• 瀏覽: 12,047
  • 回覆: 31
  • 追帖: 1
係11月29日係診所驗孕,確定懷孕6周,之後醫生寫信,自己上網預約廣華醫院1月12日做第一次產檢,入到去驗咗1,2分鐘,姑娘都話照唔到個胎兒,之後另一位姑娘照,依然照唔到胎盤內有BB,個心已經好驚好亂,當日原本已經約咗私家做T21,但姑娘建議唔好去,因為係醫院照唔到,你去私家診所一樣照唔到,之後再幫我預約一星期後(1月18日)再由醫生幫我照,返到屋企後上網睇咗好多呢類情況,叫做空胎囊,即係胎囊裡面係空嘅。
去到1月17日突然經痛,又驚又痛嘅情況下即時入急症室,等個半小時已經到我照,係急症室由一位姑娘及一位醫生同樣照到係空胎,即時安排入院留醫一晚作詳細檢查,當晚再由2位醫生各檢查一次,結果都係一樣。
到第2日出院嘅時候,醫生俾左六粒藥返去自行流產,另外俾左三排止痛藥。
返到屋企就即刻食咗頭3粒藥,一個鐘頭後就流左超級多血,簡直可以用血崩黎形容,而且非常痛,加上發冷,作嘔,痛楚維持左六個鐘。
到第2日二埋後3粒藥,半個鐘內開始肚柯,發冷,過多一陣就滑左個胎盤出嚟,之後經痛咗6個鐘,經血開始減少,而經痛維持兩日後,開始減少,宜家睇中醫調理身體,月尾返廣華再作檢查。



後續如何,好想知


引用:
原帖由 被提無咁早 於 2022-2-2 12:40 AM 發表
後續如何,好想知
覆診後,照完發覺子宮裡面重有組織,要再食多一次流產藥,食完之後再等多14日再覆診

[ 本帖最後由 PINKY2013 於 2022-2-2 05:30 PM 編輯 ]



我7週3,今早剛檢查發現個胎冇長大屬於自然流產,醫生話我冇出血、作小產跡象,冇比藥,只等佢自然排出,傍晚時就開始出血,好似月經咁,但家人朋友話會有一大舊組織排出,而家心情戰戰兢兢,唔知會點排,同出血量會點,所以而家瞓唔著。下午眼淚已流乾,只可眼光光等待😢😢


[隱藏]
引用:
原帖由 karenjp 於 2022-2-3 03:28 AM 發表
我7週3,今早剛檢查發現個胎冇長大屬於自然流產,醫生話我冇出血、作小產跡象,冇比藥,只等佢自然排出,傍晚時就開始出血,好似月經咁,但家人朋友話會有一大舊組織排出,而家心情戰戰兢兢,唔知會點排,同出血量會點,所以而家瞓唔著。下午眼淚已流乾,只可眼光光等待😢😢
係會有好多組織流出黎,大大細細,我連胎囊都有排出再加上食完藥頭幾個鐘係非常好血。
不過你唔洗太擔心,因為你係自然排出,可能成個星期先會清哂,
你都保重身體,呢個時候一定唔好冷親,休息多D先會快D康復。



引用:
原帖由 PINKY2013 於 2022-2-3 09:31 AM 發表

係會有好多組織流出黎,大大細細,我連胎囊都有排出再加上食完藥頭幾個鐘係非常好血。
不過你唔洗太擔心,因為你係自然排出,可能成個星期先會清哂,
你都保重身體,呢個時候一定唔好冷親,休息多D先會快D康復。
多謝回覆
啲血係時多時少咁?我好似流下停下咁,醫生只叫我返屋企等,下星期覆診,所以好迷惘😵💫



自然港產就係咁,睇開點
不過而家係重要時刻,因為最容易入風,所以最緊要保護,如果可以應該用老薑沖涼,食物方面就好似坐月咁嘅食療,完事後睇睇中醫幫手調理,咁個人先好,先容易再懷孕,對女人嚟講,小產重傷過生仔,所以一定要注意,加油!



引用:
原帖由 PINKY2013 於 2022-2-2 05:28 PM 發表

覆診後,照完發覺子宮裡面重有組織,要再食多一次流產藥,食完之後再等多14日再覆診
我去年6月都係咁樣,自然流出嚟然後返醫院覆診,佢話我未清再開藥比我食清佢出嚟,但藥流藥我食咗一次好唔舒服,我選擇等佢自然慢慢流清,因為醫生話有啲病人會自行慢慢流乾淨,後尾第二次覆診好彩我ok,但都係小產後成3星期先開始睇吓中醫咋!



引用:
原帖由 karenjp 於 2022-2-3 03:28 AM 發表
我7週3,今早剛檢查發現個胎冇長大屬於自然流產,醫生話我冇出血、作小產跡象,冇比藥,只等佢自然排出,傍晚時就開始出血,好似月經咁,但家人朋友話會有一大舊組織排出,而家心情戰戰兢兢,唔知會點排,同出血量會點,所以而家瞓唔著。下午眼淚已流乾,只可眼光光等待😢😢
我同你差不多情況,我第一次去私家診所產檢睇到哂個胎囊,話唔係空心胎,只係Size比我真實週數細,不過我經期超唔準,醫生話等多10日再返嚟睇吓,點知我產檢幾日後在屋企就開始流啡慢慢變鮮色,但陀咗個幾月都無特別唔舒服過架,後尾成個胎囊好似排咗出嚟,我喊住裝咗去醫院比醫生,然後留咗兩晚醫就出院,小月都一直坐唔好,係咁喊喊喊,又失眠,情緒一直唔好,但無辦法,日子都要過,靠老公陪住,我嗰時係夏天,第一次咩都唔識,而家條腰都會隱隱痛,你要瞓床灘多啲,食返啲有營養嘢,我嗰時無胃口有時一日一餐咋,身體係自己,要好好保重,加油呀



[隱藏]
引用:
原帖由 KW1812 於 2022-2-8 09:19 PM 發表

我同你差不多情況,我第一次去私家診所產檢睇到哂個胎囊,話唔係空心胎,只係Size比我真實週數細,不過我經期超唔準,醫生話等多10日再返嚟睇吓,點知我產檢幾日後在屋企就開始流啡慢慢變鮮色,但陀咗個幾月都無特別唔舒服過架,後尾成個胎囊好似排咗出嚟,我喊住裝咗去醫院比醫生,然後留咗兩晚醫就出院,小月都一直坐唔好,係咁喊喊喊,又失眠,情緒一直唔好,但無辦法,日子都要過,靠老公陪住,我嗰時係夏天,第一次咩 ...
我坐咗3日小月,就去睇咗半個月中醫,之後去覆診又話未清哂,宜家等下星期再覆診。
頭半個月真係日喊夜喊,宜家心情總算平.伏。
多謝你關心。。。。



引用:
原帖由 PINKY2013 於 2022-2-8 11:49 PM 發表

我坐咗3日小月,就去睇咗半個月中醫,之後去覆診又話未清哂,宜家等下星期再覆診。
頭半個月真係日喊夜喊,宜家心情總算平.伏。
多謝你關心。。。。
醫院啲姨姨好好,教我清哂組織先可以補,心情好重要,要等日子慢慢過,有時我都會諗,如果陀到,BB係剛剛上月尾出世,到而家過咗大半年仲會好掛住,未試過可能唔可以體會到呢種心情!總之你加油喇,無胃口都要好好定時食飯,無湯水都飲吓炒米茶,頭兩星期多啲瞓床,我知心情好難控制,只係作為過來人為你打吓氣



你地生小朋友前 未受精前半年前已經要做好準備。按一按啲穴位,如果痛,體質 脾虛~先化濕。最好做運動~唔好穿著咁多緊身褲。介口,冷凍飲品不要飲。

你哋今年幾多歲?3字女人血液循環好低,好易小產。因為啲血輸俾bb同血液循環有關,
營養俾唔到bb,好難健康。~台灣研究 因為有位媽媽 小產左3次 第4次去台灣揾原因。終於成功了

田田4x子宮年齡同2x無分別。

養好身體要生幾時都得。



生小朋友真係唔易,養好身子好緊要


引用:
原帖由 KW1812 於 2022-2-9 12:05 AM 發表

醫院啲姨姨好好,教我清哂組織先可以補,心情好重要,要等日子慢慢過,有時我都會諗,如果陀到,BB係剛剛上月尾出世,到而家過咗大半年仲會好掛住,未試過可能唔可以體會到呢種心情!總之你加油喇,無胃口都要好好定時食飯,無湯水都飲吓炒米茶,頭兩星期多啲瞓床,我知心情好難控制,只係作為過來人為你打吓氣
想問一下,你有冇繼續嘗試懷孕?



[隱藏]
引用:
原帖由 無債一身輕 於 2022-2-9 11:21 AM 發表
你地生小朋友前 未受精前半年前已經要做好準備。按一按啲穴位,如果痛,體質 脾虛~先化濕。最好做運動~唔好穿著咁多緊身褲。介口,冷凍飲品不要飲。

你哋今年幾多歲?3字女人血液循環好低,好易小產。因為啲血輸俾bb同血液循環有關,
營養俾唔到bb,好難健康。~台灣研究 因為有位媽媽 小產左3次 第4次去台灣揾原因。終於成功了

田田4x子宮年齡同2x無分別。

養好身體要生幾時都得。
我下年就40啦,
近兩,三年戒咗酒同埋凍飲有做運動
一星期最少3日,打拳,瑜伽,重訓,跑步,行山,樣樣都有
😔應該係年紀大,加上平時著太少布,長期冷親個子宮



鍵盤翻頁
左右
[按此隱藏 Google 建議的相符內容]