• 瀏覽: 11,170
  • 回覆: 66
  • 追帖: 2
[隱藏]
自己屋企本身窮,我好細個果陣老豆就出去滾,所以十幾歲就老母兩個人住,老母學歷又唔高,可以做既野多數都係辛苦工,但佢都堅持賺錢為我供書教學,佢辛苦左成日每晚放工番到黎都仲會煮飯俾我食,但我仲成日會成日嚴d送一樣,對佢好多不滿,又唔幫佢手做家務,有時佢問多幾句野我就已經會嚴佢煩,嚴佢咩都唔識,成日同佢嘈交。可能我由細到大都係自己一個人咁濟,根本唔識咩係自律,初中果陣每日返學訓覺,夜晚打機咁就一日,根本無理過任何屋企既人,好似只係為左打機而生存咁,老母俾我果d零用錢仲瞞住佢用黎課金買點數,個金額仲要好大下,但佢完全唔知情,以為我用曬黎食野,出糧多左俾我零用錢亦都會增加。

咁到人大少少啦,開始有番d自覺,知道佢既辛苦,但我就成日都口不對心,唔肯同佢講心底說話,我地之間既關係,係連母親節講句母親節快樂,影張合照,同佢講句多謝都會覺得尷尬。由細到大佢都同我講知識改變命運,於是我高中果陣就決定努力讀書,諗住將來報答佢,好好彩地考完DSE,我真係入到想入既U,佢亦都好開心,好自豪咁同朋友曬命,收到offer果一刻佢好似仲開心過我咁。

但個天唔會完全順曬你意,響某日突然收到醫院黎既電話通知我話佢收工搭車果陣遇上交通意外,我當堂驚到唔知點好,好彩有frd響我身邊鼓勵我,陪我去醫院。由果陣開始我先發現自己係有幾緊張佢,幾咁依賴佢,好好彩地佢今次只係整親隻腳,坐左年幾輪椅,隻腳都慢慢行得到,佢唔方便行既呢段時間,我同佢相處既時間多左,關係亦都開始慢慢變好,到上年佢隻腳亦都好好彩好返曬,又無咩後遺症於是佢開始返番工,但之後其實我都睇得出佢每次放工番黎都好唔開心,有次仲聽到佢同朋友講話d同事成日針對佢,嚴佢隻腳之前有事,做野就住就住,做得好慢,但佢從來都未向我提過一句,每次番到黎都話今日好開心,完全都唔辛苦。

上個禮拜佢番到屋企果陣突然同我講今晚唔煮飯,話好累,好早就沖涼訓覺,同佢相處左咁多年,好少聽到佢講唔煮飯,但我都無理到就繼續做自己野,到半夜大概3,4點佢突然開燈整醒左我,我即刻睇下咩事,哦,原來佢肚餓係度搵野食,但越搵就越開始唔對路,佢眼神開始飄忽,面青口唇白咁,我同佢講既野佢都好似聽唔到咁,之後佢好辛苦咁同我講話心跳得好快,好似就黎跳出黎咁,咁我就即刻call白車送佢入院,前前後後搞左兩個禮拜左右check曬心電圖又剩,暫時確認係心絞痛,要排期照野,但未確認到係咪心臟病,住左一排院,醫院果邊都俾佢出院,只係開左d脷底丸同阿士匹靈俾佢。

呢幾日番到屋企佢都好精神咁無咩野同未入院前一樣,佢仲講笑咁話星期一(即係22號今日就返得工添),但世事總係唔如意,今晚同佢食完返番屋企佢陣,佢就話條腰好痛,痛到係連行路都有障礙,幾經辛苦番到屋企,佢痛到即刻要攤響梳化,攤左一陣腰無咁痛,頭又開始痛,之後佢話連心都開始好似有野壓住咁,含完脷底丸都無效,佢開始連眼都擘唔大,情況仲差過對上一次入院,到我call完白車 佢響神智不清之下竟然係叫我打俾老豆,擔心萬一有咩事得番我自己一個叫我去搵老豆,我眼淚即刻留到唔停,叫佢唔洗緊張白車好快黎到。呢半個鐘應該係我人生最萬長既半個鐘,由屋企到上白車,由白車到入院,佢d冷汗係完全無停過,亦都不停同救護講話好辛苦,睇到我個心拿住拿住,但又唔想佢擔心我,只可以響隔離陪住佢一直係扮無野,扮堅強。

入完院要即刻推入急救房,我個人變到好慌,隻手不停咁震,好擔心佢有事,果一刻先發現原來自己所謂既慣左自己一個,只係因為當時既天真無知,萬一佢真係出左事得番自己一個都唔知點算。搞左一大輪,佢由急救房出黎我先鬆返口氣,雖然佢個狀況都係好差但個人都係清醒,醫院果邊話留院觀察幫佢詳細咁照下咩事跟住就開始推佢入病房,但病房依家根本唔俾人入去,我最後見到佢只係佢響急救房出黎既一瞬間,佢好勉強擘大眼咁望住我,用好冰既手拖住我講左句「唔洗擔心我,過幾日轉涼呀著多件衫」,聽完之後d眼淚更加擁曬上黎,但響佢面前我緊係響度死頂,扮堅強,直到離開左佢視線d淚線已經更加控制唔到。

有時真係好唔明到底點解個天可以咁唔公平,點解一個咁善良既媽媽要受咁多痛苦?由生完我果一刻,活左咁多年根本無享過福,生完我出黎好似仲害左佢咁,覺得佢搞成咁都係因為自己迫到佢咁。依家可以做既只係等醫院報告,又無得探佢,真係感覺好無助,好憎自己咩都做唔到,但無論點都好,我會堅強,響你同病毒搏鬥果陣照顧自己,做好家務汁到間屋靚一靚,等你番屋企,求下上天俾個機會我照顧番你,帶你享下福啦好嘛?

打呢篇野唔係為左博咩同情,而係想提醒各位好多野都講唔埋,生命呢樣野其實真係好兒戲。希望咁多位真係要愛錫你地屋企人,對佢地好d,無論點都好佢地都係養大你既人,最錫你既人,佢地所做既野都係為你地好,唔好好似我咁出事先黎後悔。

簡簡單單咁講句,我愛你或者多謝你已經係父母最大既恩慰。



熱賣及精選
你識咁諗就好啦, 日後應該知道點樣去做人  世上只有媽媽好

[ 本帖最後由 吳儼晉 於 2021-11-22 10:35 AM 編輯 ]



原來生命有限期
活在當下,珍惜所有



引用:
原帖由 星星同學會 於 2021-11-22 10:17 AM 發表

自己屋企本身窮,我好細個果陣老豆就出去滾,所以十幾歲就老母兩個人住,老母學歷又唔高,可以做既野多數都係辛苦工,但佢都堅持賺錢為我供書教學,佢辛苦左成日每晚放工番到黎都仲會煮飯俾我食,但我仲成日會成日嚴d送一樣,對佢好多不滿,又唔幫佢手做家務,有時佢問多幾句野我就已經會嚴佢煩,嚴佢咩都唔識,成日同佢嘈交。可能我由細到大都係自己一個人咁濟,根本唔識咩係自律,初中果陣每日返學訓覺,夜晚打機咁就一日,根本 ...
淚已流 
無事的 Auntie 會好返 您一定有時間孝順佢 信我!



[隱藏]
 
好多錯別字


樓主祝你媽媽早日康復,唔使太自責所有年青人都係咁,你現在覺醒都未遲,有d人到40歲都仲未醒,當個70歲呀媽工人咁用,你已經好好了!加油堅持做個好孩子啦!


引用:
原帖由 星星同學會 於 2021-11-22 10:17 AM 發表

自己屋企本身窮,我好細個果陣老豆就出去滾,所以十幾歲就老母兩個人住,老母學歷又唔高,可以做既野多數都係辛苦工,但佢都堅持賺錢為我供書教學,佢辛苦左成日每晚放工番到黎都仲會煮飯俾我食,但我仲成日會成日嚴d送一樣,對佢好多不滿,又唔幫佢手做家務,有時佢問多幾句野我就已經會嚴佢煩,嚴佢咩都唔識,成日同佢嘈交。可能我由細到大都係自己一個人咁濟,根本唔識咩係自律,初中果陣每日返學訓覺,夜晚打機咁就一日,根本 ...
平時積下口德。
唔係別人父母就廢老,自己老母就寶架。
報應天收,最痛唔係自己身上。
到你有仔女時,你會更明白。
唔好意謂自己受得起,就天不怕地不怕去做衰野。
希望你媽過到好返,你有更深體會。



引用:
原帖由 星星同學會 於 2021-11-22 10:17 AM 發表

自己屋企本身窮,我好細個果陣老豆就出去滾,所以十幾歲就老母兩個人住,老母學歷又唔高,可以做既野多數都係辛苦工,但佢都堅持賺錢為我供書教學,佢辛苦左成日每晚放工番到黎都仲會煮飯俾我食,但我仲成日會成日嚴d送一樣,對佢好多不滿,又唔幫佢手做家務,有時佢問多幾句野我就已經會嚴佢煩,嚴佢咩都唔識,成日同佢嘈交。可能我由細到大都係自己一個人咁濟,根本唔識咩係自律,初中果陣每日返學訓覺,夜晚打機咁就一日,根本 ...
睇你平時出嘅post就知又係膠post,好心你作少啲文啦



那你以後就多自立,培養自己的獨立意識啊


[隱藏]
 
有心唔怕遲,好好珍惜


你嘅出現絕對唔會害咗佢 反而可能係佢嘅精神支柱

take care

[ 本帖最後由 candican 於 2021-11-22 05:04 PM 編輯 ]



引用:
原帖由 星星同學會 於 2021-11-22 10:17 AM 發表

自己屋企本身窮,我好細個果陣老豆就出去滾,所以十幾歲就老母兩個人住,老母學歷又唔高,可以做既野多數都係辛苦工,但佢都堅持賺錢為我供書教學,佢辛苦左成日每晚放工番到黎都仲會煮飯俾我食,但我仲成日會成日嚴d送一樣,對佢好多不滿,又唔幫佢手做家務,有時佢問多幾句野我就已經會嚴佢煩,嚴佢咩都唔識,成日同佢嘈交。可能我由細到大都係自己一個人咁濟,根本唔識咩係自律,初中果陣每日返學訓覺,夜晚打機咁就一日,根本 ...
你同我有D似 (人緣方面)

屋企,成個屋企得阿媽有時靠得住,其他人無解決問題的能力(有=無)。

屋企以外,識果堆人唔係垃圾就係靠害,覺得好攰。

[ 本帖最後由 亞盤神 於 2021-11-22 05:18 PM 編輯 ]



引用:
原帖由 OwO 於 2021-11-22 12:47 PM 發表

好多錯別字
鷄蛋裡挑骨頭



引用:
原帖由 星星同學會 於 2021-11-22 10:17 AM 發表

自己屋企本身窮,我好細個果陣老豆就出去滾,所以十幾歲就老母兩個人住,老母學歷又唔高,可以做既野多數都係辛苦工,但佢都堅持賺錢為我供書教學,佢辛苦左成日每晚放工番到黎都仲會煮飯俾我食,但我仲成日會成日嚴d送一樣,對佢好多不滿,又唔幫佢手做家務,有時佢問多幾句野我就已經會嚴佢煩,嚴佢咩都唔識,成日同佢嘈交。可能我由細到大都係自己一個人咁濟,根本唔識咩係自律,初中果陣每日返學訓覺,夜晚打機咁就一日,根本 ...
你能明白這道理就是好事。當父母不容易無私的付出不求回報但是很多人還以為理所應,珍惜眼前一切哪怕一件小事父母都會很高興,不要等失去後才後悔莫及。。。



[隱藏]
 
引用:
原帖由 星星同學會 於 2021-11-22 10:17 AM 發表

自己屋企本身窮,我好細個果陣老豆就出去滾,所以十幾歲就老母兩個人住,老母學歷又唔高,可以做既野多數都係辛苦工,但佢都堅持賺錢為我供書教學,佢辛苦左成日每晚放工番到黎都仲會煮飯俾我食,但我仲成日會成日嚴d送一樣,對佢好多不滿,又唔幫佢手做家務,有時佢問多幾句野我就已經會嚴佢煩,嚴佢咩都唔識,成日同佢嘈交。可能我由細到大都係自己一個人咁濟,根本唔識咩係自律,初中果陣每日返學訓覺,夜晚打機咁就一日,根本 ...
樓主加油,希望你媽媽平安痊癒,親情可貴。希望天可憐憫。



提示:支持鍵盤翻頁左 右