我30歲以上，同父母及自閉症細佬同住公屋，細佬細三年，喺工場返工，父母有長期病患，我同家人關係惡劣，間屋戶主係細佬，住咗七年。而家啱啱搵嘢做，畢業十年以上，一直做文職但無份長，最長做四年，失業嘅日子仲多過搵工，上年二月被裁，七月讀咗ERB 5個電腦課程（爭Excel II未讀），上年十二月至今年三月喺快餐店做PT，三月做臨時文員至七月，空白一星期搵另一份文員八月頭做到九月頭唔啱無做，再花三星期搵到對上一份九月尾到十月尾，休息幾日啱啱琴日先見工，搵到份臨時工，做三星期左右，次次見工我都好痛苦，有工做住先。事關我太耐無俾家用，老父近嚟追我俾返，開頭要求兩個月共六千蚊，我都好嬲因為老父唔體諒我，失業要我俾家用無減，前日要我俾半年家用，我咪忟，最後讓步俾三個月，淨係識話我缺點，搵返之前啲contract工老父話唔俾我做，咁專制咁仆街嘅父母我有能力自立都搬出去（待續）。
