• 瀏覽: 15,276
  • 回覆: 130
  • 追帖: 33
[隱藏]
其實我係男仔,唔知點解瘦身區起女性版,不過如果你有另一半想減肥都可以睇下。
我超級中意食野,以前幾乎一日四餐,食得落就食到撐,而家每日都睇幾十條飲食視頻「頂肚」。
最高195磅,因為疫情關係少左戶外工作,食下食下就肥左15磅。
當時身體感覺好漲,肚腩大到好似想爆,血壓又高,真係好似少林足球咁:起呢個毛文,要爆了。

當時無諗住減肥,純粹唔小心睇左一個外國醫生Youtuber叫「柏格醫生」講點解會肥,自己參透左然後開始改變飲食習慣。
減肥期間因為腳傷所以無做運動(所以無去健身版),純改變飲食而家大約168磅。

全個核心圍繞:胰島素、微生物
首先,減肥唔係樣樣野都唔食得,反而有D野你以為食得原來會影響減肥,養成習慣大於一切。

食任何野都會刺激胰島素分泌,糖(包括水果)同澱粉加埋超過人體當日所需都會由胰島素轉化成脂肪,反之無胰島素就會燃燒脂肪,原來食水果都會肥。而進食脂肪只有少部份會被人體吸收,多餘的會排走,如果有了解過生酮飲食,甚至要食脂肪,逼身體分解脂肪代替糖份。

初時我行168斷食法,斷食期間肚餓就食雞蛋,雞蛋連黃食,食兩三隻已經飽曬。
下午2點-10點食野,可以保持正常社交,又可以食好多好野。
飲野戒甜戒奶,凍齋啡可以減緩苦澀,凍檸茶走甜亦都係,飲用有機蘋果醋改變我腸道微生物群,慢慢就開始習慣。
牛奶改成低糖燕麥豆奶,加青瓜可以增加食用纖維同飽腹感。
心裡明白要避免進食澱粉,但我仍然會每日一餐有澱粉,因為習慣係要自己舒服,無得逼,只可少食。
消脂,去水腫,好快就已經瘦左十磅。

之後我睇左開於微生物的片,講人想食乜野係體內的微生物決定,微生物會分泌物質去大腦,話你知你想食乜野。
咁我就明白其實一直以來減肥唔成功就係因為微生物作怪,如果我一段時間唔食,佢地就會適應或者餓死。
我將1日2餐,變成1日1-1.5餐,0.5餐就係食菜或者細份的雞肉。
如是者,我去到樽頸一段時間就會輕瀉,輕瀉完又會再開始瘦,感覺係將D微生物排左出來。

期間我照去牛陣放題,去聚會由頭食到落尾,但我果餐一定唔會食澱粉,當日或之後一日都會只吃一餐,確保自己無吸收過多卡路里,同埋會隨身帶一支小小的蘋果醋加入飲品中,維持左一個多月,目前亦無反彈。

去到最後,以上好多理論大家都明,最大困難其實就係屋企人。
人體從古代以來生存環境就無咁豐富,唔需要太多糖份同卡路里,乜野一日三餐,唔食甜野會暈,都係俗成觀念同心理影響。
好多長期病歸根究底都係食出來,如果屋企人願意改變就一齊,唔願意只可以狠心同佢講我唔再食你煮的東西。
好似我爸煮飯重油重鹽,一定要送飯,以前覺得一家人食飯係家庭觀念,食食下自己都唔OK了。
首先我妹唔食,然後我唔食,而家我媽都少食,反而食我煮的。

作為一個中意煮野食的男人,對自己味道點都會有堅持。
但我都想忠告當正自己伙頭大將軍然後調味好重手要老婆仔女食的男人:
好多病都係食出來,縱出來,唔好等到家人一個一個因為健康離開餐桌,百病纏身先來後悔。
謝謝收看。

[ 本帖最後由 華爾街之狼 於 2021-10-10 06:47 AM 編輯 ]



熱賣及精選
幾高


引用:
原帖由 華爾街之狼 於 2021-10-10 06:44 AM 發表

其實我係男仔,唔知點解瘦身區起女性版,不過如果你有另一半想減肥都可以睇下。
我超級中意食野,以前幾乎一日四餐,食得落就食到撐,而家每日都睇幾十條飲食視頻「頂肚」。
最高195磅,因為疫情關係少左戶外工作,食下食下就肥左15磅。
當時身體感覺好漲,肚腩大到好似想爆,血壓又高,真係好似少林足球咁:起呢個毛文,要爆了。

當時無諗住減肥,純粹唔小心睇左一個外國醫生Youtuber叫「柏格醫生」 ...
原則上贊成

只係唔同意食生果會肥

柏格醫生你自己查吓佢咩底細

上網睇資料最好搵返啲英美地區學術/醫療/政府機構官方發佈嗰啲,會比較可信

中文嗰啲好多抄來抄去

我煮嘢食係零調味,清蒸,而且只食原形食物

生果裡面啲果糖是不用擔心,因為生果有纖維

果糖伴隨纖維一齊攝取係唔會導致胰島素暴升

可交流吓平時食甚麼
https://ladies.discuss.com.hk/viewthread.php?tid=30050966



引用:
原帖由 華爾街之狼 於 2021-10-10 06:44 AM 發表

其實我係男仔,唔知點解瘦身區起女性版,不過如果你有另一半想減肥都可以睇下。
我超級中意食野,以前幾乎一日四餐,食得落就食到撐,而家每日都睇幾十條飲食視頻「頂肚」。
最高195磅,因為疫情關係少左戶外工作,食下食下就肥左15磅。
當時身體感覺好漲,肚腩大到好似想爆,血壓又高,真係好似少林足球咁:起呢個毛文,要爆了。

當時無諗住減肥,純粹唔小心睇左一個外國醫生Youtuber叫「柏格醫生」 ...
我都係睇咗佢嘅視頻,4個月由240磅減到198磅。



[隱藏]
生果貴食吾食都罷已戒好耐


引用:
原帖由 阿民.. 於 2021-10-10 06:09 PM 發表

生果貴食吾食都罷已戒好耐
生果貴



我吾想食囉


引用:
原帖由 華爾街之狼 於 2021-10-10 06:44 AM 發表

其實我係男仔,唔知點解瘦身區起女性版,不過如果你有另一半想減肥都可以睇下。
我超級中意食野,以前幾乎一日四餐,食得落就食到撐,而家每日都睇幾十條飲食視頻「頂肚」。
最高195磅,因為疫情關係少左戶外工作,食下食下就肥左15磅。
當時身體感覺好漲,肚腩大到好似想爆,血壓又高,真係好似少林足球咁:起呢個毛文,要爆了。

當時無諗住減肥,純粹唔小心睇左一個外國醫生Youtuber叫「柏格醫生」 ...
好犀利



引用:
原帖由 1467bee 於 2021-10-10 03:51 PM 發表


我都係睇咗佢嘅視頻,4個月由240磅減到198磅。
佢個原理係work,顛覆左我減肥就要放棄美食的觀念,令人好容易就維持到三個月以上。
我睇完佢D片,開始調節,總括分左幾個階段。

第一階段:行168,飲食如常,斷食時間頂唔順就食雞蛋。
第二階段:習慣左168唔需要再食雞蛋,開始戒甜食同避開食澱粉,凍飲走甜,盡量食肉食菜唔食飯。
第三階段:體重減輕,激勵自己繼續進一步加強斷食,開始由每日兩餐改成一餐,不超過當日卡路里攝取量都照食,保持自己心理舒服。

改變了飲食習慣,體重不再反彈,每日仲繼續有少少減輕。
現在剩肌肉鬆懈的小肚腩,開始運動將脂肪轉化為肌肉。

以前太肥做運動無效果又辛苦,好快就放棄。
而家見到肌肉做運動,日日睇住D線條慢慢出黎,感覺真係完全唔同。

平時身材健美的人教肥人運動減肥真係完全無感,佢地唔會明白肥人做運動,生理同心理都唔一樣。
其實肥人唔係唔想做,係佢地運動稍為劇烈,關節、血壓同心臟負荷就好大,好難維持到一個長的時間,加埋飲食習慣唔改,辛苦完轉頭就食番曬D卡路里落肚,好多時仲會食突,結果愈做運動反而愈肥。
我覺得首要改變飲食習慣,身形瘦了才慢慢恢復運動,對心血管同關節損耗更少,更容易養成習慣。



[隱藏]
引用:
原帖由 阿民.. 於 2021-10-10 07:31 PM 發表

我吾想食囉
咁你會少咗好多重要維他命/礦物質/抗氧化劑嘅來源

仲有纖維



引用:
原帖由 華爾街之狼 於 2021-10-11 12:43 PM 發表


佢個原理係work,顛覆左我減肥就要放棄美食的觀念,令人好容易就維持到三個月以上。
我睇完佢D片,開始調節,總括分左幾個階段。

第一階段:行168,飲食如常,斷食時間頂唔順就食雞蛋。
第二階段:習慣左168唔需要再食雞蛋,開始戒甜食同避開食澱粉,凍飲走甜,盡量食肉食菜唔食飯。
第三階段:體重減輕,激勵自己繼續進一步加強斷食,開始由每日兩餐改成一餐,不超過當日卡路里攝取量都照食,保持 ...
「將脂肪轉化為肌肉」←無呢回事

你做緊嘅嘢係消耗脂肪,同時,建立肌肉

而唔係直接將脂肪變成肌肉



引用:
原帖由 肥矮太空灰 於 2021-10-11 01:50 PM 發表


「將脂肪轉化為肌肉」←無呢回事

你做緊嘅嘢係消耗脂肪,同時,建立肌肉

而唔係直接將脂肪變成肌肉
將脂肪變肌肉都ok喎



大家好,咁開心我都分享埋一份,
我個人觀點就無減肥呢回事,肥只係一個錯誤飲食生活習慣的訊號,我哋要做既事唔係解決個訊號問題,而係要解決令呢個訊號出現的源頭問題。
唔好用減肥心態去處理肥胖問題,更唔好著重於時間與磅數身上,應該努力把自己由過往的生活圈拉番出黎。

反彈呢個詞語完全不適用於減肥,係啲公司用來騙人的技倆。
呢類廣告會降低市民的智商及洗腦,令到消費者相信肥係某程度上係一種自然現象,只要我做左某公司療程或者食左某產品就可以斷絕呢種現象。
其實反彈100%係自己一手做成。唔好講到好似好無辜咁,凶手明明係自己就講成被害咁,唉……隔左一個月反彈左!

運動就人人都應該做,最重要因應自己情況選擇適合自己的運動。
飲食主要係提供營養,運動主要用來強身。

一些錯誤的洗腦集:
做運動將脂肪變肌肉
如果一排唔做運動肌肉會變脂肪
做situp減肚腩
食肉會變肥
反彈屬自然現象
減肥最好做運動
相信減肥產品或療程
游水可以減全身
食飽飯企下就減到肚腩
散下步搖下手腳就減到肥
少食多餐有助減肥
多菜少肉 (分分鐘唔夠營養)

……



引用:
原帖由 肥矮太空灰 於 2021-10-11 01:50 PM 發表


「將脂肪轉化為肌肉」←無呢回事

你做緊嘅嘢係消耗脂肪,同時,建立肌肉

而唔係直接將脂肪變成肌肉
做運動燃燒脂肪,同時增加肌肉,簡化版。



[隱藏]
引用:
原帖由 小志仔 於 2021-10-11 03:29 PM 發表

大家好,咁開心我都分享埋一份,
我個人觀點就無減肥呢回事,肥只係一個錯誤飲食生活習慣的訊號,我哋要做既事唔係解決個訊號問題,而係要解決令呢個訊號出現的源頭問題。
唔好用減肥心態去處理肥胖問題,更唔好著重於時間與磅數身上,應該努力把自己由過往的生活圈拉番出黎。

反彈呢個詞語完全不適用於減肥,係啲公司用來騙人的技倆。
呢類廣告會降低市民的智商及洗腦,令到消費者相信肥係某程度上係一種自然現象 ...
某程度係同意。係泳池有個鬼佬同我吹fasting,佢話重點係改變你生活,飲食習慣而已。



主題標籤 #瘦身
提示:支持鍵盤翻頁左 右
[按此隱藏 Google 建議的相符內容]