長工, 當時佢對份工好有興趣又熱愛返工, 後來佢工作壓力大左返到屋企唔講野, 返工一定有壓力所以我無問佢返工返成點.
上個月阿媽同我講阿妹話有個course想進修所以想減少少家用, 阿媽擔心阿妹返工又返學好辛苦叫我關心下個妹.
以前同阿妹感情好好, 就連阿妹拍拖佢都係第一個話俾我知, 到衣家我問佢野佢無心機再答我, 問多兩句又覺得我煩.
噚日我放半日假早左返屋企, 打算去超市買完野再返屋企, 路過商場果陣見到阿妹行緊商場.
諗住佢都係早放, 走去拍佢問佢要唔要一齊買完野返屋企, 佢話唔好, 仲話唔可以話俾阿爸阿媽知我晏晝係商場見到佢.
佢逼不得已先話俾我知, 原來佢已經俾公司炒左三個月, 尼三個月佢每日都扮返工就係唔想阿爸阿媽擔心佢.
講講下阿妹忍唔住喊, 佢覺得自己好廢好無用, 成三個月時間搵唔到工唯有每日係商場等差唔多時間先返屋企.
唉, 做阿哥都唔知可以點幫佢, 見到佢衣家咁唔開心又無野幫到個妹既感覺真係好難受.
