• 瀏覽: 32,340
  • 回覆: 120
  • 追帖: 5
  • 分享: 3
平時都係做cd rom,但真係好想搵個地方呻下。。。同老婆結婚未到兩年,有個未夠一歲既bb,未結婚前都知道老婆有脾氣有控制慾,當時覺得無乜野,依家生左bb之後覺得佢脾氣真係大左好多。。。

生活事上有拗撬多到不能盡錄,而家我係俾佢罵到做咩都驚,係佢面前已經係唔想出聲,廢事講多錯多,講野大聲小小話我態度唔好,佢有張信用卡係我每個月負責還款,每次叫佢出左結單先俾條數我還,但上個月未出結單就俾左個現時結欠個數我還,到岩岩先知,搞到條數唔岩,遲還左,我有啲埋怨唉左佢幾下聲,佢就發哂脾氣亂掟屋企啲凳,我真係好嬲,我都有脾氣,但我都無爆發出嚟,最後我都低聲下氣同佢講對唔住,但佢都係指住我嚟罵。。。

之前已有兩次罵交罵到佢除低左介指走返娘家,有一次仲print左張離婚協議書出嚟叫我簽名,每次罵交都攞離婚掛喺咀邊,但為左bb,最後我都哄返佢,但老實講我對我老婆已經無左愛,為咗bb我盡力會忍落去,但真係唔知可以忍到幾時。。。



聽到樓主咁講都戥你辛苦...
老婆未生bb 之前係咪咁火爆?係咪全職媽媽?如果係,有冇其他人幫手湊bb...一個人湊bb的話會好大壓力,容易脾氣變差



引用:
原帖由 pezzodanovanta 於 2022-5-15 00:04 發表
平時都係做cd rom,但真係好想搵個地方呻下。。。同老婆結婚未到兩年,有個未夠一歲既bb,未結婚前都知道老婆有脾氣有控制慾,當時覺得無乜野,依家生左bb之後覺得佢脾氣真係大左好多。。。

生活事上有拗撬多到不能盡錄,而家我係俾佢罵到做咩都驚,係佢面前已經係唔想出聲,廢事講多錯多,講野大聲小小話我態度唔好,佢有張信用卡係我每個月負責還款,每次叫佢出左結單先俾條數我還,但上個月未出結單就俾左個現時結 ...
唔可以啞忍,你唔講出感受佢唔會知你諗咩。和平啲搵好時機誠懇啲講出嚟。



引用:
原帖由 pezzodanovanta 於 2022-5-15 00:04 發表
平時都係做cd rom,但真係好想搵個地方呻下。。。同老婆結婚未到兩年,有個未夠一歲既bb,未結婚前都知道老婆有脾氣有控制慾,當時覺得無乜野,依家生左bb之後覺得佢脾氣真係大左好多。。。

生活事上有拗撬多到不能盡錄,而家我係俾佢罵到做咩都驚,係佢面前已經係唔想出聲,廢事講多錯多,講野大聲小小話我態度唔好,佢有張信用卡係我每個月負責還款,每次叫佢出左結單先俾條數我還,但上個月未出結單就俾左個現時結 ...
忍唔到解決唔到就分開!唔好話為咗個小朋友!勉強無幸福遲早都會離



[隱藏]
引用:
原帖由 慕蓉丫頭 於 2022-5-15 00:54 發表
聽到樓主咁講都戥你辛苦...
老婆未生bb 之前係咪咁火爆?係咪全職媽媽?如果係,有冇其他人幫手湊bb...一個人湊bb的話會好大壓力,容易脾氣變差
我同佢都返工,bb有佢屋企人湊住



引用:
原帖由 呢個奔放的樓盤 於 2022-5-15 01:15 發表

唔可以啞忍,你唔講出感受佢唔會知你諗咩。和平啲搵好時機誠懇啲講出嚟。
有講過,但佢都係覺得佢有自己道理,同埋會攞簽紙離婚嚟大我,但我仲係糾結喺bb到,如果無生到我諗都洗諗啦⋯⋯



引用:
原帖由 pezzodanovanta 於 2022-5-15 01:43 發表

有講過,但佢都係覺得佢有自己道理,同埋會攞簽紙離婚嚟大我,但我仲係糾結喺bb到,如果無生到我諗都洗諗啦⋯⋯
世上大把單親家庭



我老婆好緊張bb,有佢照顧我都好放心,但始終都係想俾個圓滿啲既家庭bb


同路人啊,前妻脾氣暴躁唔止掉爛野直頭毆打我,後尾嘈多幾次走埋返外家話離婚,原來出面識左第二個,好行唔送


[隱藏]
引用:
原帖由 jan2115 於 2022-5-15 01:51 發表
同路人啊,前妻脾氣暴躁唔止掉爛野直頭毆打我,後尾嘈多幾次走埋返外家話離婚,原來出面識左第二個,好行唔送
而家我係就算佢俾線帽我我都無所謂⋯⋯但佢應該無既



其實好少事,只要你覺得無咩野咁大不了,就突然變成無事


引用:
原帖由 pezzodanovanta 於 2022-5-15 00:04 發表
平時都係做cd rom,但真係好想搵個地方呻下。。。同老婆結婚未到兩年,有個未夠一歲既bb,未結婚前都知道老婆有脾氣有控制慾,當時覺得無乜野,依家生左bb之後覺得佢脾氣真係大左好多。。。

生活事上有拗撬多到不能盡錄,而家我係俾佢罵到做咩都驚,係佢面前已經係唔想出聲,廢事講多錯多,講野大聲小小話我態度唔好,佢有張信用卡係我每個月負責還款,每次叫佢出左結單先俾條數我還,但上個月未出結單就俾左個現時結 ...
放心,應該忍唔到幾耐,好快得到解脫



長痛不如短痛,離婚一樣可以做好老豆,人要有行動,一個星期見個寶寶兩日,做足好老豆本份。


我覺得現階段唔好咁急諗離唔離婚住,反正你又唔係即刻搵到個好情人,等bb大小小或者情況會有改善。


BB細個時我同老公都好多交嗌,不過當然我冇你老婆咁野蠻,我哋就算有嗌交但整體都係有商有量。到我仔女依家上晒小學,運作都好順暢,冇咩交好嗌。


依家bb仲細,你俾d耐性,睇吓bb大d會唔會有改善,可能佢又要返工夜晚又要湊仔太大壓力。同埋你老婆咁掘,你硬鬥硬咪仲衰,俾d耐性對佢。



[隱藏]
想俾bb完整家庭就要老婆收吓脾氣...發火有道理都要控制情緒,直接要求佢控制自己,佢都要知自己咁鬧你係唔啱,有嘢要講,平和啲,bb識聽,會有樣學樣,第日點學品德都無用,父母要身教。(1歲幾就n 班面試喇,好快要面對,學佢大聲鬧老師就.....唉)佢咁大個人要反省自己!
樓主要有更強嘅EQ & 包容。加油!



鍵盤翻頁
左右
[按此隱藏 Google 建議的相符內容]