• 瀏覽: 2,036
  • 回覆: 12
[隱藏]
屋企有五個人,老豆、老母、妹、我同 哥——癲狗。妹11我16佢21歲。由細到大同佢關係都差,細個會嗌交打交,有次癲到鏈我條頸。除住越嚟越大個,佢就越嚟癲,係學校打傷人搞到上庭,最尾感化令,書又讀唔成,中三都未畢業,仲成日整到家嘈屋閉,成日搞9我同阿妹。真係好少野都可以令佢發癲,例如妹做功課阻住佢睇電視就一野揼佢畢袋落地,整喊曬。最尾老豆老母真係頂唔順,叫咗佢去咗阿婆度住,總算過咗幾年安靜嘅日子。

前年抽到公屋,老竇老母諗住同佢一齊住返,因為都麻煩咗阿婆好耐,阿婆都唔係幾頂得順。諗住佢會有啲改變啦,點知都係同以前一樣又惡霸又垃圾。佢ive比人踢埋又唔返工,朋友又冇嗰,成個死肥仔咁日日都留係屋企張床度做垃圾,勒索老豆比錢養佢。朝早問唔到老豆攞錢就癲狗咁吠,講緊係攞幾十蚊… 試過有次嘈到差啲同老竇開片,正確啲嚟講應該係我老竇差啲俾佢片。屋企得老母勉強可以同佢抗衡,所以我其實都幾驚佢,已經做咩都好小心,係屋企完全唔會同佢接觸,眼神接觸都冇嗰種,基本上係屋企嗰陣都係留係間房度。而佢每一日嘅生活就係威脅老竇比錢佢之後全日喺屋企睇電視、瞓覺、玩手機,係個妹有陣時會同佢講下野睇電視咁,不過好多時候玩玩下就會嗌交之後就郁手郁腳。試過有次個妹俾佢撳落地下被逼講對唔住,我真係覺得好痴線同埋勁恐怖,嗰陣時老豆老母又唔係度,我只可以頂硬上出去拉返個妹入房鎖埋道門,好彩最尾佢淨係踢咗個房門幾下廢up咗幾句。我每一日係屋企都有好大嘅壓迫感同埋對佢越嚟越恐懼。

今日返完parttime返到屋企同個妹開電視播YouTube一齊聽吓歌,我知有啲夜,所以我已經較到好細聲,聽聽下佢突然之間沖出嚟搶咗個遙控,勁撚串咁講:「收皮啦你哋」之後熄咗個電視。我呆撚咗…之後心情即刻勁差,但都已經唔夠膽再開,係個廳度講咗佢幾句野,點知比佢聽到,就沖出嚟屌柒我。我本身都唔想理,由佢鍾意點講就點講,因為我知同佢嘈佢一定仲撚痴線,同埋我都好驚,我一個女仔咁細粒,邊夠秋。但真係越聽越覺得佢on9,明明佢叫我細聲啲或熄咗佢咪得,一嚟就爆曬粗咁,完全唔識同人正常講嘢,當正自己係皇帝,一唔順佢意就鬧鳩人,大聲夾惡。最尾同佢嘈左,但係我真係勁驚,硬住頭皮同佢對視,佢係咁兇我,我feel到佢已經係想郁手,只不過老母喺度所以出唔到手咁解。我係驚到震嗰種。之後老母終於出手,我返咗入房。老母同佢嘈咗超耐,但係隻癲狗條氣仲係唔順,同老母講:「得㗎喇你唔使咁多嘢講,我唔會打佢㗎喎,我驚我打死佢咋!」係咁講係超多嘢恐嚇我,我喺房度驚到喊,之後又話咩「xxx你話好驚吖嘛,我遲啲令到你仲驚」真係痴撚線。
其實基本上我老母我已經管唔到,依家打又打唔到,同佢講嘢佢就淨係識大聲夾惡,癲咗咁。我真係唔知可以點,我諗我豆老母都唔知,又已經唔可以再麻煩啊婆收留佢。但每日生活係咁大壓迫感嘅屋企,就連放鬆嘅空間都冇,想走又走唔到,仲要咁樣俾人死亡威脅真係想死。聽日星期六,老竇老母返曬工,我真係唔知聽日點算…

[ 本帖最後由 溫柔方正的南瓜 於 2021-11-27 05:02 AM 編輯 ]



提示: 違規內容已被屏蔽
提示: 違規內容已被屏蔽
好少覆家事板,但睇得出你真係好驚。

首先以後無論發生咩事你都要冷靜,因為佢表現到成隻顛狗咁就係想令其他家庭成員驚,但係你再諗真啲,你阿哥出到街,係其他人面前只會係一件垃圾,一個loser,佢只係識得以心理恐嚇去蝦作為家人既你哋,所以當佢下次再發顛既時候,你可以試吓抽身,以街外人既角度去睇你阿哥呢件垃圾,慢慢調整左自己心態先,因為佢知你驚就會得戚。

其次係你平時避免衝突係啱嘅,因為嘈起上嚟都會影響心情,但你唔去惹事唔代表人哋攪你既時候要怕事,你唔主動挑起事端,但都可以以行動表明立場唔會怕佢,佢下次再做d咩過火行為,其實可以報警,你報警唔係傷害緊佢,而係保護緊其他屋企人。

另外必須要同父母好好講清楚你既恐懼,亦都可以俾定心理準備你父母,如果佢再顛起上黎,你有機會報警保護自己(都唔好俾你阿哥知),俾父母知道你已經忍過,亦俾過機會你阿哥,唔好令父母覺得報警係你唔啱,父母有責任保護你同阿妹,佢哋係大人,需要搵方法解決呢個咁嚴重既問題,可能要搵專業人士幫手。

我見你形容佢既行為,其實都係言語恐嚇,踢門等等,今日你哋唔適當表態去令佢收斂,只會令佢行動升級,令佢鍊頸等等既行為出現得愈來愈頻繁。

最後調整左心理之後,有機會學返少少必須既自衛術傍身(最簡單插眼、插喉、踢下陰),假設真係好危急,可以係短時間內俾你逃走,但學左都唔好俾你阿哥知。

如果你星期六、日真係驚既話就同父母講,睇吓佢哋可唔可以安排下,未有其他安排之下可以帶埋阿妹去自修室溫書,青少年中心,或者參加學校活動。

最後最後,你阿哥只係一件垃圾,社會既失敗者,你大好前途,盡量減少被佢影響拖累。

妹妹加油💪🏻



[隱藏]
引用:
原帖由 溫柔方正的南瓜 於 2021-11-27 04:00 AM 發表
屋企有五個人,老豆、老母、妹、我同 哥——癲狗。妹11我16佢21歲。由細到大同佢關係都差,細個會嗌交打交,有次癲到鏈我條頸。除住越嚟越大個,佢就越嚟癲,係學校打傷人搞到上庭,最尾感化令,書又讀唔成,中三都未畢業,仲成日整到家嘈屋閉,成日搞9我同阿妹。真係好少野都可以令佢發癲,例如妹做功課阻住佢睇電視就一野揼佢畢袋落地,整喊曬。最尾老豆老母真係頂唔順,叫咗佢去咗阿婆度住,總算過咗幾年安靜嘅日子。
...
送作入青山啦 都痴線 您唔好理佢 雖然係好難 …..



總之佢郁手就報警


btw, 樓主粗口都相當流利下



你和妹搬去阿婆度住


依D叫家暴。你老豆老母太廢,搞唔掂。搵社工或報警啦。


越廢既人就越鐘意蝦屋企人…下次真係再郁手就報警,要保護自己同妹妹


[隱藏]
引用:
原帖由 股市明燈 於 2021-12-1 05:09 PM 發表
你和妹搬去阿婆度住
搬去阿婆度住都好



引用:
原帖由 嶺南大鱷 於 2021-12-3 12:37 AM 發表
依D叫家暴。你老豆老母太廢,搞唔掂。搵社工或報警啦。
應該搵社工協助



你亞哥可能有狂躁症呀~精精病嘅一種嚟!需要家人用好多嘅耐性愛心時間⋯去愛護佢支持佢⋯你可以試吓改變你哋嘅相處方式呀!

如果你肯嘗試吓氹吓佢關心吓佢,睇吓佢有咩運動比較鐘意嘅,例如:羽毛球呀、游水行山⋯一齊去玩吓,可能可以緩和吓屋企咁緊張嘅氣氛㗎!大家都好過啲呀!


唔好睇小你自己嘅力量呀!女性水做㗎!正正可以以柔克剛呀!



睇嚟!你亞哥書讀唔多,工作做唔長,人應該好自卑吓呀!自卑到分分鐘覺得出到去就比唔上人好缺乏安全感呀!

可能出面唔敢蝦人仲會受埋啲冤屈氣(工作上),返到屋企就蝦你哋弱小呀!

或者試吓問吓佢各方面嘅嘢,等佢覺得你心中都有佢呢個哥哥㗎!你係有佢心會關心吓佢㗎!可能會好啲呢!

21歲,可以建議佢再去讀吓課程進修呀!政府好似有萬幾銀嘅資助費用係俾人終生進修㗎!攻一科佢有興趣嘅去讀好佢,都係出路嚟呀!



[按此隱藏 Google 建議的相符內容]