• 瀏覽: 24,408
  • 回覆: 13
  • 追帖: 8
[隱藏]
咩事離婚?你係男定女?如果係男又唔捨得,咪主動追返人。


熱賣及精選
引用:
原帖由 胡姫爸爸 於 2021-9-19 10:16 PM 發表


咁點解要離婚?



引用:
原帖由 arashiwinds 於 2021-9-19 10:52 PM 發表


有,未到想自殺,但覺得生不如死
都係好奇,既然咁難受,點解要離婚?
個人睇法,離婚係一種解脫,放下一切重新出發。
離婚嘅決定唔容易,所以作出此決定前應已深思熟慮。



引用:
原帖由 arashiwinds 於 2021-9-19 11:04 PM 發表


有時愛情同麵包,係真係要取捨,特別係個家庭已經唔只得2個人,我只係選擇左後者
選擇咗就放低以前嘅事,重新出發!加油!



[隱藏]
引用:
原帖由 arashiwinds 於 2021-9-19 11:09 PM 發表


如果放低到,根本已經唔會上呢個版,我諗樓主都係一樣,選擇左但放低唔到,唔知可以點
時間,比啲時間自己!
我以前都以為自己放唔低,始終三十幾年感情,但當有一刻突然發現世上有其他嘢比感情重要,就會放得低!加油!^^



引用:
原帖由 arashiwinds 於 2021-9-19 11:18 PM 發表


我已經俾左2年時間自己,都同自己講過只要捱過左時間就放得低,但最近知道前夫已有新一任,就知道原來時間只係自欺欺人
每個人需要嘅時間都唔同,唔需要迫自己,總有一日會放低。
既然佢已經有第二個,咁就更加應該放生自己,重新出發,愛自己多啲,總會搵到珍惜你嘅人!
我都係女人,我前夫嘅女人已經車輛轉,但對於我,佢已經係一個陌生人,唔會再傷害到我,共勉之!



引用:
原帖由 arashiwinds 於 2021-9-20 07:45 AM 發表


有d好奇其實你前夫年紀應該唔細,係keep得好?型男?定好有錢?點解仲可以有車輪轉既女人?三十幾年感情中間,係要玩既唔係都應該一早玩左?
中年男人高大有頭髮無肚腩,搵到錢咁囉,七、八年前佢出軌過一次,當時兩個孩子細,又因為愛佢所以原諒佢,可惜佢都係心野,或者出面太多誘惑啩,總之佢想做無腳嘅雀仔,我成全佢。



引用:
原帖由 arashiwinds 於 2021-9-20 10:57 AM 發表


你成全佢係岩既,d人成人話出軌只有無同無限次,我覺得講得好岩,所以我一定做唔到你咁,有第一次出軌我諗我已經原諒唔到佢,就算當為小朋友勉強一齊,都永遠會疑神疑鬼同無安全感咁過日子
咁你同先生又係咩原因分開?



引用:
原帖由 kilogram 於 2021-9-20 02:25 PM 發表


有些人是被離婚被放棄
被離婚又好,主動提出離婚又好,中間都係一個原因:唔再愛對方。
既然對方已經唔愛你,點捉緊愛佢嘅感覺/思念或以前嘅美好回憶,只會傷害你自己。



[隱藏]
引用:
原帖由 arashiwinds 於 2021-9-20 03:12 PM 發表


我諗我同佢都各自有唔岩既,亦有唔同既問題,真正導火線都係佢令我要係愛情同麵包做選擇,所以分開都係我提出既,換個角度其實我都抵死既…
既然係自己嘅選擇就別回頭,放低過去積極面對將來!



引用:
原帖由 價值 於 2021-9-21 09:03 AM 發表

通常男人先念舊情 話掛住又盛 唔會見女人係咁
一個個,好絕嘅男人都唔少。



引用:
原帖由 arashiwinds 於 2021-9-23 10:40 PM 發表


咁可能我都傳統,我同你諗法一樣,我仲要有小朋友…所以預左孤獨終老
點解一個人就係孤獨終老呢?
單身都可以過得精彩,心態上改變就可以。
我離婚後先搵到班固定嘅朋友,個個星期一齊食一齊玩,自己開心咗好多,先發現真正嘅孤獨係身邊有另一半依然覺得孤單,個種先係真正孤獨。
離婚唔係人生嘅全部,活好每一天向自己交代就夠,加油!



引用:
原帖由 johnball 於 2021-9-24 12:09 PM 發表


個種先係真正孤獨。。。同感。    師兄/姐  通透
祝你開心健康每一天。
師兄,感謝祝福!相信好快你都可以搵番自己嘅人生!^^



引用:
原帖由 失控的人生 於 2021-9-28 08:22 PM 發表


又係一件垃圾。
佢係負心,但平心而論,我覺得佢唔算好差,起碼後生個陣佢曾經對我同兩個孩子好好,只係人年長咗會變。
上年一場大病,好多嘢我睇化咗,做人,來是一人走亦一樣,愛自己多一啲,讓活在世上嘅每一天都係快樂,足矣!^^



[按此隱藏 Google 建議的相符內容]