• 瀏覽: 1,743
  • 回覆: 7
[隱藏]
第一胎岩岩生完4個月,因為有前車之鑑我唔想BB’s比99湊,我想BB’s快樂健康成長。湊B好辛苦我夾硬頂搞到一身痛但無怨無悔因為我愛距地,c6好似未進入狀態咁經常一放假就要出去玩打麻將或打機,距話要有社交,仲成日話我攬住晒唔肯放手比人湊。但其實我有試過,99湊B我真係好多嫌,岩岩返黎時距成日同我搶BB’s(BB咸距搞唔掂我話比我氹距唔肯)搞到我情緒好大波動,或成日係度影影影錄錄錄周街send相比人抱住B同人地傾WeChat,BB又好好奇隻眼係咁望手機度,我好驚距地咁細個睇得多電子野壞眼。BB咸時距又抱住係咁抖抖抖!話佐唔好抖了轉個身又見到距係度抖BB!咁樣點叫我放心比距湊?62因為工作關係要夜晚10點左右先黎到探B,每晚都會黎,但果個時間BB要訓覺,距地黎佐係咁玩BB搞到BB冇得訓係咁咸,呢d事我都有同c6傾,距仲怪返我轉頭話我唔比距老豆媽咪抱B,仲話距地唔黎我最開心~其實我冇咁嘅心態!我不過係心疼BB眼訓冇得訓!自從生完,自己情緒都好低落,都忍唔住自己偷偷爆咸過幾次,經常失眠,對未來好徬徨,好無助。好彩我媽咪辭佐工黎幫我湊BB’s,距做錯或唔識我可以直接同距講都唔怕距記仇唔怕大家都唔開心,雖然有時我唔食飯距好長氣我好煩,但始終媽咪係身邊心情都好返小小。
c6訓覺鼻鼾聲都幾大下,以前唔覺有問題,但e+晚晚BB’s都會比距嚇醒好幾次,本身已戒夜奶咁半夜醒佐又要補奶又要氹訓,c6好眼訓,距氹女女訓,但一上床女女就醒返咸,兩次之後距就好炆講晒粗口了~我好討厭距講粗口冇d耐性!拍拖到結佐婚一年仲係好地地,自從轉佐部門做野之後就成日粗口脾氣都差佐好多。郁唔郁就發脾氣之後又同我say sorry 搞到我好攰。我突然間好迷惘,琴晚得訓到一個鐘,因為BB比距吵醒我搞掂佐之後都訓唔返了~我唔知我仲愛唔愛距,突然間覺得好似有d反感距一樣~
哎 語無倫次 我唔知自己想表達咩野



熱賣及精選
你有失眠,好明顯已經係產後抑鬱,睇醫生啦。


@聖利aaron 師兄老婆繼續屌老公


好彩個時我個陪月經驗夠,見到我情緒低落成日無緣無故喊,鼓勵我去睇醫生,因為佢識得中醫,會煲一啲疏肝解鬱嘅湯水俾我,跟住先慢慢好啲


[隱藏]
 
引用:
原帖由 Danielle 於 2021-10-30 12:27 PM 發表

好彩個時我個陪月經驗夠,見到我情緒低落成日無緣無故喊,鼓勵我去睇醫生,因為佢識得中醫,會煲一啲疏肝解鬱嘅湯水俾我,跟住先慢慢好啲
我都想搵個有中醫知識嘅陪月,可唔可以PM你個陪月俾我



引用:
原帖由 dis88 於 2021-11-1 09:15 PM 發表


我都想搵個有中醫知識嘅陪月,可唔可以PM你個陪月俾我
你失憶咁我提提你,你係幼兒版已經賣過一次C____間中介既廣告。
唔好以為俾版主刪咗,就冇人記得你幫C____做打手先得架。



引用:
原帖由 雙子座嘅奧特曼 於 2021-10-11 07:26 AM 發表

第一胎岩岩生完4個月,因為有前車之鑑我唔想BB’s比99湊,我想BB’s快樂健康成長。湊B好辛苦我夾硬頂搞到一身痛但無怨無悔因為我愛距地,c6好似未進入狀態咁經常一放假就要出去玩打麻將或打機,距話要有社交,仲成日話我攬住晒唔肯放手比人湊。但其實我有試過,99湊B我真係好多嫌,岩岩返黎時距成日同我搶BB’s(BB咸距搞唔掂我話比我氹距唔肯)搞到我情緒好大波動,或成日係度影影影錄錄錄周街send相比人 ...
一早應該分開住啦⋯我都頂唔順奶奶



引用:
原帖由 dis88 於 2021-11-1 09:15 PM 發表


我都想搵個有中醫知識嘅陪月,可唔可以PM你個陪月俾我
我都係透過中介搵