• 瀏覽: 4,695
  • 回覆: 28
[隱藏]
屋企本身一家4口一齊住,
家姐話衣家已經搵緊租盤
出年就會搬出去住,到時預自己無錢比家用
最多應該只可以比到1000,叫我比多d去填返個數
我第一下問佢:你冇錢學咩人搬出去住??
佢話無理由成30幾歲人仲同屋企人住,比人知道會好醜怪
乜係你問題,關我咩事? 點解你比唔到既家用要我去幫你比??
我話要同埋阿爸阿媽一齊傾
阿爸阿媽話其實問題唔大,話家姐本身比家用唔多
我衣家先知佢現在每個月只會係比3000家用!
咩料?咁大個人先比得3000 ? 又唔見佢儲到錢 !
我第一份工都已經比唔止3000家用! 點解咁自私!



比3000又真係幾少...
不過如果你阿爸阿媽都OK, 你都無得點



引用:
原帖由 黃昏外圍的神 於 2021-11-29 03:08 PM 發表
比3000又真係幾少...
不過如果你阿爸阿媽都OK, 你都無得點
唔GUR 呀
佢搬出去就可以唔洗交家用??
咁我係咪都可以搬埋出去



引用:
原帖由 Froggie 於 2021-11-29 06:32 PM 發表

唔GUR 呀
佢搬出去就可以唔洗交家用??
咁我係咪都可以搬埋出去
你問過你父母 係咪 一樣比三千咪ok囉, 佢搬咗出去唔洗食住父母,唔比都正常,主要係你父母有冇需要⋯



[隱藏]
人梗係自私架喇
你地關係似乎唔多好, 係咪咁先搬走?
如果你搬佢可能唔搬, 你可以諗諗


最重要係間屋係咩屋, 公屋? 私樓?
幾大?



你宜家同家姐夾好,將來層樓佢無得分,叫佢早啲選定行車線,睇佢有咩反應。


  你一樣只係比3000咪得


你家姐要搬出去就冇錢俾家用,咁仲點俾呢?一係叫佢唔好搬出去使埋啲冤枉錢囉!

孝順父母要俾家用呢樣嘢啉!係睇搵幾多自己又真係肯俾幾多嘅啫!唔係話搵得多同搵得少嘅人俾一樣嘅數嘅啉!



咪大家鬥少


[隱藏]
做兄弟姊妹, 唔好咁計較啦.............
樓主, 幫到就幫, 幫唔到就話盡量.........叫家姐多些返屋企, 過時過節就畀多少少............


好似我當年搬出黎咁, 媽媽同意, 我畀少咗家用...............不過, 我唔知家姐細妹有無畀多咗.....

我仲成日返屋企食飯,.......惟有過時過節, 畀多少少.........


兩個家姐仲問我夠唔夠錢使, 佢地對我咁好, 咁我梗係話夠啦............
有時, 家姐細妹玩夜咗, 返老家太遠, 黎我度過夜..........我會好開心咁歡迎佢地..............
依家我細妹搬咗黎我度一齊住, 我唔收佢錢...........



有能力最好俾


引用:
原帖由 Froggie 於 2021-11-29 02:55 PM 發表
屋企本身一家4口一齊住,
家姐話衣家已經搵緊租盤
出年就會搬出去住,到時預自己無錢比家用
最多應該只可以比到1000,叫我比多d去填返個數
我第一下問佢:你冇錢學咩人搬出去住??
佢話無理由成30幾歲人仲同屋企人住,比人知道會好醜怪
乜係你問題,關我咩事? 點解你比唔到既家用要我去幫你比??
我話要同埋阿爸阿媽一齊傾
阿爸阿媽話其實問題唔大,話家姐本身比家用唔多
我衣家先知佢現 ...
由我出來做野到現在,
我都知道我妹俾家用比我少,
亦有一段時間她沒俾家用,
咁又點?因我知道她揾得唔多,
而我父母亦無在我哋細個時計較什麼,
一家人咁計較為乜呢



其實家用都係睇自己心意啫 父母唔介意的話又唔洗下下計住嘅 能力高嘅咪比多啲


其實一家人,都係有商有量,萬事以和為貴啦


[隱藏]
似乎樓主同佢姐關係都係麻麻。雖然3千家用係少,但起碼都係有俾。搬咗出去1闊3大,咁就俾唔到都冇辦法。


已經比我姐好得多啦。我姐簡直人生勝利組。成年後住屋企時1蚊家用都冇俾過。我媽仲同佢交咗一年卡數。搞到冇錢就問我攞。仲要係1個人霸咗一間房,因為佢有拖拍,有人要。反而我同細佬男女都要share 間房。本來話幫屋企交家居電話費,只係交咗幾期就冇交。又變咗我交。
而我讀大學時已經死慳死底咁俾屋企。雖然初初冇定咗每月一個數目俾家用,但屋企一出事要錢就將自己啲錢俾曬屋企。做嘢開始穩定後,就定咗一個數俾,唔俾屋企都幾難撐。


拍拖10幾年後,我姐就結婚生仔搬走咗囉。咁更加唔俾家用啦。我同細佬為屋企付出,但就搞到單身多年。依家媽走咗,冇遺囑留遺產,佢就話唔會分俾自己。。。聽住先啦。佢之後話要分一份都冇聲出因為佢係合法繼承人。就算佢今日唔分呀,我同細佬都咁嘅年紀,都未必好似佢咁結婚生仔啦。而我地唔係揮霍嘅人,實留錢。我細佬又唔中意寫遺囑,到時咪益佢個仔。斷估都應該早走過佢個仔。依啲先夠醒,顧自己自私啲。理得啲細佬妹點呀。自己啲兄弟姐妹單身仲更加有so。



提示:支持鍵盤翻頁左 右
[按此隱藏 Google 建議的相符內容]