• 瀏覽: 1,540
  • 回覆: 1
  • 追帖: 1
[隱藏]
結婚幾年,本身並唔係特別想生小朋友既人,但另一半好鍾意, 所以覺得可以尊重佢既意願, 答應過佢今年開始試,衣家試左大約幾個月,感覺好心淡。

原因係佢雖然口講好鍾意,平日佢見到小朋友都係非常雀躍去同佢地玩,亦問過佢其實係咪真係好想生佢話係,所以我都願意答應去嘗試,

但問題就出現… 喺成個備孕過程中,佢既參與度極低,由一開始準備前要去做既體檢我叫佢搵遲遲都無理,提左好多次提到我表達唔開心佢先去正式開始搵; 然後到開始試既時候,佢仍然會食煙,我同佢都係有吸煙習慣既人,不過食既次數好小,幾日都未必會食一次,但我知要準備嘗試前已經的起心肝唔食煙什至戒飲酒(平時一星期或者會有一兩次同朋友聚會時可能會飲酒),我明白期間有食過煙都不至於咩大罪,但佢會因為自己想食,又好似忘記左大家既目標咁,問埋我食唔食,飲酒都係同一情況。

到排卵日前,我計算好預計係邊日,亦有一兩日前同佢講左,但試過有一個月,預計係排卵日果晚佢係完全無左回事咁, 直接訓左,第二日起身佢有認真道歉,話自己因為太攰所以無左件事,但見佢咁我都無咩動力想再努力。

佢係事無大小都會拎起個電話問下google佢想知道既事果種人,但喺備孕呢件事上,佢並無想去了解,包括懷孕既過程;排卵期只得一日;食煙同飲酒有咩影響;同埋要經過咩程序先算成功懷孕,呢d佢完全唔知,想同佢傾佢就好隨便咁回應兩句就算,然後講其他話題。

呢兩日發覺自己左下腹有d痛,平時呢種痛只會發生喺排卵日,但衣家唔係排卵日,我係比較會諗得多既人,開始諗起有朋友試過宮外孕,因為呢種痛既情況有d異常所以會聯想到,今日同佢提過,但佢一手拎住佢部電話打機,一邊Hea答我問咁點算, 佢聽到我語氣唔開心 所以有放低電話問可以點算. 之後我已經唔太想答佢,唔知點解果刻已經覺得好無奈,無心機再想講d咩。

呢段時間我好似做左佢懷孕知識達人咁,咩都係我同佢講,但其實佢連問無問,只係我一直講,佢自己連了解多d都唔去做,我都係咩都唔識,上網搵下睇下咁,好心淡,覺得本來話好想要小朋友既係佢,但結果一直只有自己喺度在意,佢淨係負責打個冷震咁。我都唔知應該點好。

有無人既另一半備孕時都係參與度極低?



熱賣及精選
睇黎你地要再溝通下之後既路


[按此隱藏 Google 建議的相符內容]