• 瀏覽: 1,237
  • 回覆: 2
我同老公其實已經試咗兩年幾
由廿幾歲開始試

但醫生話由於生理問題 
我哋好難自然有小朋友
所以IVF都試過兩次但都未成功


我呀媽每次食飯都提想抱孫
起碼每餐飯提兩三次
見唔到面都會send message同我講
仲要話咩嚟緊退休
諗住全副心機去抱呢個唔存在嘅孫
每次都好似係我哋兩個嘅傷口道撒鹽咁


試過casual 又試過認真咁同佢講
唔好再提呢個話題
話佢一兩句佢又搬佢有抑鬱症嘅原因出嚟
話咩全世界都唔錫佢 唔理佢
話咩自己快啲死咗佢算


近日因為有個親戚差唔多年紀啱啱有咗
佢嘅妄想症更加極速惡化
我偶爾唔飲啤酒 唔食雪糕 就問我係咪有咗
我肥咗少少又問係咪有咗
我同呀妹講秘密又問係咪有咗
就嚟放篤屁都比佢問
個樣仲要好似我真係已經有咗開心到死咁
我見到佢嘅表情係嗰種狂喜嘅眼神
好得人驚呀


大佬我乜都無講 亦無暗示
你知唔知有小朋友係我哋兩個嘅事
仲要係好大責任 唔係淨係比你玩架
何況我哋都好想有 但係個天唔比呀嘛
可能你後生嘅時候求求其其就成功有咗我
但係唔係個個人都好似你咁嫁


我已經又自己打針又食西藥又食中藥
但係老公唔想我將IVF呢件事話比人聽
呀媽又冇得換嘅
嚟緊做第三次ivf啦
唯有係道申下啦。。。



乜生仔真係咁緊要咩?


提示: 作者被禁止或刪除 內容自動屏蔽
[按此隱藏 Google 建議的相符內容]