• 瀏覽: 12,785
  • 回覆: 32
  • 追帖: 1
[隱藏]
男朋友因為前晚屋企棟大廈停電,所以走左黎我到訓左一晚
原本我有隻公仔攬左差唔多廿年真係由細攬到大,每晚冇左佢真係訓唔著就好似有啲人有張充滿口水漬既小被被咁,就連之前去旅行既時候都會帶埋佢一齊去
尋日男朋友就請左一日假諗住返屋企同埋睇下佢屋企人有冇啲咩要帶返去,我就去左返工
因為我出門口返工個陣我男朋友都未醒,所以我都唔知佢幾點走加上爸爸媽媽都要返工所以變左10點後屋企就冇人,得返男朋友自己一個

尋晚收工返到屋企個陣入房換衫已經覺得少左啲野,但係一時間又醒唔起…
直到我臨訓之前諗住攬住我隻公仔係床到睇一陣youtube先訓個陣我發現左我隻公仔唔知去左邊
初初以為係拎左我隻公仔去洗,但係屋企人都知我呢隻公仔係唔會洗因為洗左就冇左陣味,又以為我隻公仔唔知擺左去邊
我就打電話比男朋友問佢臨走之前有冇見到我隻公仔,點知佢同我講:個隻又霉又黑既兔仔呀?我今日走個陣幫你掉左啦,好心你咁大個人就唔好攬住隻公仔訓啦,仲要隻野又霉又臭,起身個陣差啲嚇死我做咩有隻發左毛既兔仔訓係我隔離

聽到之後我真係好嬲囉,點解你係人地屋企到訓但係你可以隨便掉左人地啲野,仲要講到佢咁一文不值!
隻公仔對我黎講真係好重要,因為呢隻公仔係公公買比我既第一隻公仔獎勵我考試有頭3名既禮物…
我知道男朋友掉左我隻公仔之後我真係忍唔住大喊咁鬧佢點解可以隨便就掉左我啲野
佢仲要話:公仔咋嘛,買返廿隻比你都得啦!係咁重要既話,就一早拎去洗唔會搞到佢發毛啦

真係好嬲,聽完之後我就收左佢線完全唔明點解掉左人地啲野仲可以咁理直氣壯
呢個男朋友我都想掉埋佢!!



引用:
原帖由 gunpit 於 2021-11-23 03:44 PM 發表
男人都係愛掉😆
無第樣😫
以為佢係自己屋企咩,係人地屋企都掉野係咪傻架佢



引用:
原帖由 kevinlammm 於 2021-11-23 03:50 PM 發表
掉左男友然後PM我
真係好嬲好想掉佢!!!



引用:
原帖由 gunpit 於 2021-11-23 03:54 PM 發表

係咪佢屋企老婆5比掉。
所以去你屋企掉呀😫😫
我唔做人第三者的



[隱藏]
引用:
原帖由 yifeifei2 於 2021-11-23 06:50 PM 發表
非常、十分同情你。
我完全明白你嘅感受,我個仔都有一個從 BB 開始攬住嘅公仔。就算之前爛咗都要想盡辦法補返。
個公仔嘅價值,不在於值幾錢,仲有無得賣。


佢咁 L 鍾意掉嘢,你叫佢掉埋佢老母,得唔得?
掉咗佢老母,可以叫佢老豆娶過另一個做佢老母架。
呢啲由細攬到大既野就算佢爛左都會留低佢,就算買返都唔係個回事
我都想問佢可唔可以掉左屋企人



引用:
原帖由 HEGSWF 於 2021-11-23 07:44 PM 發表
咁多不滿咪分手囉,又唔敢講分手又講咁多廢話,又要攞黎賤又要同佢一齊,你都幾矛盾
我矛唔矛盾關唔關你事?
原來依家討論區連呻下都唔得架咩?



引用:
原帖由 江湖地產佬 於 2021-11-24 10:31 AM 發表
我都有隻廿年培訓公仔 睇toystory 睇到喊的原因之一 I know that feel sis..
真係好慘,如果我唔問佢都冇打算話比我知佢掉左我隻公仔



引用:
原帖由 持久男 於 2021-11-24 10:54 AM 發表

叫佢過番5萬心理補償費俾你之後飛撚左佢啦...亂9掉人野
幾多錢都補唔返



引用:
原帖由 工廠男 於 2021-11-24 10:58 AM 發表

你居然忍到佢?
我尋晚已經同佢鬧分手,但係佢都覺得自己冇錯
忍唔住同佢講我地分開冷靜下



[隱藏]
引用:
原帖由 電梯冰凍的高峰 於 2021-11-24 10:59 AM 發表
細節有大意義,呢種男友可以分手
同佢講左我地分開冷靜下,掉完人地啲野仲要覺得自己冇做錯真係好唔要得



引用:
原帖由 andyy85 於 2021-11-24 11:05 AM 發表

真係好過份,問都唔問就掉左人地的野!如果果樣野係充滿回憶的咁點算,買都買唔番!又或者隻公仔裡面擺左幾百萬咁又點算?我老表都試過係自己間房儲煙盒,儲到成幅牆咁,然後有D煙盒裡面擺左錢,擺下擺下都唔知擺左幾多錢,然後比我姨媽幫佢執房果時掉晒,保守估計掉左佢十萬八萬
咁你老表都真係儲起左好多煙盒,咁樣掉左真係好唔抵



引用:
原帖由 我有隻Poodle 於 2021-11-24 02:06 PM 發表

呢D男人飛咗佢啦, 一個唔識尊重自己女朋友/老婆嘅男人,唔要都唔可惜!
真!!同佢講左分開冷靜下,連一句對唔住都冇仲要覺得自己冇做錯



引用:
原帖由 工廠男 於 2021-11-24 03:39 PM 發表

難以想像,同居或結婚會點情況。
死罪。
呢啲人真係唔知咩叫尊重,就算覺得個樣野冇價值都唔係問都唔問下屋主就掉左人地啲野



引用:
原帖由 無色暴雨 於 2021-11-25 02:16 AM 發表

好多人都唔識尊重。最近流行乜嘢斷捨離, 有D人話佢哋會偷屋企人D嘢去掉。
其實斷捨離如果搞到咁, 呢個熱潮都係時候降溫。
咁佢唔該返自己屋企斷啦,做咩要係我到幫我斷



[隱藏]
引用:
原帖由 florahyleung 於 2021-11-25 06:42 AM 發表
非常明白心情。唔明點解掉人地啲嘢前唔問清楚先。除非公認係垃圾,其他嘅根本個價值喺邊都未必清楚。係自己眼中可能係垃圾,但對擁有者係有紀念價值。。。


我媽又係唔問,就咁掉我地啲嘢。1係以為係垃圾,1係就佢唔中意嗰件嘢,睇唔順眼。當時我儲咗好多自己小學時嘅作品,作業記錄之類。擺係一個好大嘅膠文件套。係爛咗,塞到滿曬。我唔知點解放咗係書桌地下角落位。佢問都唔問,就掉咗。佢話以為係垃圾,所以我放嗰 ...
垃圾應該係垃圾桶囉



提示:支持鍵盤翻頁左 右
[按此隱藏 Google 建議的相符內容]