• 瀏覽: 16,008
  • 回覆: 92
  • 追帖: 2
  • 分享: 5
引用:
原帖由 過去沉靜的燒賣 於 2022-4-6 12:07 發表

你講得啱
我應該係開頭開得唔好 有少少寵慣佢 姑息咗個問題
時至今日 如果我突然之間轉變 相信要有豁出去嘅心態 大家隨時爆煲 要離婚
豁出去冇咩唔好?佢可能唔知你原來咁唔開心,你之後爆煲,話要離婚咪仲大獲?
簡單d,詳細講返你的感覺,再俾這條post佢睇,三十出頭無仔女,是時候要決擇了!



愛她就包容她所有的缺點。


寫咁多...
婚姻那有斤斤計較, 證明都係唔夠愛



引用:
原帖由 chokyoung 於 2022-4-7 02:38 發表

佢唔識煮飯懶做家務,未結婚前都唔知?點都有講吓傾吓呢啲問題㗎。
以前佢話肯學肯做
拍拖時已經口口聲聲應承咗 大家會分工合作 做家務
佢話佢會練煮飯 唔係我一個煮晒



[隱藏]
引用:
原帖由 kilogram 於 2022-4-7 02:52 發表

結婚嘅時候應該冇人想離婚嘅 如果你忍受得到佢永遠都係咁 而你永遠都要忍 咁就可以唔洗行到離婚依一步 但你就好難好開心 如果你比較放得低又睇得開嘅 u should be alright 
我都諗過改變自己心態就算
我兄弟都叫我放開啲 唔好搞咁多嘢 好多時一場婚姻 一世人好快就過去



引用:
原帖由 chokyoung 於 2022-4-7 02:31 發表

咁多缺點你鍾意佢?
講多少少
同佢一齊拍拖都有八年時間
其實佢有少少算係逼婚 想要個名份
我由始至終心態就係 兩個人一齊開心輕鬆自在就可以 唔係好信一紙婚約 而佢都知道我唔係太熱衷於結婚呢件事
加上我地兩個都唔想要小朋友

至於你問我鍾意佢啲咩
可能美貌 同埋佢一顆愛心 同埋佢好樂觀正面 另外同佢興趣上 飲飲食食同旅行方面都幾夾 所以先一齊拍拖咗咁長時間



引用:
原帖由 chokyoung 於 2022-4-7 02:41 發表

你人工好高?
都係三幾萬 唔算高
不過我哋住村屋租金平 而且係親戚租俾我

[ 本帖最後由 過去沉靜的燒賣 於 2022-4-7 14:01 編輯 ]



引用:
原帖由 過去沉靜的燒賣 於 2022-4-7 13:52 發表

我都諗過改變自己心態就算
我兄弟都叫我放開啲 唔好搞咁多嘢 好多時一場婚姻 一世人好快就過去
希望你真係可以改變到心態 可能我個人stubborn 對我而言我真係好難改 所以婚姻生活會覺得唔幸福咁時間就好難過 不如你開心見誠同另一半傾下 唔係一下子要改變佢 而係希望兩個人一齊為個屋企進一步 如果見到佢真係唔願意改變或者願意為個家付出多啲 你先再打算啦



引用:
原帖由 過去沉靜的燒賣 於 2022-4-7 13:52 發表

我都諗過改變自己心態就算
我兄弟都叫我放開啲 唔好搞咁多嘢 好多時一場婚姻 一世人好快就過去
每人都只有一條命!
如果你係覺得同佢結左婚仲唔開心過自己一個人,咁點解唔離婚?
生命係自己的,唔好做D會令自己老左後悔的事!



[隱藏]
引用:
原帖由 一頁捉馬桶 於 2022-4-7 09:24 發表
愛她就包容她所有的缺點。
如果個缺點係會日日帶唔同男人返屋企上床咁係唔係都要包容?



其實你自己都知道揀錯人,但又唔想甘快放棄,
你後面回覆話佢應承左又唔兌現,其實你要拎出黎同佢傾正視問題。


如果佢都係堅持自己冇問題既,甘睇你自己改唔改到心態啦,
你又覺得佢樣正興趣夾,係生活唔夾,
你睇返你自己結婚係為左乜,如果係為左一齊生活唔係淨係一齊玩既,
斷捨離,佢急要名份你又唔急,老實講真係要離婚你又唔理虧。
你30幾歲仔未有小朋友搵果個有幾難,
你老婆要搵果個又要就到佢就難,30幾歲女。

不過多數都係尼D囡先結到婚,性格好既多數都係俾仔玩完趙完鬆,
忍到就忍下啦,香港D男仔就係鐘意尼類,唔好話搵唔到好既娶,
係你地鐘意揀公主。



女人懶真係難搞,估計做女時自細家庭養成,如果唔做家務,佢有出去做嘢,有條件可以請工人,最驚大手大腳,洗腳唔抹腳!

1.05 wSy:/ 終有一天你會和自己和解,咽下所有脾氣,磨平一身稜角,笑着面對曾經討厭的人和事,變成一個不動聲色的人!%音樂 %翻唱 %傷感音樂 %經典老歌 %多年以後 %姜育恒

https://v.douyin.com/NsVm6Wq




樓主都同我相約, 太太都係一樣咁懶... 我同居結婚時都FEEL 到D 問題, 但一結完婚就好快已經有小朋友, 所以無正視問題..
那時諗大家一齊都有返工, 未一齊努力.. 做多少少都無乜所謂, 就算數喇.. 自己頂埋就算...

到左生左第二個小朋友,太太話想唔做野陪小朋友, 咁都無所謂, 仲請埋工人..
咁諗住有個工人同埋全職媽咪實無問題, 咁未少左理屋企D 野, 反而比太太話唔親子, 所以咩都係佢地講晒...

所以絕對唔可以容忍, 問題係要解決...



好小事,請個工人就攪掂。
最緊要大家仲有愛。家是自己的,試想想無伴侶,無家人,無請工人,自己住。家務誰去做?女人要名牌,係佢生活圈子問題。要睇你可否扭轉到她的興趣。行房就個個唔同,想多點花臣,去下stacation 試下會否好d



[隱藏]
我覺得婚前要先同居試下先,你地試下傾下,如果都係夾唔到趁未有小朋友分開啦,成世流流長點過


[按此隱藏 Google 建議的相符內容]