• 瀏覽: 2,351
  • 回覆: 9
新手入討論區,醫美就吾算好新手,當然又未到老手,因為一直都係孤身上路,身邊冇朋友鍾意打針/做高階機.一直都係上討論區聽下睇下人介紹.

大約7年前(30+歲)開始打針同做hifu機, 所有嘢都係冇乜特別,亦都話冇乜失敗經歷.

唯獨有一部機,我覺得值得分享,甚至冇到第時如果仔女都有需要,都會同佢哋去做.就係miradry.

我大約三年前做左. 嗰陣時好似萬三左右.我因為生完小朋友之後,我覺得啲汗臭咗,同埋大汗咗.(其實我唔知係咪自己感覺定係真係體味變咗,但係我老公話佢唔覺,我仔女就直頭話媽咪味好香😳

諗返轉頭都覺得自己好勇,其實完全冇做任何research, 因為我不嬲喺同一間做開laser/hifu,有一次consultant同我傾開大汗既問題,佢介紹miradry,就答應左.

做嘅時候首先胳肋底打左幾支麻醉針,我諗打針已經係最痛.之後佢就拎部機好似平時脫毛咁辣下辣下,應該係打咗麻醉,其實個感覺真係脫毛咁.唔可以話完全冇感覺,但係感覺係可以接受.
不過醫生就有講其實而家就好似入緊微波爐,叮熟d毛孔甘上下.

個過程就係咁簡單.
不過夜晚返到屋企就係重頭戲,慢慢開始感覺到胳肋底有灼熱嘅感覺,同埋個感覺似係腫咗脹咗(但係睇落去又唔係真係好腫)

嗰個腫脹嘅感覺真係似夾住個網球響2邊格肋底,我就不停左右夾冰袋,頭一晚真係瞓唔到.

之後大概嗰兩三日都係一個網球形暖包夾住響胳肋底嘅感覺, 24小時都係嗰種感覺, 頭嗰兩三日真係不停冰袋溶咗就要換,去cooldown返果個好奇怪既感覺.總之就覺得夾唔實胳肋底,但係外人睇落去係正常.

之後第四五六day都有感覺,不過已經唔係網球同heatpad feel, 又可能已經係習慣咗.

呢幾年嘅冬天我完全唔使搽止汗劑(以前都要㗎),夏天我只要搽下冇味嘅止汗水晶, 都好夠.

我想分享既係其實唔係完全冇出汗,但起碼出咗汗唔會有人知,一來因為冇臭味,二來係少左好多.



miradry.其實係咪真係永久
我打開針個到都有得做,但一直冇時間去做



引用:
原帖由 Norayu 於 2022-4-12 07:01 發表
miradry.其實係咪真係永久
我打開針個到都有得做,但一直冇時間去做
睇下你永久嘅定義係乜,我做咗三年,的確冇咗以前嗰啲臭汗味,但係今年開始發覺開始有流返汗,不過係10%-20% of之前既流量.暫時嚟講我覺得接受



引用:
原帖由 曾經年輕的mm 於 2022-4-12 23:03 發表

睇下你永久嘅定義係乜,我做咗三年,的確冇咗以前嗰啲臭汗味,但係今年開始發覺開始有流返汗,不過係10%-20% of之前既流量.暫時嚟講我覺得接受
流量少左,係咪冇咁臭呢



[隱藏]
引用:
原帖由 曾經年輕的mm 於 2022-4-11 13:14 發表
新手入討論區,醫美就吾算好新手,當然又未到老手,因為一直都係孤身上路,身邊冇朋友鍾意打針/做高階機.一直都係上討論區聽下睇下人介紹.

大約7年前(30+歲)開始打針同做hifu機, 所有嘢都係冇乜特別,亦都話冇乜失敗經歷.

唯獨有一部機,我覺得值得分享,甚至冇到第時如果仔女都有需要,都會同佢哋去做.就係miradry.

我大約三年前做左. 嗰陣時好似萬三左右.我因為生完小朋友之後,我覺得啲汗 ...
不知你真定廣告,我覺得完全無效。我做了三次(連續三年)今年來到做後第四年,已經完全失效,跟以前一樣。浪費錢。



引用:
原帖由 Norayu 於 2022-4-12 07:01 發表
miradry.其實係咪真係永久
我打開針個到都有得做,但一直冇時間去做
不是永久,而且很貴。個人覺得完全不值。還是查止汗吧。



引用:
原帖由 麥斯特羅 於 2022-4-13 09:03 發表

不知你真定廣告,我覺得完全無效。我做了三次(連續三年)今年來到做後第四年,已經完全失效,跟以前一樣。浪費錢。
唔係打手囉好冇?我都係想出下post升級啫~

其實好多原因令到一啲療程有冇效,我諗醫生手勢/用嗰陣時嘅度數&體質都係一個問題.

正如個個都話hifu/ thermage 好正.
我前前後後做咗五次六次, 次次兩三萬,真係揼錢落鹹水海.我唔覺得有好大分別.

咁唔通全部人都係打手咩?



引用:
原帖由 koeyhoohbabthhh 於 2022-4-13 06:50 發表

流量少左,係咪冇咁臭呢
我覺得係冇咁臭.因為我生完小朋友之後我覺得自己有啲奶汗臭味,(我唔係好識形容,總之生完仔之後變咗有體味,以前我做女嗰陣時係冇體味嘅)

第1年(我2019做)可以直頭用乾爽嚟形容,第二/第三年開始出返汗,不過冇味
今年就快第四年, 呢兩個星期開始熱,好明顯比之前係胳肋底有出汗, 旁人係聞唔到有味,但係用隻手尿落胳肋底再自己聞就會聞到有味, 但係嗰隻就唔係我以前嗰啲奶汗臭味, 係做女嗰陣時既汗味.

所以我呢兩個星期都有搽番冇味嘅水晶止汗石.

對我嚟講,我暫時都係覺得好滿足.
因為嗰種奶汗臭味係隔離嘅人都聞到, 啲衫都會胳肋底有味,洗完都會有味.

當然我唔敢肯定嗰個永久程度去到邊, 因為我都只係做咗幾年.
我睇其他人分享佢哋話汗腺會死唔曬會復原, 咁我相信個情況就似我而家經歷緊甘.

但係對我嚟講我暫時仲係一個可以接受到嘅範圍以內.



提示: 作者被禁止或刪除 內容自動屏蔽
[隱藏]
引用:
原帖由 平淡波兒 於 2022-4-14 08:36 發表

正常唔會做3次
最多只需要做2次
同埋好睇你部機係唔係開最高能量
我聽醫生講,好多醫美唔較最高能量,因為想D客做2次
本人是在醫生診所做的,做了三次依舊沒能徹底解決問題,失去信心了。



[按此隱藏 Google 建議的相符內容]