• 瀏覽: 28,436
  • 回覆: 125
  • 追帖: 1
[隱藏]
之前話表妹比業主逼遷阿媽做好心收留佢,明明話住一排就會搬走之後又反口話打算每個月交返租係到長住
表妹終於係激嬲左成家人之後可以離開我地!

我呢位表妹係超級港女,唔講以為佢係民間公主
其實由阿媽收留佢個日開始我老豆就已經唔係咁中意,一黎係因為阿媽冇同我地商量過,二黎就係老豆同姑媽既關係都一般,佢覺得親生阿媽都唔理個女我地做咩要咁好人幫佢照顧個女

表妹口口聲聲話交返租比我地,但係原來佢只係比返3000蚊我阿媽當交租
Wtf?請問3000蚊可以做到啲咩?3000蚊租劏房都唔得啦,仲要係到呢住又有人煮埋飯比你食衫又幫你洗埋都只係比3000蚊你真係好唔好意思?仲要話我都係每個月比4500蚊家用佢覺得佢做細既唔應該比得多過我咁話。以為自己真係親生女咩,衰啲咁講你寄人籬下架咋憑咩覺得自己可以咁樣同我比?

之前話佢會偷入我間房用我女朋友擺係我到既護膚品黎用,我女朋友每次臨走個陣都會執走埋啲護膚品唔會比賊人有機可乘!
有個星期六,我同女朋友去街夜左返屋企,表妹即刻走黎興師問罪咁款問點解我間房入面啲護膚品唔見晒
個晚我同佢嘈左一陣,大致我就係話佢明明啲野唔係佢既又拎黎用仲要偷入人地間房,仲有都唔係佢既咁收走都唔需要同佢交代
佢仲要話我女朋友好小氣,唔比佢一齊用仲話一個人邊會用得晒咁多,用唔晒都係浪費
你咁大方唔見你自己買返黎同我阿媽一齊用?
最後仲搞到阿媽都出黎問咩事,不過又一係一句相嗌唔好口就叫停我地
由個次開始我就已經決定左一係佢走一係我走!

勢估唔到佢離開呢到既原因就係佢激嬲我老豆
平時老豆係一個好好脾氣既人,唔中意同人地計較,唯獨是佢唔可以有人批評阿媽煮飯難食!

有晚表妹食完飯就成個大小姐咁坐係梳化到玩電話,阿媽問佢洗唔洗幫佢整飯盒第二日帶飯返工
表妹話:唔帶啦,今日啲餸都唔好食,食一日唔好食既野已經夠啦我唔想再食第二日
成家聽到之後全部人都唔出聲,表妹仲要補多句:咁係呀嘛,唔好食都要人食多日咩
我真係恭喜你呀,中大獎啦!講一次當你唔小心講左自己既感受出黎,第二次就係有心架啦
老豆就鬧佢:點解你份人可以咁不知感恩?如果唔係我地好心收留你既話你依家可能訓緊街啦,係呢到有人煮埋飯比你食仲要關心埋你洗唔洗帶飯都仲係到嫌三嫌四。我地真係冇本事滿足到你對住同食既要求呀,唔該你一個禮拜內同我搬走。

表妹開頭以為老豆講下唔會真係趕佢走,隔左半個鐘之後老豆叫佢交返條鎖匙出黎,黎緊一個禮拜佢返黎禁鐘我地就會開門比佢。仲話遲左返黎我地唔會等埋佢先食唔會留飯更加唔會再幫佢整飯盒,叫佢pack好晒自己拎過黎既野一件垃圾都唔可以留低,更加唔好諗住可以拎走唔屬於佢既野
表妹先知原來老豆同佢講真,即刻話佢唔係有心想嫌咁多野,但係都已經太遲了,佢已經完美咁樣踩左入個地雷入面

隔左一個禮拜之後聽阿媽講表妹都仲未搵到屋,不過因為老豆堅持只係比一個禮拜佢做限期所以未搵到屋都要去住酒店先
表妹已經搬走左個幾禮拜,有時偷聽阿媽同表妹講電話佢都仲未搵到屋可能之後都打算住serviceapartment就算數
亦都因為呢件事,老豆同阿媽講表妹以後都唔可以上黎屋企食飯,如果要食就出街食唔想再見到佢係我地屋企出現
表妹搬走左終於我地都唔需要再照顧民間公主



乖乖龍地冬
熱賣及精選
引用:
原帖由 拍拉拍拉櫻之花 於 2021-10-4 12:55 PM 發表

之前話表妹比業主逼遷阿媽做好心收留佢,明明話住一排就會搬走之後又反口話打算每個月交返租係到長住
表妹終於係激嬲左成家人之後可以離開我地!

我呢位表妹係超級港女,唔講以為佢係民間公主
其實由阿媽收留佢個日開始我老豆就已經唔係咁中意,一黎係因為阿媽冇同我地商量過,二黎就係老豆同姑媽既關係都一般,佢覺得親生阿媽都唔理個女我地做咩要咁好人幫佢照顧個女

表妹口口聲聲話交返租比我地 ...
弓起晒






你老豆做得好
不知感恩的人
以為人人都欠左佢



日久見人心啦


[隱藏]
 
多謝樓主咁有心,打咁長篇文話俾我地知個後續。

算啦,始終有能力幫人都係好事嚟嘅,過咗去就算了。



真替樓主高興


恭喜
點解樓主阿媽咁好人肯收留你個極品表妹
小心阿媽貼錢俾表妹租地方住



恭喜🍾🎊🎉


佢以為比咗3000個月就大晒! 宜家廢青根本唔知米貴租貴… 唔底可憐🥺


[隱藏]
 
引用:
原帖由 拍拉拍拉櫻之花 於 2021-10-4 12:55 PM 發表

之前話表妹比業主逼遷阿媽做好心收留佢,明明話住一排就會搬走之後又反口話打算每個月交返租係到長住
表妹終於係激嬲左成家人之後可以離開我地!

我呢位表妹係超級港女,唔講以為佢係民間公主
其實由阿媽收留佢個日開始我老豆就已經唔係咁中意,一黎係因為阿媽冇同我地商量過,二黎就係老豆同姑媽既關係都一般,佢覺得親生阿媽都唔理個女我地做咩要咁好人幫佢照顧個女

表妹口口聲聲話交返租比我地 ...
請鬼容易,送鬼難,由其厚面皮嘅人



有請「徐小鳳」


引用:
原帖由 JJ_girl 於 2021-10-4 04:52 PM 發表

恭喜
點解樓主阿媽咁好人肯收留你個極品表妹
小心阿媽貼錢俾表妹租地方住
應該唔會貼錢比佢住既,因為阿媽啲錢都係要問老豆拎



引用:
原帖由 jackiekwok 於 2021-10-4 04:17 PM 發表

多謝樓主咁有心,打咁長篇文話俾我地知個後續。

算啦,始終有能力幫人都係好事嚟嘅,過咗去就算了。
大家係過去兩個月都聽我講,又會比意見我
同埋表妹真係太多事跡可以拎出黎講!



真心恭喜樓主件極品終於走左


[隱藏]
 
恭喜樓主


提示:支持鍵盤翻頁左 右