• 瀏覽: 15,545
  • 回覆: 242
  • 追帖: 3
本主題由 nc99999 於 2021-12-9 10:17 AM 移動
[隱藏]
估唔到會有一個識左十幾年嘅死黨咁樣問我意見,連我都唔識答,識佢咁多年我一直以為佢係獨身主義,所以放上嚟俾大家品評下

唔好諗住佢係高富帥,現實係殘酷嘅,唔知係咪聰明嘅人後天嘅命運都係過得唔好或者平平無奇
首先介紹下佢背景,三十歲中左右,實際我唔清楚,無不良嗜好,從來未拍過拖,個樣幾普通但不致於好樣衰個種,有少少肚脯咁,我勸過佢做下gym應該修得到

而家都祇係某大公司做個文職人員仔,收入不算高,但夠自己食啦,唔借唔呃,有幾萬蚊存款,有一間唔知係咪阿爺留落比佢嘅屋,都係私樓嚟嘅,而家係出面租緊屋住

同佢做朋友都幾好有情有義嘅,有時都幾細心下

佢話細過check過iq測試大概120左右或以上,算係比其他人聰明個種,但係佢後來嘅學歷都好勉強,雖然佢好勤力讀書,但總係讀不好,以前唔知道後來大個明白,係普通教學模式佢係好難吸收到,結果成績就差強人意咁

佢諗野嘅思維模式的確比我好深嘅印象,所以我承認佢係醒目仔嚟,人地去思考判斷一件事,正常係A-B-C-D-E咁,佢就A-B-C之後已經諗到F,仲要快而準,如果唔係識佢十幾年有左信任,係未必可以理解到佢,就好容易覺得佢怪怪地,其實佢係比人諗得更多更遠而且好深入,一般人唔會好似佢咁顧慮咁多

佢性格都幾固執,導致佢十幾年工作都無乜點進步過或者轉過環境,不過而家已經好左好多,後生個陣啱啱出嚟做野,太有原則唔識圓滑,雖然好勤奮認真但處處一板一眼,佢對同事朋友好好,但總有D人係天生唔中意佢,對佢有偏見嘅,好多時俾人陰佢好多獲,當時後生嘛,逼得太辛苦咪辭工轉公司,一直都係咁屢敗屢戰,佢話初初覺得一定係自己做得唔夠好,唔好賴人,所以佢每轉一次工都檢討自己,希望下次做得更好,每次都係咁,漸漸年紀大左,睇嘅野,做人處事都更加成熟左,但就係發覺有D人係天生對人有偏見係無論用幾多誠意,幾圓滑,幾示好嘅手段,個D人都係會排擠佢,佢唔走就會使橫手甚至做到出面整走佢,因此佢來來回回轉工都唔知幾多次,但佢就係好執著唔甘心,唔願意轉行嘅人,佢一味要係邊度跌又係邊度爬起身,如是這到今天佢嘅仕途都無咩進步,直到最近幾年佢先話想轉行,因為年紀越嚟越大,佢睇到透晒,唔想再繼續落去,要係新嘅環境作新嘅嘗試,佢個人就係咁,聰明,執著,都上進嘅,但往往事與願違,我覺得如果係感情上佢應該都係專一而且執著嘅人嚟,都可以話係好事

佢EQ幾高下,人地工作不順會發脾氣,掟野,感情不順會喊,會發癲,遇到別人挑釁會忍唔住想打人,而佢永遠都係好冷靜好理性咁處理自己嘅情緒,從來無見過佢發爛渣,雖然試過有朋友出賣佢好HURT,佢幾壓抑都唔會爆發,祇係默默係心裡面痛苦難過個種,佢唔中意死纏爛打,我覺得佢內心幾柔軟嘅人嚟,受傷係會好重嘅,但佢會選擇獨自療傷,不過要好耐先會好,因為佢執著嘅性格

佢無拍過拖,佢自稱無中意過人,以前同佢共事個陣觀察,佢對女同事都好細心,溫柔嘅,好為人設想同願意幫人,但係佢話有D自卑同埋不易被理解,所以無諗過同異性投入一段感情,所以從來無拍拖,有問過佢,試過幫佢做媒人,但就係撻唔著無下文

佢有個有情緒病同控制欲強嘅母親,以前同屋企人同住時,成日活係阿媽嘅陰影下,一舉一動行步路都比阿媽注意,挑剔,同強逼佢依照阿媽嘅指示即刻跟住做,佢唔中意做裙腳仔,直情係壓惡阿媽強逼佢控制佢,但因為同住已經成為習慣,好多年都唔知道咁樣係唔健康嘅,直到早幾年佢意識到唔可以再咁落去,就自己搬左出嚟租屋住,擺脫阿媽嘅陰影自己獨自生活


因為年紀越嚟越大,眼見所有同年紀同輩嘅人唔係結晒婚有D仔都十歲,自己都仲係一個人,所以佢都好希望有個伴有個家,同自己一齊走落去,佢想有個了解佢想法嘅SOULMATE可以同佢一齊交流,互相提升,可以有個佢愛嘅而且又愛佢嘅人,可以同佢相伴到老,互相依靠,享受愛情嘅幸福同快樂,佢話想有一個人可以比佢傾注全部嘅感情,同埋責任,唔想再孤零零一個人,就算佢有幾多朋友都好,個D都係過客,當年齡同家庭進入到人生另一階段,就會同佢漸行漸遠

早排佢同我傾過呢D野剖白左佢自己,就問我係咪佢咁嘅條件就註定唔會有愛情,年紀越嚟越大,餘生係咪就會孤獨咁過

佢講晒呢大堆野,我真係唔識答佢,一來因為未分析過呢種CASE,二來以我男人嘅視覺去睇佢都唔樂觀,有D唔忍心答佢

所以擺上嚟幫佢問下,佢係咪註定一世都唔會有姻緣?



你係咪朝朝都係公園睇D阿伯捉棋?


引用:
原帖由 印度凸警 於 2021-12-8 09:44 PM 發表
你係咪朝朝都係公園睇D阿伯捉棋?
我朝朝都返工,無留意公園有無阿伯,係我個死黨同我呻兩句姐,我都唔知點答佢



嘩,你為朋友寫了仟幾二仟字。佢咁遲才意識去搵女友,差不多年紀的女仔都已結婚或有固定男友,機會當然少,簡單講就緣分未到啫。


[隱藏]
 
引用:
原帖由 BlackLotus 於 2021-12-8 10:30 PM 發表
嘩,你為朋友寫了仟幾二仟字。佢咁遲才意識去搵女友,差不多年紀的女仔都已結婚或有固定男友,機會當然少,簡單講就緣分未到啫。
識左15年,都幾鄧佢擔心,以前撩佢識女仔都無乜興趣,上禮拜唔知做乜一次同我呻晒出嚟,都唔知點答佢

[ 本帖最後由 mikemak2 於 2021-12-8 10:59 PM 編輯 ]



引用:
原帖由 mikemak2 於 2021-12-8 09:37 PM 發表
估唔到會有一個識左十幾年嘅死黨咁樣問我意見,連我都唔識答,識佢咁多年我一直以為佢係獨身主義,所以放上嚟俾大家品評下

唔好諗住佢係高富帥,現實係殘酷嘅,唔知係咪聰明嘅人後天嘅命運都係過得唔好或者平平無奇
首先介紹下佢背景,三十歲中左右,實際我唔清楚,無不良嗜好,從來未拍過拖,個樣幾普通但不致於好樣衰個種,有少少肚脯咁,我勸過佢做下gym應該修得到

而家都祇係某大公司做個文職人員仔,收入 ...
佢有獨特想法,再加上執着,咁咪就係會難相處!
佢嘅表現唔完全係EQ高,祇係忍得,EQ高係不被情緒影響下冷靜處理。
先學懂和別人相處及如何表達自己才重要!



引用:
原帖由 mikemak2 於 2021-12-8 09:37 PM 發表
估唔到會有一個識左十幾年嘅死黨咁樣問我意見,連我都唔識答,識佢咁多年我一直以為佢係獨身主義,所以放上嚟俾大家品評下

唔好諗住佢係高富帥,現實係殘酷嘅,唔知係咪聰明嘅人後天嘅命運都係過得唔好或者平平無奇
首先介紹下佢背景,三十歲中左右,實際我唔清楚,無不良嗜好,從來未拍過拖,個樣幾普通但不致於好樣衰個種,有少少肚脯咁,我勸過佢做下gym應該修得到

而家都祇係某大公司做個文職人員仔,收入 ...
咁都叫智商高...



提示: 作者被禁止或刪除 內容自動屏蔽
脫唔到單何來高智商?咁矛盾都唔知比較似高智障


[隱藏]
 
就咁睇,你朋友點算高智商?


引用:
原帖由 pancakeman 於 2021-12-8 10:53 PM 發表

佢有獨特想法,再加上執着,咁咪就係會難相處!
佢嘅表現唔完全係EQ高,祇係忍得,EQ高係不被情緒影響下冷靜處理。
先學懂和別人相處及如何表達自己才重要!
咁佢又唔會強逼人地接受佢諗法嘅,佢都會聽日意見,祇係有時佢諗d野或者安排d野會比人諗多一重,或者周全過人地少少

我諗佢係忍得掛,總之就係佢唔會做一d無意義嘅情緒宣洩,我係佢fd都從來無見過佢爆

佢同人相處唔差嘅。起碼我都識佢15年,不過就比較慢熱,工作環境嘅問題我看在眼裡唔係佢唔識同人埋堆或者合作,相反佢仲比好多心機落去經營,祇可惜「人心肉造」呢樣野職場上唔係萬試萬靈,你做得更多更好,有d人祇會惱羞成怒因為你咁都唔走,咪撕破臉明搞你囉,我地以前有上司都好睇佢嘅,不過唔係大肚辭職,就退休唔做,所以佢唔算難相處嘅人,祇係比較慢熱

佢有d自信心不足,可能就係咁表達自己方面硬係差少少,不過又未致於唔敢講野,頭dup dup成隻鵪鶉咁,佢都幾主動同人地交流嘅

我都會再提點下佢架啦



駛唔駛打咁多字,男人老狗咁L長氣婆媽,正係知你唔會有女鐘意


120唔算高,只係正常
而佢嘅人生,只係受其原生家庭影嚮,走不出那範圍
而且以佢條件,竟然仲講soulmate,對不起,笑了,點解咁幼維?(3x歲還這樣,以後也很難掌握超出原生家庭嘅見解及技能)
以佢呢個情況,如果鐵了心要結婚,就應明白係談條件高於一切,係搵合夥生活嘅人,唔係搵愛情
連愛也太奢侈,仲要靈魂伴侶,太不切實際了

而佢老母如果有情緖病,最好查下有無遺傳,有就唔好害人



引用:
原帖由 曾經橢圓的竹筍 於 2021-12-8 11:06 PM 發表
母親控製欲強是不是一直幹涉佢的生活還會替佢做些決定等。感覺一直單身和佢母親有很大關系
對,基本上長期過份注視佢一舉一動,成日比意見但一定要佢聽,而且好多時話一就要一二就二,不過佢意識到咁樣係唔正常嘅,佢有佢獨立嘅思考,處事方式,佢亦都唔想受呢d束縛,所以搬左出嚟住幾年,佢個人自理係完全ok嘅,有d見解仲好勁添,不過可能唔多夠自信心,但佢都好積極克服



[隱藏]
 
引用:
原帖由 DZDD 於 2021-12-8 11:05 PM 發表

咁都叫智商高...
唔通愛因斯坦定霍金嘅程度咩



提示:支持鍵盤翻頁左 右