• 瀏覽: 671
  • 回覆: 1
  • 追帖: 1
[隱藏]
當唔能夠承諾即使貧困與疾病都守候另一半⋯⋯係咪就應該儘早離婚等對方可以尋找另外的對象?

背景:1. 婚前老公身體唔係幾好,有抑鬱需要服藥。由於長期服藥,身體唔係幾好,有時候情緒會變差,同佢講嘢會無反應,唔理我,有時開開下車會發脾氣,試過一次開車過程中煞停大力打我大腿一下,然後我驚到自己落佐車,之後我都儘量少同佢吵⋯⋯

2. 我哋結婚幾年幾乎無性生活,初期有嘗試過,慢慢就懶得再試了。但我們日常有比較多嘅擁抱和親吻,只是沒有愛愛⋯⋯

以上問題令我不時有離婚嘅想法,就算未離,我都唔知幾時會離。

早排佢話頭痛想去醫院做詳細檢查,我知道佢不時頭痛幾困擾幾心煩,但我也都知道其實頭痛係都市病,好多人有,同時好難查明原因同醫治,我勸我放寬心情,去醫院都無用,佢堅持去,我覺得佢想我陪佢去,但我話陪你去都幫唔到手,而且檢查係唔需要有人陪,於是佢發脾氣,叫分開.….我無黨真,期間有煲湯佢飲,希望可以緩解佢嘅頭…

後面佢想通佐,嘗試做運動,佢買佐部單車話要出去踩車,同時買佐一啲踩車嘅裝備,我見到覺得好生氣,因為我覺得佢只係三分鐘熱度就亂買嘢,而且馬路上踩車又危險,我覺得佢從來做事無考慮我,我同佢吵架,一氣之下就講佐離婚⋯⋯結婚幾年我第一次講離婚,之前佢講過幾次

我哋已經約好佐去辦離婚,期間我有同佢傾過,佢話自己身體唔好,覺得我唔願意以後陪佢照顧佢,而我又真係俾唔到承諾佢。我問自己,如果我唔想離婚係點解,我答案係一個人生活好悶,無人陪我去吃我鍾意吃嘅嘢,我要一人承擔生活嘅開支,我會無地方住,我唔放心佢一個人,驚佢會再次陷入抑鬱⋯⋯

我唔想離婚係因為我自私?我唔能夠承諾一輩子無論什麼壞情況都要陪伴對方係咪真係放手比較好?

[ 本帖最後由 井底滴滴牛 於 2021-10-17 10:50 PM 編輯 ]



熱賣及精選
引用:
原帖由 井底滴滴牛 於 2021-10-17 12:51 PM 發表

當唔能夠承諾即使貧困與疾病都守候另一半⋯⋯係咪就應該儘早離婚等對方可以尋找另外的對象?

背景:1. 婚前老公身體唔係幾好,有抑鬱需要服藥。由於長期服藥,身體唔係幾好,有時候情緒會變差,同佢講嘢會無反應,唔理我,有時開開下車會發脾氣,試過一次開車過程中煞停大力打我大腿一下,然後我驚到自己落佐車,之後我都儘量少同佢吵⋯⋯

2. 我哋結婚幾年幾乎無性生活,初期有嘗試過,慢慢就懶得再試了。但我們日常有 ...
你幾歲



[按此隱藏 Google 建議的相符內容]