• 瀏覽: 1,476
  • 回覆: 6
[隱藏]
今天是11月17日,在其他人眼中,也許不是基甚麼特別日子!但對我來說,14年前的今天卻是我永遠難忘的日子!因為,當時我跟心中女神示愛,可惜失敗了。雖然事隔十四年,但我仍然沒法忘記她。下面是我當年所寫的日記……


2007.11.17
剛剛拖着疲倦的步伐返到家裡, 我便急不及待上來同大家講一句:好多謝您地對我的支持……….. 但我今次示愛失敗了!
記得昨日下午五時多, 我到尖沙咀買了一束鮮花, 寫了一張生日卡, 然後將呢d野放入車尾箱,大約六時入到青衣接 “女神” . 我訂了山頂間 peak lookout 同佢食飯……我泊好車後立即將束鮮花送比女神, 我睇得出佢的笑容有d尷尬, 有d開心, 又有d面紅……. 我地行出山頂廣場, 先去欣賞下山頂的夜景, 然後再去食飯. 當時我見周圍好多遊客, 立即伸手拖住女神步過馬路, 再步入餐廳….. 我好記得我拖住佢果一刻, 我的內心的而且確有種彷如觸電的奇妙感覺……呢間餐廳嘅氣氛真係好鬼浪漫…. 我地點了菜便天南地北咁聊天, 雖然女神昨晚wet 天光, 再加上剛收工的關係, 所以佢有點疲倦, 但仍遮掩唔到佢的艶光! 如果時間可以响呢一刻停頓就好呀………我地一邊食野一邊傾偈, 食到一半我突然鼓勇氣, 向女神示愛, 希望佢可以做我女朋友………但好可惜佢因為某些理由而拒絕了, 仲話大家做朋友會開心d, 朋友就係朋友………記得當時我真係好失望! 但為了不破壞四周的浪漫氣氛, 更不想破壞女神品嘗美食的興緻…..我唯有強裝笑臉, 繼續同女神傾偈食野…….. 其實由一開始時, 我都知道自己會輸! 但當我遇到合眼緣的對像時, 假如我不嘗試去爭取的話……. 我知自己將來一定會後悔………所以我在過去的十多天裡, 才會毫不計較成敗而想追求女神………但我最後還是失敗了!!!!!! 雖然我無福份做佢男朋友, 但我仍願意以朋友的身份守護佢, 希望佢日日都開心快樂. 我好記得女神品賞 birthday desert 的可愛表情, 相信我一定會將呢段 “無名份的浪漫”埋藏在心底深處, 偶然在腦海裡播出來回味一下……………. 食飯之後女神問我仲有乜野節目, 其實當時我真係好想話佢知, 我原本 plan 好 10:30pm 同佢去時代廣場, 因我一早安排好一d祝賀 & 示愛的說話在大電視播出來比佢睇………. 但可惜這個安排似乎已經不恰當啦! 再加上我知佢其實都好疲倦……所以就揸車送佢返屋企……
當女神落車後, 我再也沒法掩飾自己的失落感覺………我的情緒突然好down, 好似虛脫咁樣……估唔到呢次發老姣嘅時間咁快就要醒………好在响呢個時候….. 我個囡囡 whiskey 亳不理會屋企人的責罵, 而立即出來陪我傾偈支持我! 一直陪到 04:00am 先回家. 而lego亦多次打電話比我安慰我驚我唔開心, 亞臣亦一直陪住我………仲有好多人sms比我關心我! 我真係好多謝您地呀! 您地放心啦! 我經過一兩日的自我調節就會無事架啦…….. 因為我根本就從未擁有過女神………純綷只係一場自製的浪漫甜夢…….. 我知道此刻亦應該夢醒呀…. 話雖如此……但我真係好想能夠有機會親口同女神講句: 我愛妳! 可惜在現實中卻無可能會發生………哈哈~~~~!



引用:
原帖由 愛腿男人 於 2021-11-17 08:38 PM 發表
今天是11月17日,在其他人眼中,也許不是基甚麼特別日子!但對我來說,14年前的今天卻是我永遠難忘的日子!因為,當時我跟心中女神示愛,可惜失敗了。雖然事隔十四年,但我仍然沒法忘記她。下面是我當年所寫的日記……


2007.11.17
剛剛拖着疲倦的步伐返到家裡, 我便急不及待上來同大家講一句:好多謝您地對我的支持……….. 但我今次示愛失敗了!
記得昨日下午五時多, 我到尖沙咀買了一束 ...
這麼久過去的就讓它過去吧,該做你都做了只能說你們沒有有緣無分



引用:
原帖由 門外灰妹頭 於 2021-11-17 09:16 PM 發表

這麼久過去的就讓它過去吧,該做你都做了只能說你們沒有有緣無分
同意,今日發了whatsapp比佢,佢都有回覆。彷如隔世感覺,可能得唔到就最刻骨銘心!



你會遇見更好慨


[隱藏]
引用:
原帖由 綠色的山羊 於 2021-11-18 10:19 AM 發表
你會遇見更好慨
謝謝你,你也要幸福快樂。



女神回憶你了嗎?


一句好無奈的「我愛你」,痛哭


[按此隱藏 Google 建議的相符內容]